Hiob 17:1-16
17 “Mimumɔ ekumɔ, ni migbii lɛ asɛɛ efo;Gɔɔ lɛ miimɛ mi.+
2 Hefɛoyelɔi bɔleɔ mi kɛkpeɔ,+Ni mihiŋmɛi kwɛɔ amɛtuatsemɔ nifeemɔi lɛ.*
3 Ofainɛ, hemɔ nɔ ni mikɛtoɔ awaba lɛ, ní ohã ehi oŋɔɔ.
Namɔ ekoŋŋ kɛ mi baata dɛ̃, ni ekɛ nɔ ko baato awaba ehã mi?+
4 Ejaakɛ okɛ sanesɛɛkɔmɔ etee amɛtsui;+No hewɔ ni owóoo amɛnɔ lɛ.
5 Ekɛɔ enanemɛi akɛ ebaahã amɛ nii ni eyɔɔ lɛ eko,Be mli ni ebii moŋ ahiŋmɛii anɔ miiha.
6 Ehã mitsɔ nyaŋemɔ nii* yɛ maŋbii lɛ ateŋ,+Ni no hewɔ lɛ, mitsɔ mɔ ni amɛfɛ̃ɔ lajɔ̃ amɛshwieɔ ehiɛ.+
7 Awerɛhoyeli ehã mihiŋmɛii anɔ eha,+Ni miniji kɛ minaji fɛɛ etsɔmɔ hɔɔŋ kɛkɛ.
8 Mɛi ni ja lɛ kwɛɔ enɛ ni amɛnaa kpɛɔ amɛhe,Ni mɔ ni efeko efɔŋ ko lɛ haoɔ yɛ mɛi ni ebuuu Nyɔŋmɔ* lɛ ahewɔ.
9 Jalɔ yaa nɔ efiɔ shi yɛ egbɛ lɛ nɔ,+Ni mɔ ni niji ahe tse lɛ yaa nɔ enáa hewalɛ.+
10 Shi nyɛ fɛɛ nyɛbaanyɛ nyɛba ni nyɛbatsa nyɛnaataamɔ lɛ nɔ,Ejaakɛ minako hiɛshikalɔ ko hiɛshikalɔ ko yɛ nyɛteŋ.+
11 Migbii lɛ etã;+Miyiŋtoi, ni ji nibii ni mitsui shweɔ lɛ, efee efolo.+
12 Amɛyaa nɔ amɛkɛ jenamɔ feɔ jetsɛremɔ,Amɛkɛɔ akɛ, ‘La ebɛŋkɛ, ejaakɛ duŋ ewo.’
13 Kɛ́ mimɛ lɛ, Gbonyobu* lɛ baatsɔ mishĩa;+Maŋmɛ misaa yɛ duŋ mli.+
14 Mabo matsɛ bu*+ lɛ akɛ, ‘Bo ji mipapa!’
Kɛ gɔgɔmi hu akɛ, ‘Mimami kɛ minyɛmi yoo!’
15 Belɛ, nɛgbɛ mihiɛnɔkamɔ yɔɔ?+
Namɔ baanyɛ ana hiɛnɔkamɔ ahã mi?
16 Ebaakpeleke shi* kɛyabote Gbonyobu* lɛ naa agbói ni ala sɛɛ lɛ amliBe ni wɔ fɛɛ wɔbaakpeleke shi kɛya sũ* lɛ mli lɛ.”+
Shishigbɛ Niŋmaa
^ Loo “mihiŋmɛi hiɔ amɛtuatsemɔ nifeemɔi lɛ anɔ.”
^ Hebri sht. ŋm., “abɛbuu nɔ; wiemɔ ni ma mɛi anaa; mɛi adaaŋ kotsa.”
^ Loo “mɛi ni ekwa Nyɔŋmɔ.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “gbonyobu.”
^ Ni tsɔɔ akɛ, mihiɛnɔkamɔ lɛ baakpeleke shi.
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “mulu.”
