Hiob 22:1-30

  • Elifaz wiemɔ ni ji etɛ (1-30)

    • “Ani gbɔmɔ he yɛ sɛɛnamɔ hã Nyɔŋmɔ?” (2, 3)

    • Ekɛɛ Hiob yeɔ amim, ni eyeee jalɛ sane (6-9)

    • ‘Kuu osɛɛ kɛba Nyɔŋmɔ ŋɔɔ, ni obaashwere ekoŋŋ’ (23)

22  Elifaz,+ Temannyo lɛ, jie naa akɛ:   “Ani gbɔmɔ he yɛ sɛɛnamɔ hã Nyɔŋmɔ? Ani enáa mɔ ni yɔɔ sɛɛyoomɔ he sɛɛ ko?+   Kɛ́ jalɔ ji bo lɛ, ani Ofe lɛ he sane ko ni,*Aloo kɛ́ obaa ojeŋ yɛ anɔkwayeli mli lɛ, enáa nɔ ko yɛ mli?+   Ani ebaagbala otoi,Ni ekɛ bo baaye sane yɛ o-Nyɔŋmɔ gbeyeishemɔ lɛ hewɔ?   Ani jeee bo diɛŋtsɛ onɔfɔŋfeemɔ ní fa babaooKɛ otɔmɔi ní baaa naagbee lɛ hewɔ?+   Ejaakɛ oheɔ awaba yɛ onyɛmimɛi adɛŋ yakatswaa,Ni okpɔlɔɔ mɛi ahe atadei, ni ohãa amɛnyiɛɔ kɛ amɛhe folo.*+   Ohãaa mɔ ni etɔ lɛ lɛ nu enu,Ni ohãaa mɛi ni hɔmɔ yeɔ amɛ lɛ hu niyenii.+   Shikpɔŋ lɛ, gbɔmɔ ni yɔɔ hewalɛ lɛ nɔ ni,+Ni mɔ ni asumɔɔ esane lɛ hiɔ nɔ.   Shi ohã yei okulafoi tee kɛ amɛdɛ̃ folo,Ni okumɔ gbekɛbii ni bɛ tsɛmɛi* aniji. 10  No hewɔ ni tsɔnei* ebɔle bo kɛkpe,+Ni gbeyei nibii hãa ŋmiŋmi mɔɔ bo trukaa lɛ; 11  No hewɔ ni duŋ ewo waa ni onaaa nii,Ni nu babaoo eha onɔ lɛ. 12  Nyɔŋmɔ lɛ, ani jeee ŋwɛi shɔŋŋ eyɔɔ? Ni kwɛmɔ bɔ ni ŋulamii lɛ fɛɛ yɔɔ ŋwɛi tɔ̃ɔ. 13  Shi okɛɔ akɛ: ‘Mɛni kwraa Nyɔŋmɔ le? Ani ebaanyɛ etsɔ duŋ kpii mli ekojo? 14  Atatui tsĩɔ ehiɛ, ni no hewɔ lɛ, enaaa niiKɛji enyiɛ ŋwɛi yiteŋ kokloo lɛ nɔ.’ 15  Ani obaanyiɛ blema gbɛNí mɛi fɔji nyiɛ nɔ lɛ nɔ, 16  Mɛi ni ashɔ̃ amɛ kɛtee* dani amɛbe shɛ,Mɛi ni nu afua* loo amɛfaneshi kɛtee lɛ?+ 17  Amɛkɛɛ anɔkwa Nyɔŋmɔ lɛ akɛ: ‘Kaagba wɔnaa!’ Ni amɛkɛɛ hu akɛ, ‘Mɛni Ofe lɛ baanyɛ afee wɔ?’ 18  Kɛ̃lɛ, lɛ ji mɔ ni kɛ nibii kpakpai wo amɛshĩai obɔbɔ. (Mikɛ susumɔ fɔŋ ni tamɔ nɛkɛ teŋ jekɛ waa.) 19  Jalɔi baana enɛ, ni amɛmii baashɛ amɛhe,Ni mɛi ni efeko efɔŋ ko lɛ baaye amɛhe fɛo amɛkɛɛ: 20  ‘Akpãtã mɛi ni teɔ shi woɔ wɔ lɛ ahiɛ,Ni la baashã amɛnii ni eshwɛ lɛ.’ 21  Bɔɔ mɔdɛŋ ni ole lɛ, ni otoiŋ baajɔ bo;Kɛkɛ lɛ, nibii kpakpai baaba ogbɛ nɔ. 22  Mɔ mla ni jɛ edaaŋ lɛ mli,Ní okɛ ewiemɔi lɛ ato otsuiŋ.+ 23  Kɛji oku osɛɛ kɛba Ofe lɛ ŋɔɔ lɛ, obaashwere ekoŋŋ;+Kɛji ojie nii ni ejaaa kɛje omama tsũ lɛ mli, 24  Kɛji oooshɛrɛ oshika tsuru* oshwie mulu mliNi oooshɛrɛ Ofir shika tsuru+ oshwie tɛsaa jɔi voovoi* amli lɛ, 25  No lɛ, Ofe lɛ baatsɔ oshika tsuru,*Ni ebaatsɔ ojwiɛtɛi ni hi fe fɛɛ. 26  Ni no lɛ, omii baashɛ ohe yɛ Ofe lɛ mli,Ni obaawó ohiɛ nɔ otsɔɔ Nyɔŋmɔ. 27  Obaakpa lɛ fai, ni ebaabo bo toi;Ni obaaye oshiwoi lɛ anɔ. 28  Nɔ fɛɛ nɔ ni oookpɛ oyiŋ akɛ obaafee lɛ baaye omanye,Ni la baakpɛ yɛ ogbɛ nɔ. 29  Ejaakɛ kɛ́ owie naafuu wiemɔi lɛ, abaaba bo shi,Shi ebaahere heshibalɔ* yiwala. 30  Ebaahere mɛi ni efeko nɔ ko lɛ ayiwala;No hewɔ lɛ, kɛ́ oniji ahe tse lɛ, no lɛ, bɔ fɛɛ bɔ ni fee lɛ, ebaahere oyiwala.”

Shishigbɛ Niŋmaa

Loo “ani no hãa Ofe lɛ náa miishɛɛ.”
Hebri sht. ŋm., “okpɔlɔɔ mɛi ni nyiɛ kɛ amɛhe folo lɛ ahe atadei.”
Loo “okumɔ awusãi.”
Hebri sht. ŋm., “loofɔlɔ tsɔnei.”
Loo “Mɛi ni afo amɛwala nɔ.”
Hebri sht. ŋm., “faa.”
Loo “osũ kukulii kɛ amɛmli shika tsuru.”
Loo “nujɔi.” Kwɛmɔ Wiemɔi Titrii Amligbalamɔ lɛ.
Loo “osũ kukulii kɛ amɛmli shika tsuru.”
Loo “mɔ ni hiɛ ma shikpɔŋ.”