Hiob 31:1-40

  • Hiob tsɔɔ akɛ eyeɔ anɔkwa (1-40)

    • “Mikɛ mihiŋmɛii ekpaŋ kpaŋmɔ” (1)

    • Ebi ní Nyɔŋmɔ kɛ nsɛni aŋmɛ lɛ ekwɛ (6)

    • Ejeee gbalafitelɔ (9-12)

    • Ejeee mɔ ni sumɔɔ shika (24, 25)

    • Ejeee amagajalɔ (26-28)

31  “Mikɛ mihiŋmɛii ekpaŋ kpaŋmɔ.+ No hewɔ lɛ, te aaafee tɛŋŋ ni mikɛ mijwɛŋmɔ aaama oblayoo fro nɔ bɔ ni esaaa lɛ?+   Kulɛ mɛɛ gbɛfaŋnɔ maná kɛjɛ Nyɔŋmɔ ni yɔɔ ŋwɛi lɛ dɛŋ,Mɛɛ gboshinii maná kɛjɛ Ofe ni yɔɔ ŋwɛi shɔŋŋ lɛ dɛŋ?   Ani oshãra emɛɛɛ efɔŋfeelɔNi amanehulu emɛɛɛ mɛi ni feɔ nibii fɔji?+   Ani enaaa migbɛi lɛ+Ni ekaneee minajifaamɔi fɛɛ?   Ani minyiɛ yɛ amale mli pɛŋ?* Ani minane eye oyai kɛyalaka mɔ ko pɛŋ?+   No lɛ, Nyɔŋmɔ kɛ nsɛni ni ja aŋmɛ mi ekwɛ;+Ni ebaana akɛ miyeɔ anɔkwa.+   Kɛji minajifaamɔi egbá afã kɛje gbɛ lɛ nɔ+Aloo mitsui enyiɛ mihiŋmɛii asɛɛ+Aloo miniji ahe ewo muji lɛ,   No lɛ, kɛ́ midu nii lɛ, mɔ kroko aye,+Ní afamɔ nii ni midu lɛ ashwie.*   Kɛji mitsui emɔ yoo ko pɛŋ,+Ni miyawo ka+ yɛ minaanyo shinaa shi lɛ, 10  No lɛ, miŋa awiɛ ŋmaa* ehã nuu kroko,Ní hii krokomɛi kɛ lɛ aná bɔlɛ.*+ 11  Ejaakɛ no lɛ hiɛgbejianii ni,Eji tɔmɔ ní sa akɛ kojolɔi agbala mɔ toi yɛ he.+ 12  Eji la ni shãa nii ní ekpãtãa hiɛ* kwraa,+Ebaashã minibii lɛ fɛɛ ashishifãi po.* 13  Kɛji miyeee mitsuji hii kɛ mitsuji yei jalɛ saneBe ni amɛkɛ mi yɛ sane ko lɛ, 14  No lɛ, mɛni mafee kɛ́ Nyɔŋmɔ bi mi he sane?* Mɛɛ hetoo mahã lɛ kɛji ebi ní mibajie minaa?+ 15  Ani jeee mɔ ni fee mi yɛ musu mli lɛ nɔŋŋ fee amɛ?+ Ani jeee mɔ kome too lɛ nɔŋŋ shɔ̃ wɔ fɛɛ dani afɔ wɔ?*+ 16  Kɛji mihãaa ohiafoi nii ni amɛshweɔ+Aloo mihã yei okulafoi ahiŋmɛii ye awerɛho;*+ 17  Kɛji mikome too miye miniyeniiNi mihãaa awusãi eko;+ 18  (Ejaakɛ miblahiiaŋ tɔ̃ɔ awusã lɛ jɛ* ekɛ mi da, tamɔ nɔ ni miji etsɛ,Ni migbekɛbiiashi* tɔ̃ɔ mijɛ mitsɔ yoo okulafo gbɛtsɔɔlɔ.*) 19  Kɛji mina mɔ ko ni hiɛ miikpãtã akɛni ebɛ atade lɛ hewɔ,Aloo ohiafo ni bɛ nɔ ko kwraa ni ekɛaaha ehe;+ 20  Kɛji* ejɔɔɔ mi+Be ni migwantɛŋ hetsɔi mama hãa ehe feɔ kulɔɔ lɛ; 21  Kɛji mima atswɛrɛ ni mihoso mitsɔɔ awusã+Be ni etaoɔ ni mawa lɛ* yɛ maŋ lɛ agbó lɛ naa lɛ;+ 22  No lɛ, minine* akpɔ kɛje mikɔɔŋ he,Ni minine aku yɛ minikutso naa.* 23  Ejaakɛ miyashe amanehulu ni jɛ Nyɔŋmɔ ŋɔɔ lɛ gbeyei,Ni minyɛɛɛ enunyam lɛ hiɛ madamɔ. 24  Kɛji mikɛ mihiɛ fɔ̃ shika tsuru nɔAloo mikɛɛ shika tsuru kpakpa akɛ, ‘Bo onɔ mikɛ mihiɛ fɔ̃ɔ!’+ 25  Kɛji miná miishɛɛ yɛ minii babaoo lɛ hewɔ+Hɛɛ, yɛ nii babaoo ni miná lɛ hewɔ;+ 26  Kɛji mina hulu* lɛ miitsoAloo nyɔɔŋtsere lɛ ní eeho yɛ ekpɛmɔ fɛfɛo lɛ mli;+ 27  Ni mitsui laka mi nigii,Ni minaabu shɔ minine he kɛjá amɛ lɛ;+ 28  No lɛ, ebaafee tɔmɔ ní sa akɛ kojolɔi agbala mɔ toi yɛ he,Ejaakɛ kulɛ no baatsɔɔ akɛ mikwa anɔkwa Nyɔŋmɔ ni yɔɔ ŋwɛi lɛ. 29  Ani minya yɛ mihenyɛlɔ hiɛkpatamɔ he pɛŋ,+Aloo mimli efili mi yɛ nɔ fɔŋ ko ni ba enɔ lɛ hewɔ pɛŋ? 30  Miŋmɛko minaabu gbɛ ní efee eshaNí matsɔ kitãkamɔ nɔ mabi ni aŋɔ ewala.*+ 31  Ani mimama tsũ lɛ mli bii lɛ ekɛɛɛ akɛ,‘Namɔ po yeko eniyenii* etɔko dã?’+ 32  Mɔkpɔŋ ko mɔkpɔŋ ko* yeee jenamɔ yɛ agbó naa;+Migbeleɔ mishinai lɛ mihãa gbɛfalɔ. 33  Ani mika akɛ matsĩmɔ mimlatɔmɔi anɔ tamɔ mɛi krokomɛi feɔ lɛ,+Ní mikɛ mitɔmɔ lɛ atee yɛ mitade lɛ kotoku lɛ mli pɛŋ? 34  Ani mihã bɔ ni mɛi babaoo baafee amɛnii amɛhã lɛ ewo mihe gbeyei,Aloo mihã bɔ ni wekui krokomɛi baanyaŋe mi lɛ ehã ŋmiŋmi emɔ mi,Ni no ehã mifee diŋŋ ni miishe gbeyei akɛ maje kpo? 35  Miná kulɛ mɔ ko baabo mi toi!+ Kulɛ maŋma migbɛ́i mawo nɔ ni miwie lɛ shishi.* Ofe lɛ ahã mi hetoo!+ Miná kulɛ mɔ ni kɛ sane fɔ̃ɔ minɔ lɛ eŋmala saji ni ekɛshwieɔ minɔ lɛ yɛ wolo nɔ! 36  Kulɛ mikɛbaaŋmɛ mikɔɔŋ nɔ,Ni mikɛbaafi miyitso tamɔ akekere. 37  Kulɛ mabu minajifaamɔi fɛɛ ahe akɔntaa mahã lɛ;Matsi mabɛŋkɛ lɛ kɛ ekãa, tamɔ ablade. 38  Kɛji mi diɛŋtsɛ mishikpɔŋ lɛ aaabolɔ awo miNi enɔ nujɔi ni agbála lɛ fɛɛ aaafó; 39  Kɛji miye enɔ yibii lɛ ni miwooo he nyɔmɔ,+Aloo mihã nɔtsɛmɛi* lɛ efee basaa pɛŋ lɛ;+ 40  No lɛ, wiiti najiaŋ lɛ, ŋmei moŋ akwɛ̃ ahã mi,Ni barle* najiaŋ lɛ, jwɛi ni jeɔ fu akwɛ̃.” Hiob wiemɔi lɛ naagbee nɛ.

