Hiob 27:1-23
27 Hiob tsa ewiemɔ* lɛ nɔ ekɛɛ:
2 “Gbii abɔ ni Nyɔŋmɔ, mɔ ni yeee mi jalɛ sane lɛ, hiɛ kã nɛɛ,+Gbii abɔ ni Ofe lɛ, mɔ ni ehã miwerɛ eho mihe* lɛ, hiɛ kã nɛɛ,+
3 Gbii abɔ ni mimumɔ yɔɔ mimli,Ní mumɔ ni jɛ Nyɔŋmɔ ŋɔɔ yɔɔ migugɔ mli nɛɛ,+
4 Minaabu ewieŋ nii ni ejaaa;Ni mililɛi hu ewieŋ lakamɔ wiemɔi!
5 Ebaŋ lɛ kɔkɔɔkɔ akɛ mabu nyɛ jalɔi!
Miŋmɛŋ minɔkwayeli lɛ he* kɛyashi magbo!+
6 Mahiɛ mijalɛ lɛ mli, ni miŋmɛŋ he kɔkɔɔkɔ;+Mitsui ebuŋ mi fɔ,* gbii abɔ ni mihiɛ kã nɛɛ.*
7 Mihenyɛlɔ lɛ atsɔ tamɔ mɔ fɔŋ,Mɛi ni tutuaa mi lɛ hu atsɔmɔ tamɔ mɛi ni ejaaa nɔŋŋ.
8 Ejaakɛ mɛɛ hiɛnɔkamɔ mɔ ni ebuuu Nyɔŋmɔ* yɔɔ kɛji akpãtã ehiɛ,+Kɛji Nyɔŋmɔ ŋɔ ewala* kɛtee?
9 Kɛji haomɔ ba enɔ lɛ,Ani Nyɔŋmɔ baabo ebolɔmɔ toi?+
10 Aloo emii baashɛ ehe yɛ Ofe lɛ hewɔ?
Ani ebaabo etsɛ Nyɔŋmɔ be fɛɛ be?
11 Matsɔɔ nyɛ Nyɔŋmɔ hewalɛ lɛ he nii;*Mikɛ Ofe lɛ he nɔ ko nɔ ko eteŋ nyɛ.
12 Naa! Kɛji nyɛ fɛɛ nyɛna ninai lɛ,Mɛni hewɔ nyɛwieɔ wiemɔi foji nɛkɛ?
13 Gbɛfaŋnɔ ni mɔ fɔŋ náa kɛjɛɔ Nyɔŋmɔ ŋɔɔ nɛ,+Hɛɛ, gboshinii ni yiwalɔi náa kɛjɛɔ Ofe lɛ ŋɔɔ nɛ.
14 Kɛji ebii ayi bafa lɛ, amɛbaanyɔnyɔi yɛ klante naa,+Ni eseshibii náŋ niyenii bɔ ni baashɛ amɛnaa.
15 Mɛi ni baashwɛ yɛ esɛɛ lɛ, gbele hela baafu amɛ,Ni amɛyei okulafoi lɛ fóŋ amɛ.
16 Kɛji etĩa jwiɛtɛi naa tamɔ mulu,Ni ebua atadei kpakpai anaa eto tamɔ sũ tete po,
17 Eyɛ mli akɛ ebaabua naa moŋ,Shi jalɔ baawo,+Ni mɛi ni efeko efɔŋ ko lɛ baaja ejwiɛtɛi lɛ amɛhã amɛhe.
18 Shĩa ni emaa lɛ bɛ hewalɛ tamɔ abɛi* tsũ nɔŋŋ,Tamɔ agba+ ni bulɔ ma.
19 Ebaayakã shi akɛ niiatsɛ, shi ebuaŋ nɔ ko nɔ ko naa;Kɛ́ egbele ehiŋmɛii lɛ, nɔ ko nɔ ko bɛ jɛmɛ.
20 Ŋmiŋmi loɔ lɛ tamɔ nu afua;Ni ahum wóɔ lɛ kɛyaa nyɔɔŋ.+
21 Bokã kɔɔyɔɔ baawó lɛ kɛya, ni anaŋ lɛ dɔŋŋ;Ebaabɛɛ lɛ kɛaaje eshihilɛhe lɛ.+
22 Be ni ebɔɔ mɔdɛŋ fɛɛ ni eeenyɛ koni ejo ehewalɛ lɛ naa foi lɛ,+Ebaatsɛ̃ kɛba enɔ ní enaaa lɛ mɔbɔ.+
23 Etswaa edɛ̃ ewoɔ lɛ,Ni ekpãa bɛlɛ+ ewoɔ lɛ kɛjɛɔ eshihilɛhe lɛ.*
Shishigbɛ Niŋmaa
^ Hebri sht. ŋm., “ebɛbua.”
^ Loo “misusuma werɛ eho ehe.”
^ Loo “Mijieŋ minɔkwayeli lɛ yɛ mihe; Mahiɛ minɔkwayeli lɛ mli.”
^ Loo “ewieŋ eshiŋ mi.”
^ Loo “yɛ migbii lɛ eko eko nɔ.”
^ Loo “esusuma.”
^ Loo “mɔ ni ekwa Nyɔŋmɔ.”
^ Shishitsɔɔmɔi komɛi kɛɔ akɛ, “Matsɔ Nyɔŋmɔ nine nɔ matsɔɔ nyɛ nii.”
^ Ni ji, abɛi ni yeɔ mama.
^ Shishitsɔɔmɔi komɛi kɛɔ akɛ, “Amɛtswaa amɛdɛ̃ amɛwoɔ lɛ ni amɛkpãa bɛlɛ amɛwoɔ lɛ kɛjɛɔ amɛshihilɛhe lɛ.”
