Hiob 3:1-26

  • Hiob werɛ ho ehe akɛ afɔ lɛ (1-26)

    • Ebi nɔ hewɔ ni enaa nɔ lɛ (20, 21)

3  Enɛ sɛɛ lɛ, Hiob bɔi wiemɔ ni elomɔ gbi ni afɔ lɛ* lɛ.+  Hiob kɛɛ:   “Gbi ni afɔ mi yɛ nɔ lɛ hiɛ akpãtã,+Kɛ gbi gbɛkɛ hu ni mɔ ko kɛɛ akɛ: ‘Aŋɔ binuu hɔ!’ lɛ.   Nakai gbi lɛ atsɔ duŋ. Nyɔŋmɔ ni yɔɔ ŋwɛi lɛ akasusu ehe;La ko akakpɛ yɛ enɔ.   Duŋ kpii fe fɛɛ* lɛ aŋɔ lɛ akɛ enɔ. Nugbɔnɛmɔ atatu aha enɔ. Nɔ fɛɛ nɔ ni hãa jetsɛremɔ woɔ duŋ lɛ ahã ŋmiŋmi amɔ lɛ.   Nakai gbi gbɛkɛ lɛ—oblɔtu aŋɔ lɛ;+Emii akashɛ ehe yɛ afi mli gbii lɛ ateŋ,Ni akabu lɛ afata nyɔji lɛ ayibɔ lɛ he.   Hɛɛ! Nakai gbi gbɛkɛ lɛ atsɔ kene;Akanu nyamɔ gbee ko yɛ emli.   Mɛi ni lomɔɔ gbi lɛ alomɔ lɛ,Mɛi ni nyɛɔ Leviatan*+ hiɛ amɛtsĩɛɔ lɛ.   Eŋulamii ni jeɔ hulushinyɔɔ beiaŋ lɛ atsɔ duŋ;Hã emɛ jetsɛremɔ la efolo,Ni ekana leebi maŋkpa la kpɛmɔ lɛ. 10  Ejaakɛ eŋamɔɔɔ mimami musu shinai lɛ anaa;+Ni ekɛ haomɔ eteee mihiŋmɛii hu. 11  Mɛni hewɔ migbooo be ni afɔ mi lɛ? Mɛni hewɔ mihiɛ kpãtãaa be ni mijɛ musuŋ miba lɛ?+ 12  Mɛni hewɔ aná nakutsei here miNi miná fufɔi hu miye lɛ? 13  Kulɛ benɛ mikã shi ní mɔ ko gbaaa minaa;+Kulɛ benɛ miiwɔ ní mihe ejɔ mi,+ 14  Mikɛ shikpɔŋ lɛ nɔ maŋtsɛmɛi kɛ amɛŋaawolɔi,Mɛi ni mamɔ tsũi amɛhã amɛhe ni amrɔ nɛɛ etsɔmɔ koikoi* lɛ, 15  Loo mikɛ abladei ni ná shika tsuru,Mɛi ni amɛshĩai yimɔ obɔbɔ kɛ jwiɛtɛi lɛ. 16  Aloo mɛni hewɔ ni mitsɔɔɔ tamɔ sharakemɔ bi ni aŋɔtee,Tamɔ gbekɛbii ni enako hulu la pɛŋ lɛ? 17  Jɛmɛ lɛ, mɛi fɔji po ahaomɔ sɛɛ efo;Jɛmɛ lɛ, mɛi ni etɔ amɛ lɛ ahe ejɔ amɛ.+ 18  Jɛmɛ lɛ, gboklɛfoi fɛɛ ahe ejɔ amɛ;Amɛnuuu mɔ ni nyɛɔ amɛnɔ ni amɛtsu nii lɛ gbee dɔŋŋ. 19  Jɛmɛ lɛ, mɛi bibii kɛ mɛi wuji fɛɛ pɛpɛɛpɛ,+Ni nyɔŋ eye ehe yɛ enuŋtsɔ dɛŋ. 20  Mɛni hewɔ ehãa mɔ ni naa nɔ lɛ laNi ehãa mɛi ni ehao waa* lɛ wala?+ 21  Mɛni hewɔ amɛshweɔ gbele, shi ebaaa lɛ?+ Amɛtsaa shi amɛtaoɔ lɛ fe jwetrii ni aŋɔtee, 22  Mɛi ni nyaa waa,Ní amɛmii shɛɔ amɛhe kɛ́ amɛna gbonyobu lɛ. 23  Mɛni hewɔ ehãa nuu ni edu gbɛ lɛ la,Mɔ ni Nyɔŋmɔ efo afabaŋ kɛsa eyi lɛ?+ 24  Ejaakɛ miniyenii najiaŋ lɛ, mikɔmɔyeli moŋ baa,+Ni mikɛ̃ɛmɔ+ lɛ shwieɔ shi tamɔ nu. 25  Ejaakɛ nɔ ni ŋmiŋmi mɔɔ mi yɛ he lɛ eba minɔ,Ni nɔ ni misheɔ he gbeyei lɛ eba minɔ. 26  Mináko toiŋjɔlɛ, miwoko mitsui, mihe ejɔko mi,Shi haomɔ miiba lolo.”

Shishigbɛ Niŋmaa

Hebri sht. ŋm., “elomɔ egbi.”
Loo “Duŋ kɛ gbele hɔɔŋ.”
Asusuɔ akɛ no ji baa loo nu mli kooloo kroko ni da ni yɔɔ hewalɛ waa.
Shishitsɔɔmɔi komɛi kɛɔ akɛ, “Mɛi ni mamɔ amaŋfɔi amɛhã amɛhe.”
Loo “mɛi ni susuma ehao waa.”