Hiob 12:1-25

  • Hiob naajiemɔ (1-25)

    • “Nyɛhiii fe mi” (3)

    • “Mitsɔ mɔ ni aŋmɔɔ” (4)

    • ‘Nyɔŋmɔ dɛŋ hiɛshikamɔ yɔɔ’ (13)

    • Nyɔŋmɔ nɔ kwɔ fe kojolɔi kɛ maŋtsɛmɛi (17, 18)

12  Kɛkɛ ni Hiob jie naa akɛ:   “Lɛɛlɛŋ, nyɛji mɛi ni le,*Ni kɛ́ nyɛgboi lɛ, belɛ hiɛshikamɔ hu egbo!   Shi mi hu miyɛ niiashishinumɔ.* Nyɛhiii fe mi. Namɔ po leee nibii nɛɛ?   Mitsɔ mɔ ni aŋmɔɔ mihã minanemɛi,+Mɔ ni boɔ etsɛɔ Nyɔŋmɔ koni ehã lɛ hetoo.+ Nuu ni ja ni shwamɔ ko bɛ ehe lɛ etsɔ mɔ ni aŋmɔɔ.   Mɔ ni he ejɔ lɛ lɛ ebuuu amanehulu,Esusuɔ akɛ mɛi ni naji kpokpoɔ* lɛ pɛ anɔ ni.   Toiŋjɔlɛ yɛ julɔi amama tsũi amli,+Ni mɛi ni woɔ Nyɔŋmɔ mli la lɛ yɛ shweshweeshwe,+Mɛi ni hiɛ amɛnyɔŋmɔ yɛ amɛdɛŋ lɛ.   Shi ofainɛ, bi kooloi lɛ, ni amɛbaatsɔɔ bo nii;Kɛ ŋwɛi loofɔji hu, ni amɛbaagba bo.   Aloo susumɔ shikpɔŋ lɛ he,* ni ebaatsɔɔ bo nii;Ni ŋshɔŋ loi hu baajaje amɛtsɔɔ bo.   Amɛteŋ namɔ leeeAkɛ Yehowa nine fee enɛ? 10  Lɛ edɛŋ nɔ fɛɛ nɔ ni hiɛ kã lɛ wala* yɔɔ,Kɛ gbɔmɛi fɛɛ amumɔ* hu.+ 11  Ani toi ekaaa wiemɔi ekwɛɛɛTamɔ bɔ ni lilɛi* hu saa niyenii naa lɛ?+ 12  Ani jeee mɛi ni egbɔlɔ lɛ yɔɔ hiɛshikamɔ,+Ni walasɛɛtsɛlɛ hu hãa mɔ náa niiashishinumɔ? 13  Lɛ edɛŋ hiɛshikamɔ kɛ hewalɛ yɔɔ;+Enɔ ji yiŋtoo kɛ niiashishinumɔ hu.+ 14  Kɛ́ ekumɔ nɔ ko eshwie shi lɛ, anyɛŋ asaa atswa dɔŋŋ;+Nɔ ni eŋa lɛ, mɔ ko mɔ ko nyɛŋ agbele. 15  Kɛ́ etsĩ nui lɛ anaa lɛ, nɔ fɛɛ nɔ gbiɔ;+Kɛ́ etsu amɛ kɛtee lɛ, amɛhaa shikpɔŋ lɛ nɔ fɛɛ.+ 16  Lɛ edɛŋ nyɛmɔ kɛ hiɛshikamɔ yɔɔ;+Lɛ enɔ ji mɔ ni edu gbɛ kɛ mɔ ni hãa mɔ duɔ gbɛ lɛ fɛɛ; 17  Ehãa ŋaawolɔi nyiɛɔ kɛ amɛnane folo,*Ni ehãa kojolɔi tsɔmɔɔ buului.+ 18  Efɛneɔ kpãi ni maŋtsɛmɛi efimɔ lɛ,+Ni ekɛ bɛlti fimɔɔ amɛhɛ. 19  Ehãa osɔfoi nyiɛɔ kɛ amɛnane folo,+Ni ebutuɔ mɛi ni efi shi shiŋŋ yɛ hewalɛ mli lɛ;+ 20  Ehãaa ŋaawolɔi ni amuɔ afɔ̃ɔ amɛnɔ lɛ anyɛ awie,Ni eheɔ mɛi ni egbɔlɔ* lɛ ajwɛŋmɔ yɛ amɛdɛŋ; 21  Efɔseɔ heguɔgbee eshwieɔ abladei anɔ,+Ni ehãa hewalɔi tsɔmɔɔ gbedelɔi;* 22  Ejieɔ nibii ni mli kwɔlɔ kpo kɛjɛɔ duŋ mli,+Ni ekɛ duŋ kpii baa la hiɛ; 23  Ehãa jeŋmaji jeɔ agbo, bɔ ni afee ni ekpãtã amɛhiɛ;Elɛɔ jeŋmaji amli, bɔ ni afee ni ekpala amɛ kɛya nomŋɔɔ mli. 24  Eheɔ maŋbii ahiɛnyiɛlɔi aniiashishinumɔ* yɛ amɛdɛŋ,Ni ehãa amɛtsomloɔ yɛ shikpɔji ni akɛfeee nɔ ko, ní tsɔmɔhei bɛ nɔ lɛ anɔ.+ 25  Amɛtatraa yɛ duŋ mli,+ he ni la bɛ;Ehãa amɛtsomloɔ tamɔ dãatɔlɔi.+

Shishigbɛ Niŋmaa

Hebri sht. ŋm., “nyɛji gbɔmɛi lɛ.”
Hebri sht. ŋm., “tsui.”
Loo “shaneɔ.”
Shishitsɔɔmɔi komɛi kɛɔ akɛ, “okɛ shikpɔŋ lɛ awie.”
Loo “mɔ fɛɛ mɔ ni hiɛ kã lɛ susuma.”
Loo “Kɛ mumɔ ni gbɔmɛi fɛɛ muɔ lɛ.”
Hebri sht. ŋm., “daa.”
Loo “Ehãa ŋaawolɔi yaa be ni akpɔlɔ amɛhe nɔ fɛɛ nɔ.”
Loo “onukpai.”
Hebri sht. ŋm., “efɛneɔ hewalɔi abɛltii.”
Hebri sht. ŋm., “atsui.”