Hiob 23:1-17

  • Hiob naajiemɔ (1-17)

    • Eesumɔ ni ekɛ esane lɛ ayafɔ̃ Nyɔŋmɔ hiɛ (1-7)

    • Ekɛɛ enaaa Nyɔŋmɔ (8, 9)

    • “Mitee nɔ minyiɛ egbɛ lɛ nɔ ni migbáaa afã” (11)

23  Hiob jie naa akɛ:   “Ŋmɛnɛ hu lɛ, mikɛ kuɛŋtimɔ baajaje misane lɛ matsɔɔ;*+Mikɛ̃ɛmɔ lɛ hewɔ lɛ, mihewalɛ fɛɛ etã.   Miná kulɛ, mile he ni mana Nyɔŋmɔ yɛ!+ Kulɛ, maya eshihilɛhe lɛ.+   Kulɛ, mikɛ misane lɛ baayafɔ̃ ehiɛNi mawo midaaŋ obɔ kɛ wiemɔi ni mikɛbaatsɔɔ misane lɛ naa;   Kulɛ, makwɛ bɔ ni ebaahã mi hetoo ehã,Ni mahã mijwɛŋmɔ ahi nɔ ni ebaakɛɛ mi lɛ nɔ.   Ani ekɛ mi baatswa yɛ ehewalɛ kpele lɛ naa? Dabi, bɔ fɛɛ bɔ ni fee lɛ, ebaabo mi toi.+   Jɛmɛ mɔ ni ja lɛ kɛ lɛ baasaa amɛteŋ sane lɛ yɛ,Ni mi-Kojolɔ lɛ baabu mi bem shi kome nyɔŋlo.   Shi kɛ́ mitee bokã lɛ, ebɛ jɛmɛ;Ni kɛ́ miku misɛɛ hu lɛ, minaaa lɛ.   Kɛji eetsu nii yɛ abɛkugbɛ lɛ, mihiŋmɛi gbáaa enɔ;Ni etsɔɔ ehe kɛyaa ninejurɔgbɛ, shi loloolo lɛ, minaaa lɛ. 10  Shi ele gbɛ ní mikɔ lɛ.+ Kɛ́ eka mi ekwɛ egbe naa lɛ, ebaana mi akɛ shika tsuru krɔŋŋ.+ 11  Minaji enyiɛ enanemaahei lɛ asɛɛ kpaakpa;Mitee nɔ minyiɛ egbɛ lɛ nɔ ni migbáaa afã.+ 12  Mijeko kitã ni jɛ enaa lɛ he. Mikɛ ewiemɔi lɛ eto tamɔ jwetri+ fe bɔ ni akpaa gbɛ yɛ midɛŋ* lɛ po. 13  Kɛ́ ekpɛ eyiŋ lɛ, namɔ baanyɛ enaa atsĩ?+ Kɛ́ eetao* efee nɔ ko lɛ, efeɔ.+ 14  Ejaakɛ nɔ ni akpɛ mli yɛ he* ahã mi lɛ, ebaatsu he nii kɛmɔ shi,Ni eyɛ nibii ni tamɔ enɛɛmɛi lɛ babaoo. 15  No hewɔ ni mitsui yeɔ yɛ ehewɔ lɛ;Kɛ́ misusu ehe lɛ, misheɔ lɛ gbeyei waa. 16  Nyɔŋmɔ ehã mitsui efã,Ni Ofe lɛ ehã gbeyei emɔ mi. 17  Shi kɛ̃lɛ, mimuako minaa yɛ duŋ lɛ hewɔ,Hɛɛ, mimuako minaa yɛ duŋ kabitii ni eha mihiɛ lɛ hewɔ.

Shishigbɛ Niŋmaa

Loo “sane ni majaje matsɔɔ lɛ, atuatsemɔ ni.”
Loo “fe bɔ ni ato ahã mi.”
Loo “esusuma miitao.”
Loo “nɔ ni ato.”