Ezekiel 27:1-36

  • Tiro meele ni miishiu lɛ he yaafo lala (1-36)

27  Yehowa kɛɛ mi ekoŋŋ akɛ:  “Bo gbɔmɔ bi,* lá yaafo lala* owo Tiro,+  ni okɛɛ Tiro akɛ,‘Bo mɔ ni ohiɔ ŋshɔ lɛ agbói lɛ anaa,Jarayelɔ ni okɛ mɛi ni jɛ ŋshɔkpɔi babaoo anɔ lɛ yeɔ jara,Nɔ ni Nuŋtsɔ Ofe Yehowa kɛɛ nɛ: “Bo Tiro, bo diɛŋtsɛ okɛɛ akɛ, ‘Mihe yɛ fɛo kɛwula shi.’+   Ŋshɔ lɛ teŋ okpokpai lɛ yɔɔ,Ni mɛi ni tswa bo amɛma shi lɛ ehã ohe efee fɛo kɛwula shi.   Junipa tsei ni jɛ Senir+ amɛkɛfee omeele lɛ he ŋmoŋmoloi lɛ fɛɛ,Ni Lebanon tseneduru tso amɛkɛfee otso ni akɛshiɔ abalaa lɛ.   Bashan ooki tsei amɛkɛfee otabɔlɔi lɛ,Ni kipro tso ni aka shwuɔ wu* ni jɛ Kitim+ ŋshɔkpɔi lɛ anɔ awo mli amɛkɛfee omeele lɛ hiɛgbɛ.   Klala kɛ emli kɔlai srɔtoi ni jɛ Ejipt ji nɔ ni akɛfee obalaa lɛ,Ni kpãa bluu kɛ kooloo hetsɔi ni hiɛ pɛpol kɔla ni jɛ Elishah+ ŋshɔkpɔi lɛ anɔ akɛfee onɔhaa mama lɛ.   Mɛi ni yɔɔ Sidon kɛ Arvad+ ji owirilɔi. Bo Tiro, bo diɛŋtsɛ oŋaalɔi lɛ ji mɛi ni tsuɔ nii yɛ omeele lɛ mli.+   Gebal+ hii ni yɔɔ niiashikpamɔ* ni le ŋaa lɛ ji mɛi ni tsimɔ ofɔji lɛ.+ Ŋshɔ hiɛ meelei lɛ fɛɛ kɛ amɛmlakui lɛ baa ni amɛkɛ bo bayeɔ jara. 10  Persia kɛ Lud kɛ Put+ hii yɛ osraafoi, ni ji ohii ni yaa ta lɛ ateŋ. Amɛkɛ amɛtsɛŋi lɛ kɛ amɛdade faii lɛ tsotsoroɔ omli, ni amɛhãa ohiɛ baa nyam. 11  Arvad hii ni yɔɔ osraafoi lɛ ateŋ lɛ damɔɔ ogbogboi lɛ anɔ kɛkpeɔ,Ni hii kãkãlɔi ji mɛi ni hiɔ omɔji lɛ amli. Amɛkɛ amɛtsɛŋ koklobii lɛ tsotsoroɔ ogbogboi lɛ ahe kɛkpeɔNi amɛhãa ohe feɔ fɛo kɛwulaa shi. 12  “‘“Nii babaoo ni oyɔɔ lɛ hewɔ lɛ, Tarshish+ kɛ bo yeɔ jara. Amɛkɛ jwiɛtɛi+ kɛ dade kɛ sanyaa kɛ sumui baa amɛkɛbatsakeɔ onibii lɛ.+ 13  Yavan kɛ Tubal+ kɛ Meshek+ kɛ bo yeɔ jara,+ ni amɛkɛ nyɔji kɛ akɔɔble nibii baa amɛkɛbatsakeɔ ojarayeli nibii lɛ. 14  Togarma+ shĩa lɛ kɛ okpɔŋɔi kɛ tawuu okpɔŋɔi kɛ tejii* baa amɛkɛbatsakeɔ onibii lɛ. 15  Dedanbii+ lɛ kɛ bo yeɔ jara; ohãa jarayelɔi tsuɔ nii amɛhãa bo yɛ ŋshɔkpɔi babaoo anɔ; amɛkɛ aivori akolontoi*+ kɛ ebɔne tsei* baa amɛbahãa bo akɛ nikeenii.