Hiob 24:1-25

  • Hiob tsa enaajiemɔ lɛ nɔ (1-25)

    • ‘Mɛni hewɔ Nyɔŋmɔ etooo be?’ (1)

    • Ekɛɛ Nyɔŋmɔ ŋmɛɔ efɔŋfeemɔ gbɛ (12)

    • Eshafeelɔi sumɔɔ duŋ (13-17)

24  “Mɛni hewɔ Ofe lɛ etooo be?+ Mɛni hewɔ mɛi ni le lɛ lɛ enaaa egbi lɛ?*   Mɛi tsirɛɔ husu kadimɔnii;+Amɛshɔ̃ɔ koolookui kɛyaa amɛ diɛŋtsɛ amɛshikpɔŋ ni kooloi yeɔ nii yɛ nɔ lɛ nɔ.   Amɛkpalaa gbekɛbii ni bɛ tsɛmɛi* ateji kɛyaaNi amɛshɔ̃ɔ yoo okulafo tsina akɛ awabatoo nɔ.*+   Amɛtsirɛɔ ohiafoi ayisɛɛ kɛjeɔ gbɛ nɔ;Ni shikpɔŋ lɛ nɔ bii ni bɛ yelikɛbualɔ lɛ teɔ amɛhe yɛ amɛ hewɔ.+   Ohiafoi taoɔ niyenii tamɔ ŋa mli tejii+ yɛ ŋa nɔ;Amɛtaoɔ niyenii yɛ shia ŋa nɔ amɛhãa amɛbii.   Amɛkpaa nii yɛ mɔ kroko ŋmɔ mli*Ni amɛyeɔ kpɛkpɛo yɛ mɛi fɔji awain ŋmɔ mli.   Amɛyeɔ jenamɔ kɛ amɛhe folo ní amɛhaaa mama;*+Amɛbɛ hehaanɔ ko kɛhã fɛ̃i lɛ.   Gɔji anɔ nugbɔ fɔɔ amɛ tsɔɔ;Amɛkpɛtɛɔ tɛsai ahe akɛni amɛbɛ abobaahe lɛ hewɔ.   Ashɔ̃ɔ gbekɛ ni bɛ tsɛ* kɛjeɔ fufɔ naa kɛyaa;+Ni aheɔ ohiafoi amamai* akɛ awabatoo nii,+ 10  Ni no hãa amɛnyiɛɔ kɛ amɛhe folo ní amɛwooo atade,*Ni hɔmɔ yeɔ amɛ be ni amɛtereɔ ŋmaa* kei lɛ. 11  Amɛgboɔ deŋme yɛ tɛ gbogboi ni yɔɔ gɔji ahe lɛ ateŋ shwane fintiŋŋ;*Amɛnaanaa wain yibii anɔ yɛ bui ni aŋaa wain yɛ mli lɛ amli, shi kumai yeɔ amɛ kɛ̃.+ 12  Mɛi ni miigboi lɛ kɛ̃mɔɔ yɛ maŋ lɛ mli;Mɛi ni apila amɛ waa* lɛ bolɔɔ kɛhã yelikɛbuamɔ,+Shi Nyɔŋmɔ enaaa enɛ akɛ nɔ ko ni esaaa.* 13  Mɛi komɛi yɛ ni tseɔ la hiɛ atua;+Amɛyɔseee egbɛi lɛ,Ni amɛnyiɛɛɛ enanegbɛi lɛ anɔ. 14  Gbɔmɔgbelɔ teɔ shi leebi maŋkpa;Egbeɔ mɛi ni bɛ yelikɛbualɔ kɛ ohiafoi,+Ni kɛ́ je na lɛ, eyajuɔ. 15  Gbalafitelɔ hiŋmɛi mɛɔ hulushinyɔɔ be,+Ekɛɔ akɛ, ‘Mɔ ko mɔ ko enaŋ mi!’+ Ni ehaa ehiɛ. 16  Kɛ́ duŋ wo lɛ, amɛjwaraa shĩai amɛboteɔ mli;*Shi kɛ́ je tsɛre lɛ, amɛŋaa amɛyi amɛwoɔ tsũ mli. Amɛleee la.+ 17  Ejaakɛ leebi tamɔ duŋ kpii nɔŋŋ kɛhã amɛ;Amɛle gbeyei nibii ni yɔɔ duŋ kpii mli lɛ. 18  Shi nui loɔ amɛ kɛyaa oya.* Ni abaalomɔ shikpɔŋ lɛ he ni ji amɛgbɛfaŋnɔ lɛ.+ Amɛkuŋ amɛsɛɛ kɛyaŋ amɛwain ŋmɔji amli dɔŋŋ. 19  Bɔ ni nu hɔmɔ* kɛ jeŋ dɔlɛ loɔ snoo ni esere kɛyaa lɛ,Nakai nɔŋŋ Gbonyobu* lɛ loɔ mɛi ni efee esha lɛ kɛyaa!+ 20  Emami* hiɛ baakpa enɔ; gɔgɔmii baaye lɛ. Akaiŋ lɛ dɔŋŋ.+ Ni abaaku nii ni ejaaa mli tamɔ tso. 21  Eyeɔ yoo kene he nii,Ni efeɔ yoo okulafo niseniianii. 22  Nyɔŋmɔ kɛ* ehewalɛ lɛ baakpãtã hewalɔi ahiɛ;Eyɛ mli akɛ amɛbaate shi amɛdamɔ shi moŋ, shi amɛbɛ nɔmimaa akɛ amɛbaahi wala mli. 23  Nyɔŋmɔ hãa* amɛnáa ekãa ni amɛhiɔ shi shweshweeshwe,+Shi ehiŋmɛii jwere nɔ fɛɛ nɔ ní amɛfeɔ lɛ nɔ.*+ 24  Awóɔ amɛnɔ be kukuoo ko, kɛkɛ lɛ, amɛbɛ dɔŋŋ.+ Abaa amɛ shi,+ ni abuaa amɛnaa tamɔ afeɔ mɔ fɛɛ mɔ lɛ;Afolɔɔ amɛ ashwieɔ tamɔ ŋmaa yɛ ŋmaa tsei ayi. 25  Agbɛnɛ, namɔ baanyɛ akɛɛ akɛ miimaleAloo etsɔɔ akɛ miwiemɔ lɛ bɛ mli?”

