Hiob 26:1-14

  • Hiob naajiemɔ (1-14)

    • “Ei, oye obua mɔ ni bɛ hewalɛ lɛ waa!” (1-4)

    • ‘Nyɔŋmɔ kɛ shikpɔŋ lɛ etsotsoro shi, ni etsotsorooo nɔ ko nɔ ko nɔ’ (7)

    • ‘Nyɔŋmɔ gbɛi lɛ anaabunaabui kɛkɛ’ (14)

26  Hiob jie naa akɛ:   “Ei, oye obua mɔ ni bɛ hewalɛ lɛ waa! Ohere mɔ ni nine mli waaa lɛ!+   Ei, owo mɔ ni bɛ hiɛshikamɔ lɛ ŋaa kpele!+ Ohã ana akɛ oyɛ hiɛshikamɔ* waa!*   Namɔ otaoɔ owie otsɔɔ lɛ,Ni namɔ tsirɛ bo ní owie nibii ni tamɔ nɛkɛ?*   Mɛi ni egboi ni bɛ hewalɛ dɔŋŋ lɛ ahe kpokpoɔ;Amɛbaa shi fe nui lɛ kɛ nibii ni yɔɔ amɛmli lɛ po.   Gbonyobu* lɛ kã shi kpetekplee yɛ Nyɔŋmɔ hiɛ,*+Ni hiɛkpatamɔhe lɛ* kã shi ní ahako nɔ.   Elɛɛ kooyigbɛ ŋwɛi* lɛ mli eha shi yɛ kɔɔyɔɔ mli,*+Ekɛ shikpɔŋ lɛ etsotsoro shi, ni etsotsorooo nɔ ko nɔ ko nɔ;   Efĩɔ nui ewoɔ etatui lɛ amli,+Bɔ ni atatui lɛ fɛlɛɛɛ yɛ amɛtsiimɔ lɛ naa;   Etsĩɔ emaŋtsɛ sɛi lɛ hiɛ,Ni elɛɔ etatu lɛ mli ehaa nɔ.+ 10  Efo akrabatsa kokloo ewo nui lɛ ahe;+Efo husu yɛ la kɛ duŋ teŋ. 11  Ŋwɛi akulashiŋi lɛ po hosoɔ;Ekãmɔ lɛ hãa amɛhe jɔ̃ɔ amɛhe. 12  Ekɛ ehewalɛ lɛ taa ŋshɔ lɛ mli,+Ni ekɛ eniiashishinumɔ lɛ kumɔɔ ŋshɔŋ loo agbo lɛ* dukuduku.+ 13  Etsɔɔ mumɔ ni emuɔ* lɛ nɔ ehãa ŋwɛi tseɔ;Enine gbuɔ onufu ni he yɔɔ oya* lɛ mli. 14  Naa! Egbɛi lɛ anaabunaabui kɛkɛ nɛ;+Ehe ablɛbi fioo kɛkɛ anu! No hewɔ lɛ, namɔ baanyɛ anu enugbɔshiimɔ ni naa wa lɛ shishi?”+

Shishigbɛ Niŋmaa

Loo “jwɛŋmɔ.”
Loo “babaoo.”
Hebri sht. ŋm., “Ni namɔ mumɔ jɛ omli je kpo nɛɛ?”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Hebri sht. ŋm., “yɛ ehiɛ.”
Loo “Ni Abadon.”
Hebri sht. ŋm., “Elɛɛ kooyigbɛ.”
Hebri sht. ŋm., “yɛ he ni nɔ ko nɔ ko bɛ.”
Hebri sht. ŋm., “kumɔɔ Rahab.”
Loo “Etsɔɔ ekɔɔyɔɔ.”
Loo “he shãmɔɔ; yɔɔ flifli.”