* 16  Oninenaa nitsumɔ babaoo lɛ hewɔ lɛ, Edom kɛ bo yeɔ jara. Amɛkɛ tɛkwais tɛi kɛ kooloo hetsɔi ni hiɛ pɛpol kɔla kɛ atadei ni akɛ kɔlai srɔtoi elo nii ewo mli kɛ klala kpakpa kɛ ojarawatɛi* kɛ rubi tɛi baa amɛkɛbatsakeɔ onibii lɛ. 17  “‘“Yuda kɛ Israel shikpɔŋ lɛ kɛ bo ye jara, amɛkɛ Minit+ wiiti kɛ niyenii kpakpai kɛ wo+ kɛ mu kɛ balsam+ baa amɛkɛbatsakeɔ onibii lɛ.+ 18  “‘“Oninenaa nitsumɔi babaoo lɛ, kɛ onii babaoo lɛ fɛɛ ahewɔ lɛ, Damasko+ kɛ bo ye jara, amɛkɛ Helbon wain kɛ Zahar too hetsɔi* baa amɛkɛbayeɔ jara. 19  Vedan kɛ Yavan ni jɛ Uzal kpokpaa lɛ nɔ lɛ, kɛ dadei kɛ kasia* kɛ kalamo* baa amɛkɛbatsakeɔ onibii lɛ. 20  Dedan+ kɛ bo ye mama ni akɛshwieɔ okpɔŋɔ nɔ* jara. 21  Ohã Arabbii lɛ, kɛ Kedar+ lumɛi lɛ fɛɛ, mɛi ni ji gwantɛŋbii, kɛ gwantɛŋhii, kɛ abotiai jarayelɔi lɛ tsu nii amɛhã bo.+ 22  Sheba kɛ Raama+ jarayelɔi lɛ kɛ bo ye jara; amɛkɛ ojeŋma kpakpai srɔtoi fɛɛ kɛ ojarawatɛi kɛ shika tsuru baa amɛkɛbatsakeɔ onibii lɛ.+ 23  Haran+ kɛ Kane kɛ Eden+ kɛ jarayelɔi ni jɛ Sheba+ kɛ Ashur+ kɛ Kilmad lɛ kɛ bo ye jara. 24  Ojarayelihei lɛ ji he ni amɛkɛ bo ye atadei fɛfɛji, kɛ nɔhaanɔi ni akɛ mama bluu fee ni akɛ kɔlai srɔtoi elo nii ewo mli, kɛ kapɛtii ni hiɛ kɔlai srɔtoisrɔtoi, ni akɛ kpãa efimɔ fɛɛ mli kpɛŋŋ lɛ jara yɛ. 25  Tarshish meelei+ lɛ amli akɛ ojarayeli nibii lɛ woɔ,Ni oyi ni otsii* yɛ ŋshɔ lɛ teŋ. 26  Owirilɔi lɛ kɛ bo eba ŋshɔ lɛ mli he ni nui wuji lɛ yɔɔ lɛ;Bokãgbɛ kɔɔyɔɔ lɛ ejwara bo yɛ ŋshɔ lɛ teŋ. 27  Onii babaoo lɛ, kɛ onibii lɛ, kɛ ojarayeli nibii lɛ, kɛ omlakui lɛ, kɛ mɛi ni tsuɔ nii yɛ omeele lɛ mli lɛ,Mɛi ni tsimɔɔ ofɔji lɛ, mɛi ni kɛ bo yeɔ jara lɛ,+ kɛ ohii ni yaa ta lɛ fɛɛ+—Osafo muu ni yɔɔ omli lɛ fɛɛ—Amɛ fɛɛ amɛbaamii yɛ ŋshɔ lɛ teŋ yɛ gbi ni obaagbee shi lɛ nɔ.