Hiob 18:1-21

  • Bildad wiemɔ ni ji enyɔ (1-21)

    • Etsɔɔ nɔ ni baa eshafeelɔi anɔ (5-20)

    • Etsɔɔ akɛ Hiob leee Nyɔŋmɔ (21)

18  Bildad,+ Shuanyo lɛ, jie naa akɛ:   “Mɛɛ beyinɔ nɔŋŋ nyɛbaakpa* wiemɔi ni tamɔ nɛkɛ wiemɔ? Nyɛnua nii ashishi fioo, koni wɔ hu wɔwie.   Mɛni hewɔ anaa wɔ tamɔ kooloi,+Ni abuɔ wɔ tamɔ kwashiai* yɛ ohiɛ lɛ?   Kɛ́ otserɛ omli* dukuduku yɛ omlifu mli po lɛ,Ani abaashi shikpɔŋ lɛ afɔ̃ shi yɛ ohewɔ,Aloo tɛsaa baafã kɛje egbɛhe?   Hɛɛ, mɛi fɔji ala lɛ baagbo,Ni ela lɛ lalilɛi lɛ kpɛŋ.+   Bɔ fɛɛ bɔ ni fee lɛ, emama tsũ lɛ mli la lɛ baatsɔ duŋ,Ni kane ni yɔɔ eyiteŋ lɛ hu baagbo.   Bɔ ni efamɔɔ enaji waawaa lɛ nɔ baagbɔ,Ni lɛ diɛŋtsɛ eŋaawoo baatsi lɛ etswa shi.+   Ejaakɛ enaji kɛ lɛ baayawo yaa mli,Ni ebaatsomlo kɛyabote yaa lɛ mli fɔji lɛ amli.   Tsɔne baadu enanetsitsi;Ni akpa baadu lɛ.+ 10  Akɛ kpãa etee yɛ shikpɔŋ ahã lɛ,Ni atsɔ lɛ akpa yɛ egbɛ nɔ. 11  Gbeyei nibii hãa ŋmiŋmi mɔɔ lɛ yɛ he fɛɛ he+Ni amɛtiuɔ lɛ yɛ enaji asɛɛ kpaakpa. 12  Ehewalɛ tãa,Ni amanehulu+ hãa edidãa.* 13  Ehewolo hiɛ kpãtãa kwraa;Hela ni yɔɔ gbeyei fe fɛɛ* lɛ yeɔ eniji kɛ enaji. 14  Afãa lɛ kɛjeɔ emama tsũ ni yɔɔ shweshweeshwe lɛ mli+Ni akpalaa lɛ kɛyaa ŋmiŋmii amaŋtsɛ* lɛ ŋɔɔ. 15  Mɛikpɔji* baahi emama tsũ lɛ mli;Abaagbɛ sɔlfa ashwã eshĩa lɛ nɔ.+ 16  Eshishifãi lɛ baagbi yɛ eshishi,Ni eniji lɛ baaŋala yɛ eyiteŋ. 17  Akaiŋ lɛ dɔŋŋ yɛ shikpɔŋ lɛ nɔ,Ni aleŋ egbɛ́i* yɛ gbɛjegbɛ lɛ nɔ. 18  Abaashwie lɛ kɛjɛ la hiɛ kɛya duŋ mliNi abaawo lɛ foi kɛje shikpɔŋ lɛ nɔ. 19  Ewoŋ shwiei, ni enáŋ seshibii yɛ emaŋbii lɛ ateŋ,Eshwɛŋ mɔ ko mɔ ko yɛ esɛɛ yɛ eshihilɛhe* lɛ. 20  Kɛ́ egbi lɛ shɛ lɛ, mɛi ni yɔɔ Anaigbɛ lɛ anaa baakpɛ amɛhe,Ni gbeyei baamɔmɔ mɛi ni yɔɔ Bokãgbɛ lɛ waa. 21  Enɛ ji nɔ ni baa efɔŋfeelɔ mama tsũi anɔ,Kɛ nɔ ni baa he ni mɔ ni leee Nyɔŋmɔ lɛ yɔɔ lɛ nɔ.”

Shishigbɛ Niŋmaa

Eeenyɛ efee akɛ, wiemɔ ni ji, “nyɛ” ni akɛtsu nii yɛ biɛ lɛ kɔɔ Hiob kɛ mɛi ni tamɔ lɛ loo mɛi ni yeɔ lɛ ŋkɔmɔ lɛ ahe.
Shishitsɔɔmɔi komɛi kɛɔ akɛ, “mɛi ni he tseee.”
Loo “osusuma mli.”
Loo “etsutsɔɔ.”
Hebri sht. ŋm., “Gbele kromɔbi.”
Loo “gbele ni yɔɔ gbeyei.”
Hebri sht. ŋm., “Nɔ ko ni jeee enɔ.”
Hebri sht. ŋm., “enáŋ gbɛ́i.”
Loo “yɛ he ni ehi be kukuoo.”