Shishigbɛ Niŋmaa

Ni ji, ekojomɔ gbi lɛ.
Loo “awusãi.”
Loo “akɛ shiŋmɛɛnɔ.”
Shishitsɔɔmɔi komɛi kɛɔ akɛ, “Amɛfolɔɔ kooloi aniyenii yɛ ŋmɔ mli.”
Loo “ní amɛwooo atade.”
Loo “awusã.”
Loo “atadei.”
Loo “ní mama bɛ amɛhe.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Shishitsɔɔmɔi komɛi kɛɔ akɛ, “Amɛŋaa mu yɛ gɔji ahe yɛ tɛ gbogboi ateŋ.”
Loo “Mɛi ni apila amɛ lɛ asusumai.”
Shishitsɔɔmɔi komɛi kɛɔ akɛ, “Nyɔŋmɔ shwaaa mɔ ko yɛ enɛ he.”
Hebri sht. ŋm., “amɛgbulɔɔ shĩai amɛwoɔ mli.”
Hebri sht. ŋm., “Ehe yɛ oya yɛ nui ahiɛ.”
Loo “nugbɔ ni enɛɛɛ be kplaŋŋ.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Hebri sht. ŋm., “Musu lɛ.” Ni ji, musu ni fɔ lɛ lɛ.
Hebri sht. ŋm., “Ekɛ.”
Hebri sht. ŋm., “Ehãa.”
Hebri sht. ŋm., “jwere amɛgbɛi lɛ anɔ.”