+ 28  Kɛ́ mɛi ni tsuɔ nii yɛ omeele lɛ mli lɛ bolɔ lɛ, ŋshɔnaa shikpɔji lɛ baahoso waa. 29  Mɛi ni hiɛɔ tabɔlɔi lɛ, kɛ amlakui lɛ, kɛ mɛi ni tsuɔ nii yɛ ŋshɔ hiɛ lɛ fɛɛBaayimɔ shi kɛjɛ amɛmeelei lɛ amli kɛba shikpɔŋ lɛ nɔ. 30  Amɛbaawó amɛgbee nɔ ni amɛbaafó waa yɛ ohewɔ+Ni amɛbaaloo mulu amɛshwie amɛyiteŋ ni amɛbaakoklo shi yɛ lamulu mli. 31  Amɛbaashɛ amɛyiteŋ sakoo ni amɛbaabumɔ kpekpe;*Amɛbaafó waa* kɛ bolɔmɔ yɛ ohewɔ. 32  Be ni amɛyeɔ awerɛho lɛ, amɛbaalá yaafo lala ni amɛbaafó yɛ ohe akɛ: ‘Namɔ tamɔ Tiro, mɔ ni amrɔ nɛɛ efee diŋŋ yɛ ŋshɔ lɛ teŋ lɛ?+ 33  Be ni onibii lɛ jɛ ŋshɔ hiɛ kɛba lɛ, ohã majimaji babaoo tɔrɔ.+ Onii babaoo lɛ kɛ ojarayeli nibii lɛ hã shikpɔŋ lɛ nɔ maŋtsɛmɛi lɛ ná nii.+ 34  Amrɔ nɛɛ ajwara bo yɛ ŋshɔ lɛ teŋ, yɛ nui ni mli kwɔlɔ lɛ amli,+Ni bo kɛ ojarayeli nibii lɛ kɛ omɛi lɛ fɛɛ emii.+ 35  Mɛi ni yɔɔ ŋshɔkpɔi lɛ anɔ lɛ fɛɛ baakwɛ bo ni amɛhe baajɔ̃ amɛhe,+Ni amɛmaŋtsɛmɛi lɛ fɛɛ ahe baakpokpo ni amɛhe baajɔ̃ amɛhe+—amɛhiɛ baafee amɛ yaa. 36  Jeŋmaji lɛ amli jarayelɔi lɛ baabo tsia* yɛ nɔ ni eba onɔ lɛ hewɔ. Onaagbee baaba trukaa ni ebaafee gbeyei,Ni obaalaaje kɛaatee naanɔ.’”’”+

Shishigbɛ Niŋmaa

Hebri sht. ŋm., “binuu.”
Loo “awerɛhoyeli lala.”
Loo “aivori.” Kwɛmɔ Wiemɔi Titrii Amligbalamɔ lɛ.
Hebri sht. ŋm., “hiimeji.”
Loo “teji okpɔŋɔi.” Teji nɛɛ ji tejinuu kɛ okpɔŋɔyoo bi.
Eeenyɛ efee akɛ, aivori akolonto nɛɛ ji shwuɔ wu.
Eji tso ko ni emli diɔ waa.
Eeenyɛ efee akɛ, “nikeenii” nɛɛ ji maŋ too ko ni awoɔ ahãa Tiro.
Loo “koral pii.” Kwɛmɔ Wiemɔi Titrii Amligbalamɔ lɛ.
Loo “kɛ too hetsɔi lamululamulu ni hiɛ miitsu fioo.”
Eji tso ko ni tamɔ sinamon tso.
Eji tso ko ni jeɔ ŋma. Aleee bɔ ni eji jogbaŋŋ.
Loo “kɛ bo ye atadei ni akɛ mama ni alo fee.”
Shishitsɔɔmɔi komɛi kɛɔ akɛ, “ni ohiɛ ba nyam.”
Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
Loo “Amɛbaafó kɛ dɔlɛ.”
Hebri sht. ŋm., “baakpã bɛlɛ.”