Hiob 13:1-28

  • Hiob tsa enaajiemɔ lɛ nɔ (1-28)

    • ‘Mikɛ Nyɔŋmɔ moŋ baawie’ (3)

    • “Helatsalɔi ni he bɛ sɛɛnamɔ ko ji nyɛ” (4)

    • “Mile akɛ misane ja” (18)

    • Ebi nɔ hewɔ ni Nyɔŋmɔ naa lɛ akɛ henyɛlɔ lɛ (24)

13  “Hɛɛ, mihiŋmɛi ena enɛɛmɛi fɛɛ,Mitoi hu enu ni minu shishi.   Nɔ ni nyɛle lɛ, mi hu mile;Nyɛhiii fe mi.   Mi lɛ, mikɛ Ofe lɛ diɛŋtsɛ moŋ baawie;Masumɔ ni mikɛ Nyɔŋmɔ atao misane lɛ naa.+   Shi nyɛ lɛ, nyɛkɛ amalei moŋ miikpa mihe;Nyɛ fɛɛ lɛ, helatsalɔi ni he bɛ sɛɛnamɔ ko ji nyɛ.+   Eji nyɛbaamua nyɛnaa kwraa kulɛ,No baatsɔɔ akɛ nyɛhiɛ kã shi.+   Nyɛfainɛ, nyɛboa minaajiemɔi lɛ toi,Ni nyɛfea toi nyɛhãa minaa wiemɔi lɛ.   Ani nyɛbaawie wiemɔi ni ejaaa nyɛhã Nyɔŋmɔ,Ni nyɛbaawie amale wiemɔi nyɛhã lɛ?   Ani nyɛbaafi esɛɛ,*Aloo nyɛbaaka akɛ nyɛbaawie anɔkwa Nyɔŋmɔ lɛ sane nyɛhã lɛ?   Kɛ́ epɛi nyɛmli ekwɛ lɛ, ani nibii baahi ahã nyɛ?+ Ani nyɛbaafee lɛ buulu tamɔ afeɔ gbɔmɔ adesa* buulu lɛ? 10  Kɛ́ nyɛka akɛ nyɛbaakwɛ hiɛiaŋ yɛ teemɔŋ lɛ,Bɔ fɛɛ bɔ ni fee lɛ, ebaakã nyɛhiɛ.+ 11  Ani egbojee lɛ woŋ nyɛhe gbeyei,Ni ehe ŋmiŋmi hu mɔŋ nyɛ? 12  Nyɛhiɛshikamɔ* wiemɔi lɛ, lamulu abɛi* ni;Ni nyɛhefamɔnii* lɛ waaa tamɔ hefamɔnii ni akɛ sũ fee. 13  Nyɛfea diŋŋ yɛ mihiɛ, koni mawie. Ni nɔ fɛɛ nɔ ni baaba minɔ lɛ aba! 14  Mɛni hewɔ po mikɛ mihe woɔ oshãra mli*Ni mihiɛɔ miwala* yɛ midɛŋ? 15  Eyɛ mli akɛ ebaanyɛ egbe mi moŋ, shi mamɛ kɛ̃;+Majaje misane lɛ* yɛ ehiɛ. 16  Kɛkɛ lɛ, ebaatsɔ miyiwalaheremɔ,+Ejaakɛ mɔ ni ebuuu Nyɔŋmɔ* lɛ nyɛŋ ehiɛ aba.+ 17  Nyɛboa miwiemɔ lɛ toi jogbaŋŋ;Nyɛfea toi nyɛhãa nɔ ni mijajeɔ lɛ. 18  Agbɛnɛ, naa, misaa misane lɛ mito kɛhã eyeli;Mile akɛ misane ja. 19  Namɔ kɛ mi baatswa? Kɛ́ mifee diŋŋ lɛ, no lɛ, magbo!* 20  Ao Nyɔŋmɔ, feemɔ nibii enyɔ pɛ ohã mi,*Koni mikɛ mihe akatee yɛ ohiɛ: 21  Jiemɔ onine ni tsii lɛ kɛje minɔ kɛya sɛɛ shɔŋŋ,Ni kaahã ohe gbeyei lɛ hã ŋmiŋmi mɔ mi.+ 22  Tsɛ ni mahere bo nɔ,Aloo hã mawie, ní bo ohã mi hetoo. 23  Mɛni ji mitɔmɔi kɛ mihe eshai lɛ? Hã male mimlatɔmɔ kɛ mihe esha lɛ. 24  Mɛni hewɔ okɛ ohiɛ teɔ,+Ni obuɔ mi akɛ ohenyɛlɔ lɛ?+ 25  Ani obaawo baa ni kɔɔyɔɔ tswaa lɛ lɛ he gbeyei,Aloo obaanyiɛ ŋmaa* tso gbiŋ sɛɛ? 26  Ejaakɛ oyaa nɔ oŋmalaa saji ni joɔ oshiɔ mi,Ni ohãa miwoɔ miblahiiaŋ eshai lɛ ahe nyɔmɔ. 27  Obɔ minaji apã,Opɛiɔ migbɛi fɛɛ amli fitsofitso,Ni okadiɔ minajiamaamɔhei lɛ eko fɛɛ eko. 28  No hewɔ lɛ, gbɔmɔ hiɛ* kpãtãa tamɔ nɔ ko ni ekpɔtɔ,Tamɔ mama ni abɛi ni yeɔ mama eye.

Shishigbɛ Niŋmaa

Loo “nyɛbaakwɛ hiɛiaŋ nyɛhã lɛ.”
Loo “gbɔmɔ ni gboɔ.”
Loo “Nyɛkaimɔ.”
Loo “abɛbuai.”
Hebri sht. ŋm., “nyɛtsɛŋ nɔ nii.”
Hebri sht. ŋm., “Mɛni hewɔ mihiɛɔ miheloo yɛ minyanyɔji ateŋ?”
Loo “misusuma.”
Loo “Mafã migbɛi lɛ ahe.”
Loo “mɔ ni ekwa Nyɔŋmɔ.”
Shishitsɔɔmɔi komɛi kɛɔ akɛ, “Kɛ́ mɔ ko baanyɛ lɛ, no lɛ, mafee diŋŋ ni magbo.”
Hebri sht. ŋm., “nibii enyɔ pɛ okafee mi.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Hebri sht. ŋm., “ehiɛ,” eeenyɛ efee akɛ, aatsɔɔ Hiob.