Hiob 35:1-16

  • Elihu tsɔɔ akɛ Hiob susumɔ lɛ ejaaa (1-16)

    • Hiob kɛɛ eja fe Nyɔŋmɔ (2)

    • Nyɔŋmɔ yɛ ŋwɛi shɔŋŋ, esha esaaa ehe (5, 6)

    • Esa akɛ Hiob amɛ Nyɔŋmɔ (14)

35  Elihu tee nɔ ewie akɛ:   “Ani oheɔ oyeɔ akɛ osane ja aahu akɛ okɛɔ akɛ,‘Mija fe Nyɔŋmɔ’?+   Ejaakɛ okɛɔ akɛ, ‘Ani ekɔɔ ohe* eko? Ani mishihilɛ hi fe bɔ ni kulɛ ebaaji kɛji mifee esha lɛ?’+   Majie bo naa,Ni majie onanemɛi+ ni fata ohe lɛ hu naa.   Wó ohiɛ nɔ okwɛ ŋwɛi,Kwɛmɔ atatui+ ni yɔɔ ŋwɛi shɔŋŋ yɛ oyiteŋ lɛ.   Kɛji ofee esha lɛ, ani oyeɔ lɛ awui yɛ gbɛ ko nɔ?+ Kɛji omlatɔmɔi lɛ fa lɛ, mɛni ofeɔ lɛ?+   Kɛji jalɔ ji bo lɛ, mɛni ohãa lɛ;Mɛni enáa yɛ odɛŋ?+   Onɔfɔŋfeemɔ lɛ, gbɔmɔ ni tamɔ bo nɔŋŋ awui eyeɔ,Ni ojalɛ lɛ, gbɔmɔ bi náa he sɛɛ.   Mɛi bolɔɔ kɛji aawa amɛ yi waa;Amɛbolɔɔ koni ajie amɛ kɛje hewalɔi anɔyeli* shishi.+ 10  Shi mɔ ko mɔ ko ekɛɛɛ akɛ, ‘Nɛgbɛ Nyɔŋmɔ, ni ji mi-Feelɔ Kpeteŋkpele lɛ,+Mɔ ni hãa aláa lalai gbɛkɛ lɛ yɔɔ?’+ 11  Etsɔɔ wɔ nii+ fe shikpɔŋ lɛ nɔ kooloi,+Ni ehãa wɔtsɔmɔɔ hiɛshikalɔi fe ŋwɛi loofɔji. 12  Mɛi bolɔɔ, shi efooo mli+Yɛ mɛi fɔji ahenɔwomɔ lɛ hewɔ.+ 13  Anɔkwa, Nyɔŋmɔ booo yaka bolɔmɔ toi;*+Ofe lɛ kɛ ejwɛŋmɔ eyaaa nɔ po. 14  Belɛ, kɛ́ owie oshi lɛ akɛ onaaa lɛ lɛ, ani ebaabo bo toi?+ Osane lɛ kã ehiɛ, no hewɔ lɛ, too otsui shi omɛ lɛ kɛkɛ.+ 15  Ejaakɛ ekɛ mlifu biko ni obabu ohe akɔntaa otsɔɔ lɛ;Ni ekɛ ejwɛŋmɔ eyako bɔ ni okɛ oyaiyeli feɔ onii kɛkɛ lɛ nɔ.+ 16  Hiob gbɛɔ edaaŋ hatoo efolo;Ewieɔ wiemɔi babaoo ní nilee bɛ mli.”+

Shishigbɛ Niŋmaa

Eeenyɛ efee akɛ, aatsɔɔ Nyɔŋmɔ.
Hebri sht. ŋm., “anine.”
Loo “booo amale toi.”