Ezra 3:1-13

  • Asaa ama afɔleshaa latɛ lɛ ni ashã afɔlei (1-7)

  • Aje sɔlemɔ shĩa lɛ maa shishi (8, 9)

  • Atswa sɔlemɔ shĩa lɛ faneshi lɛ (10-13)

3  Be ni nyɔɔŋ ni ji kpawo+ lɛ shɛ ni Israelbii lɛ fɛɛ yɛ amɛmaji lɛ amli lɛ, amɛfee ekome kɛbua amɛhe naa yɛ Yerusalem.  Kɛkɛ ni Yeshua,+ Yehozadak binuu lɛ, kɛ enyɛmimɛi osɔfoi lɛ, kɛ Zerubabel,+ Shealtiel+ binuu lɛ, kɛ enyɛmimɛi hii lɛ te shi ni amɛma Israel Nyɔŋmɔ lɛ afɔleshaa latɛ lɛ, bɔ ni afee ni amɛnyɛ amɛshã shãa afɔle yɛ nɔ tamɔ bɔ ni aŋma yɛ Mose, anɔkwa Nyɔŋmɔ lɛ gbɔmɔ lɛ Mla lɛ mli akɛ afee lɛ.+  No hewɔ lɛ, bɔ ni amɛsheɔ mɛi ni yɔɔ shikpɔji ni bɔle amɛhe kɛkpe lɛ anɔ lɛ gbeyei lɛ fɛɛ sɛɛ lɛ,+ amɛma afɔleshaa latɛ lɛ yɛ he ni ama yɛ tsutsu lɛ, ni amɛshã shãa afɔlei, ni ji leebi kɛ gbɛkɛnaashi shãa afɔlei+ lɛ yɛ nɔ amɛhã Yehowa.  Kɛkɛ ni amɛye Agbai Agbi Jurɔ lɛ tamɔ bɔ ni aŋma akɛ afee lɛ,+ ni gbi fɛɛ gbi lɛ, amɛshãa shãa afɔlei abɔ ni ato akɛ ashã daa gbi lɛ.+  No sɛɛ lɛ, amɛshã daa shãa afɔlei+ lɛ kɛ afɔlei krokomɛi ni ashãa yɛ nyɔɔŋtsere hei+ lɛ anɔ kɛ nɔ ni ashãa yɛ Yehowa gbii juji krɔŋkrɔŋi+ lɛ anɔ lɛ, kɛ nɔ ni mɛi ejɛ amɛsuɔmɔ mli amɛkɛbake Yehowa lɛ.+  Amɛshã shãa afɔlei amɛhã Yehowa kɛjɛ nyɔɔŋ ni ji kpawo lɛ klɛŋklɛŋ gbi lɛ nɔ,+ eyɛ mli akɛ, no mli lɛ atswako Yehowa sɔlemɔ shĩa lɛ faneshi lɛ.  Amɛhã tɛgbalɔi+ lɛ kɛ ŋaalɔi+ lɛ shika, ni amɛhã Sidonbii lɛ kɛ Tirobii lɛ ni kɛ tseneduru tsei tsɔ ŋshɔ hiɛ kɛjɛ Lebanon kɛba Yopa+ yɛ Persia maŋtsɛ Koresh+ famɔ naa lɛ nɔ ni amɛbaaye kɛ nɔ ni amɛbaanu kɛ mu.  Be ni amɛba anɔkwa Nyɔŋmɔ lɛ shĩa lɛ yɛ Yerusalem lɛ, enɔ afi ni ji enyɔ lɛ mli, yɛ nyɔɔŋ ni ji enyɔ lɛ mli lɛ, Zerubabel, Shealtiel binuu lɛ, kɛ Yeshua, Yehozadak binuu lɛ, kɛ amɛnyɛmimɛi hii krokomɛi lɛ, osɔfoi lɛ kɛ Levibii lɛ, kɛ mɛi fɛɛ ni ejɛ nomŋɔɔ lɛ mli amɛba Yerusalem+ lɛ je nitsumɔ lɛ shishi; amɛhã Levibii ni eye kɛjɛ afii 20 kɛyaa lɛ sɔmɔ akɛ nitsumɔ ni atsuɔ yɛ Yehowa shĩa lɛ nɔkwɛlɔi.  No hewɔ lɛ, Yeshua kɛ ebihii lɛ, kɛ enyɛmimɛi hii lɛ, kɛ Kadmiel kɛ ebihii lɛ, kɛ Yuda bihii lɛ fee ekome kɛkwɛ mɛi ni tsuɔ nii yɛ anɔkwa Nyɔŋmɔ lɛ shĩa lɛ anɔ, ni Henadad+ bihii lɛ, amɛbihii kɛ amɛnyɛmimɛi hii, ni ji Levibii lɛ hu fata amɛhe. 10  Be ni tsumalɔi lɛ tswa Yehowa sɔlemɔ shĩa lɛ faneshi lɛ amɛgbe naa lɛ,+ osɔfoi lɛ ni wo osɔfoi atade ni amɛhiɛ tɛtɛrɛmantɛrɛi lɛ,+ kɛ Levibii, ni ji Asaf bii ni hiɛ tsɛŋtsɛŋi lɛ te shi koni amɛjie Yehowa yi tamɔ bɔ ni Israel maŋtsɛ David efã akɛ afee lɛ.+ 11  Ni amɛbɔi lámɔ kɛ enɔheremɔ+ kɛjie Yehowa yi, ni amɛda lɛ shi, “ejaakɛ ehi; ni esuɔmɔ ni tsakeee lɛ hiɔ shi kɛyaa naanɔ yɛ Israel nɔ.”+ Kɛkɛ ni maŋbii lɛ fɛɛ bɔ oshe kɛjie Yehowa yi yɛ Yehowa shĩa lɛ faneshi lɛ ni atswa lɛ hewɔ. 12  Osɔfoi lɛ, kɛ Levibii lɛ, kɛ tsɛmɛi ashĩai onukpai lɛ—ni ji hiimeji ni na klɛŋklɛŋ shĩa lɛ+—ateŋ mɛi babaoo kɛ gbee ni wa fó be ni amɛna shĩa lɛ faneshi lɛ ni atswa lɛ, nakai beiaŋ nɔŋŋ lɛ, mɛi babaoo hu miinya kɛ gbee ni wa.+ 13  No hewɔ lɛ, maŋbii lɛ nyɛɛɛ ana emli nɔ ni ji nyamɔ loo yaafo, ejaakɛ maŋbii lɛ ni bolɔɔ lɛ agbee naa wa aahu akɛ anu he yɛ shɔŋŋ.

Shishigbɛ Niŋmaa