Hiob 14:1-22

  • Hiob tsa enaajiemɔ lɛ nɔ (1-22)

    • Gbɔmɔ hiɔ shi be kukuoo, ni emli eyi kɛ haomɔi (1)

    • “Tso po, hiɛnɔkamɔ yɛ kɛhã lɛ” (7)

    • “Ao, miná kulɛ oŋɔ mi ohɔ shi yɛ Gbonyobu lɛ mli!” (13)

    • “Kɛji gbɔmɔ gbo lɛ, ani ebaahi wala mli ekoŋŋ?” (14)

    • Nyɔŋmɔ baashwe eninenaa nitsumɔ lɛ waa (15)

14  “Gbɔmɔ ni yoo fɔ lɛ yɔɔ nɛɛ,Be kukuoo kɛkɛ ehiɔ shi,+ ni emli eyi tɔ kɛ haomɔi* sɔŋŋ.+   Ekwɛ̃ɔ tamɔ fɔfɔi, kɛkɛ lɛ eŋala;*+ Ejoɔ foi tamɔ hɔɔŋ ni elaajeɔ.+   Hɛɛ, ojieee ohiŋmɛi yɛ enɔ,Ni bo diɛŋtsɛ okɛ lɛ* yeɔ sane.+   Namɔ baanyɛ aná mɔ ko ni he tse kɛjɛ mɔ ko ni he tseee mli?+ Mɔ ko mɔ ko nyɛŋ!   Kɛji atsɔɔ egbii lɛ,No lɛ, enyɔji lɛ ayibɔ lɛ yɛ odɛŋ;Ofo husu ohã lɛ ní ekateke.+   Jiemɔ ohiɛ yɛ enɔ bɔ ni afee ni ejɔɔ ehe,Kɛyashi ebaagbe egbi lɛ naa tamɔ apaafonyo feɔ lɛ.+   Ejaakɛ tso po, hiɛnɔkamɔ yɛ kɛhã lɛ. Kɛji afo afɔ̃ shi lɛ, ebaatsɛ̃ ekoŋŋ,Ni eniji ni baatsɛ̃rɛ̃ lɛ baaya nɔ adara.   Kɛ́ eshishifã lɛ tsɛ waa* yɛ shikpɔŋNi etsoku lɛ gbo yɛ sũ lɛ mli lɛ,   Kɛji enu nu ŋmajee he nɔŋŋ lɛ ebaatsɛ̃;Ni ebaagbála niji tamɔ tso hee. 10  Shi gbɔmɔ gboɔ, ni ekãa shi ni enyɛɛɛ nɔ ko kwraa efee;Kɛ́ gbɔmɔ gbo lɛ, nɛgbɛ eyɔɔ?+ 11  Nui laajeɔ yɛ ŋshɔ mli,Ni faa miɔ ni egbiɔ. 12  Gbɔmɔ hu kãa shi ni eteee shi.+ Kɛyashi be ni ŋwɛi bɛ dɔŋŋ lɛ, amɛhiɛ etsɛ̃ŋ,Ni atsĩɛŋ amɛ hu kɛjɛŋ amɛwɔ lɛ mli.+ 13  Ao, miná kulɛ oŋɔ mi ohɔ shi yɛ Gbonyobu* lɛ mli,+Ní oŋɔ mi otee, kɛyashi omlifu lɛ baaho,Ní oto be ohã mi, ní okai mi!+ 14  Kɛji gbɔmɔ gbo lɛ, ani ebaahi wala mli ekoŋŋ?+ Misɔɔmɔ ni akɛfi minɔ lɛ gbii lɛ amli fɛɛ lɛ, mamɛKɛyashi be ni abaaŋmɛɛ mihe.+ 15  Obaatsɛ, ni mahere bo nɔ.+ Obaashwe* oninenaa nitsumɔ lɛ waa. 16  Shi amrɔ nɛɛ, oyaa nɔ okaneɔ minajifaamɔi fɛɛ;Mihe esha lɛ pɛ okwɛɔ. 17  Asɔo mimlatɔmɔ lɛ naa awo kotoku* mli,Ni okɛ ama sɔoɔ mitɔmɔ lɛ naa. 18  Bɔ ni gɔŋ gbeɔ shi ni efufuluɔNí ahãa tɛsaa hu jeɔ egbɛhe, 19  Bɔ ni nu yeɔ tɛi aheNí kɛji eeho waa lɛ, efɔɔ shikpɔŋ lɛ nɔ sũ kɛyaa lɛ,Nakai nɔŋŋ okpãtãa gbɔmɔ adesa* hiɛnɔkamɔ lɛ hiɛ. 20  Oyaa nɔ oyeɔ enɔ kunim kɛyashiɔ ehiɛ kpãtãa;+Otsakeɔ bɔ ni eyɔɔ lɛ, ni ohãa eyaa. 21  Awoɔ ebii lɛ ahiɛ nyam, shi eleee;Amɛtsɔmɔɔ mɛi ni abuuu amɛ ahãaa nɔ ko hu, shi eyɔseee.+ 22  Be ni eyɔɔ eheloo mli lolo lɛ pɛ enuɔ piŋmɔ he;Be ni ehiɛ kã lolo lɛ pɛ eyeɔ* awerɛho.”

Shishigbɛ Niŋmaa

Loo “naagbai.”
Shishitsɔɔmɔi komɛi kɛɔ akɛ, “kɛkɛ lɛ afo ashɛ afɔ̃.”
Hebri sht. ŋm., “mi.”
Loo “eshishifã lɛ gbɔ.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “Ohiɛ baatse.”
Loo “baagi.”
Loo “gbɔmɔ ni gboɔ.”
Loo “esusuma yeɔ.”