Akɛmaje Hebribii Lɛ 8:1-13

  • Sɔlemɔ buu lɛ feɔ ŋwɛi nii ahe mfoniri (1-6)

  • Bɔ ni esoro kpaŋmɔ momo lɛ yɛ kpaŋmɔ hee lɛ he (7-13)

8  Agbɛnɛ, nii ni wɔwieɔ lɛ mli sane oti nɛ: Osɔfonukpa ni tamɔ nɛkɛ wɔyɔɔ,+ ni eyata Anunyamtsɛ lɛ maŋtsɛ sɛi lɛ ninejurɔ nɔ yɛ ŋwɛi,+  eji sɔɔlɔ* yɛ he krɔŋkrɔŋ+ lɛ kɛ agbɛnɛ hu yɛ anɔkwa buu ni Yehowa* shĩ, shi jeee gbɔmɔ ko shĩ lɛ mli.  Ejaakɛ osɔfonukpa fɛɛ osɔfonukpa lɛ, awó lɛ koni ekɛ nikeenii kɛ afɔlei ahã; no hewɔ lɛ, ehe miihia ni mɔ nɛ hu aná nɔ ko ni ekɛbaahã.+  Eji eyɛ shikpɔŋ lɛ nɔ kulɛ, eyeŋ osɔfo,+ ejaakɛ hii ni kɛ nikeenii lɛ hãa yɛ Mla lɛ naa lɛ yɛ momo.  Hii nɛɛ kɛ sɔɔmɔ krɔŋŋ miihã akɛ ŋwɛi nii lɛ ahe nɔkwɛmɔnɔ kɛ mfoniri* kɛkɛ;+ tamɔ bɔ ni be ni Mose miiba ebafee buu lɛ Nyɔŋmɔ wo lɛ kitã lɛ: Ejaakɛ Nyɔŋmɔ kɛɛ: “Kwɛmɔ ni ofee nibii fɛɛ tamɔ amɛhe nɔkwɛmɔnɔ ni akɛtsɔɔ bo yɛ gɔŋ lɛ nɔ lɛ pɛpɛɛpɛ.”+  Shi amrɔ nɛɛ, Yesu ená sɔɔmɔ* ni hi kwraa fe klɛŋklɛŋ nɔ lɛ, ni nakai nɔŋŋ kpaŋmɔ ni eji eteŋdamɔlɔ+ ni adamɔ shiwoi ni hi fe klɛŋklɛŋ nɔ+ lɛ nɔ akpaŋ yɛ mla naa lɛ hi fe klɛŋklɛŋ nɔ lɛ.+  Eji sane ko bɛ nakai klɛŋklɛŋ kpaŋmɔ lɛ he kulɛ, ehe ebahiaŋ ni aná nɔ ni ji enyɔ lɛ.+  Ejaakɛ ena sane ko yɛ maŋbii lɛ ahe be ni ekɛɛ akɛ: “‘Naa! Gbii miiba,’ Yehowa* kɛɛ, ‘be ni mikɛ Israel shĩa lɛ kɛ Yuda shĩa lɛ baakpaŋ kpaŋmɔ hee.  Etamɔŋ kpaŋmɔ ni mikɛ amɛtsɛmɛi lɛ kpaŋ yɛ gbi nɔ ni mimɔ amɛnineshi ni minyiɛ amɛhiɛ kɛje Ejipt shikpɔŋ lɛ nɔ lɛ,+ ejaakɛ amɛyaaa nɔ amɛhiii mikpaŋmɔ lɛ mli, no hewɔ lɛ, mikpa amɛ kwɛmɔ,’ Yehowa* kɛɛ. 10  “‘Ejaakɛ kpaŋmɔ ni mikɛ Israel shĩa lɛ baakpaŋ yɛ nakai gbii lɛ asɛɛ lɛ nɛ,’ Yehowa* kɛɛ. ‘Mikɛ mimlai lɛ baawo amɛjwɛŋmɔ mli, ni maŋma mawo amɛtsuii amli.+ Ni matsɔ amɛ-Nyɔŋmɔ, ni amɛbaatsɔ mimaŋ.+ 11  “‘Ni amɛteŋ mɔ ko etsɔŋ emaŋnyo kɛ enyɛmi dɔŋŋ, akɛ: “Le Yehowa!”* Ejaakɛ amɛ fɛɛ amɛbaale mi, kɛjɛ amɛteŋ mɔ bibioo fe fɛɛ nɔ kɛyashi amɛteŋ mɔ wulu fe fɛɛ nɔ. 12  Ejaakɛ mana amɛ mɔbɔ yɛ amɛnifeemɔi ni ejaaa lɛ agbɛfaŋ, ni mikaiŋ amɛhe eshai lɛ dɔŋŋ.’”+ 13  Kɛɛmɔ ni ekɛɛ akɛ “kpaŋmɔ hee ko” lɛ tsɔɔ akɛ ehã klɛŋklɛŋ nɔ lɛ etsɔ emomo.+ Amrɔ nɛɛ, nɔ ni etsɔ emomo ni eegbɔ lɛ, etsɛŋ ni ebaalaaje.+

Shishigbɛ Niŋmaa

Loo “tsulɔ ni sɔmɔɔ yɛ mɛi krokomɛi ahilɛkɛhamɔ hewɔ.”
Loo “ahe hɔɔŋ; ahe susuma.”
Loo “sɔɔmɔ ni asɔmɔɔ yɛ mɛi krokomɛi ahilɛkɛhamɔ hewɔ.”