Hiob 16:1-22

  • Hiob naajiemɔ (1-22)

    • “Miishɛjelɔi ni haoɔ mɔ ji nyɛ!” (2)

    • Ekɛɛ Nyɔŋmɔ kɛ lɛ efee mɔ tuuntu ni etaoɔ etutua (12)

16  Hiob jie naa akɛ:   “Minu nibii pii ni tamɔ enɛɛmɛi aahu. Nyɛ fɛɛ lɛ, miishɛjelɔi ni haoɔ mɔ ji nyɛ!+   Ani wiemɔi foji* baaba naagbee? Mɛni tsirɛ bo ni ohã hetoo nɛkɛ?   Mi hu manyɛ mawie tamɔ nyɛwieɔ lɛ. Eji nyɛyɛ mishihilɛ lɛ mli kulɛ,*Mi hu manyɛ mawie wiemɔi ni hãa mɔ yiŋ tsɔɔ mashi nyɛNi mahoso miyitso mawo nyɛ.+   Shi yɛ no najiaŋ lɛ, mikɛ midaaŋ wiemɔi baawo nyɛ hewalɛ moŋ,Ni miishɛjemɔ wiemɔ ni jɛɔ minaa lɛ baahã nyɛhe ajɔ nyɛ.+   Kɛ́ miwie lɛ, mipiŋmɔ lɛ sɛɛ efooo,+Ni kɛ́ mikpa wiemɔ hu lɛ, mipiŋmɔ lɛ nɔ enyiɛ po gbɔɔ?   Shi agbɛnɛ, ehã etɔ mi;+Ekpãtã mishĩabii* fɛɛ ahiɛ.   Agbɛnɛ hu, omɔɔ mi, ni no tsɔɔ odase,Ni no hewɔ lɛ, loo ni mitã waa lɛ teɔ shi ni eyeɔ odase yɛ mihiɛ.   Emlifu lɛ etserɛ mimli dukuduku, ni ebɛɔ mi ewoɔ emli.+ Ekpeɔ enyanyɔji ashishi ewoɔ mi. Mihenyɛlɔ lɛ tsuɔ ehiŋmɛii eshwieɔ minɔ.+ 10  Amɛgbɛ amɛdaaŋ hatoo amɛwo mi,+Ni amɛgbáa mitoiŋ kɛyeɔ mihe fɛo;Amɛbuaa amɛhe naa babaoo amɛwoɔ mi.+ 11  Nyɔŋmɔ ŋɔɔ mi ewoɔ gbekɛbii hii adɛŋ,Ni etsirɛɔ miyisɛɛ ewoɔ mɛi fɔji adɛŋ.+ 12  Kulɛ mibɛ naagba, shi ejwara mi;+Ekpiti mikuɛ sɛɛ ni ekumɔ mi dukuduku;Ni ekɛ mi efee mɔ tuuntu ni etaoɔ etutua. 13  Egãitsɛ̃lɔi lɛ bɔleɔ mi kɛkpeɔ;+Egbulɔɔ misabai amli+ ní emusuŋ etsɔɔɔ lɛ;Efɔseɔ midɔrɔ* eshwieɔ shikpɔŋ. 14  Egbulɔɔ fɔji ewoɔ mimli shii abɔ;Etsɛ̃ɔ kɛbaa minɔ tamɔ tawulɔ. 15  Mikpɛ kpekpe kɛtsara koni mikɛha mihewolo nɔ,+Ni mifu mihiɛnyam* lɛ yɛ mulu mli.+ 16  Yaafo sɔŋŋ ehã mihiɛ etsu fɔɔ,+Ni duŋ kpii* eha mihiŋmɛii asɛɛ, 17  Kɛ̃lɛ, miniji efeko yiwalɛ nɔ koNi misɔlemɔ hu yɛ krɔŋŋ. 18  Shikpɔŋ, kaatsĩ milá nɔ!+ Ni mibolɔmɔi lɛ hu akaná hejɔɔmɔhe ko kwraa! 19  Amrɔ nɛɛ po, midasefonyo lɛ yɛ ŋwɛi;Mɔ ni baanyɛ aye odase ahã mi lɛ yɛ hei ni kwɔlɔ lɛ. 20  Minanemɛi yeɔ mihe fɛo+Be ni mifóɔ mitsɔɔ Nyɔŋmɔ* lɛ.+ 21  Hã mɔ ko aye gbɔmɔ kɛ Nyɔŋmɔ teŋ sane,Tamɔ bɔ ni mɔ ko yeɔ gbɔmɔ kɛ enyɛmi gbɔmɔ teŋ sane lɛ.+ 22  Ejaakɛ afii fioo kɛkɛ eshwɛ,Ni mayi gbɛ ní kɛ́ ayi nɔ lɛ akuuu sɛɛ dɔŋŋ lɛ nɔ maya.+

Shishigbɛ Niŋmaa

Loo “kɔɔyɔɔ wiemɔi.”
Loo “Eji nyɛsusuma yɛ misusuma najiaŋ kulɛ.”
Loo “mɛi ni kɛ mi kpeɔ kutuu lɛ.”
“Dɔrɔ” ni awieɔ he yɛ biɛ lɛ ji nɔ ni kpɛtɛ kooloi komɛi kɛ gbɔmɛi amlɛbo he ní joɔ waa lɛ.
Loo “mihewalɛ.” Hebri sht. ŋm., “mikolonto.”
Loo “gbele hɔɔŋ.”
Shishitsɔɔmɔi komɛi kɛɔ akɛ, “mihiŋmɛii kwɛɔ Nyɔŋmɔ gbɛ ni amɛwɔɔɔ.”