Shishigbɛ Niŋmaa

Shishitsɔɔmɔi komɛi kɛɔ akɛ, “Ani mikɛ mɛi ni yeee anɔkwa enyiɛ pɛŋ?”
Loo “afamɔ miseshibii lɛ ashɛrɛ ashwie.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Hebri sht. ŋm., “hii krokomɛi akoto enɔ.”
Hebri sht. ŋm., “la ni yeɔ nii kɛyashiɔ ekpãtãa hiɛ.”
Loo “Ebaafãmɔ minibii lɛ fɛɛ eshwie.”
Hebri sht. ŋm., “kɛ́ Nyɔŋmɔ te shi?”
Hebri sht. ŋm., “shɔ̃ wɔ fɛɛ yɛ musu mli?”
Hebri sht. ŋm., “ahiŋmɛii anɔ ha.”
Hebri sht. ŋm., “miblahiiaŋ tɔ̃ɔ nuu lɛ jɛ.”
Hebri sht. ŋm., “minyɛ musuŋ.”
Hebri sht. ŋm., “mitsɔ yoo lɛ gbɛtsɔɔlɔ.”
Hebri sht. ŋm., “Kɛji ehɛ.”
Shishitsɔɔmɔi komɛi kɛɔ akɛ, “Be ni mina akɛ miyɛ yelikɛbuamɔ.”
Loo “mikɔɔŋ wu.”
Loo “aku kɛje etalɔ lɛ mli; aku kɛje eŋwɛigbɛ wu lɛ he.”
Hebri sht. ŋm., “la.”
Loo “esusuma.”
Hebri sht. ŋm., “eloo.”
Loo “Gbɔ ko gbɔ ko.”
Loo “Miwaonaa gbɛ́i nɛ.”
Loo “nɔtsɛmɛi lɛ asusumai.”
Eji wiiti henɔ ko.