Ezekiel 24:1-27

  • Yerusalem tamɔ dadesɛŋ ni ebɔ ŋkanale (1-14)

  • Ezekiel ŋa lɛ gbele lɛ ji okadi (15-27)

24  Yehowa kɛɛ mi ekoŋŋ yɛ afi ni ji nɛɛhu lɛ mli, yɛ nyɔɔŋ ni ji nyɔŋma lɛ mli, yɛ gbi ni ji nyɔŋma yɛ nyɔɔŋ lɛ mli lɛ nɔ akɛ:  “Gbɔmɔ bi,* ŋmaa deeti nɛɛ* ofɔ̃ shi, ŋmɛnɛ gbi nɛɛ. Babilon maŋtsɛ lɛ eje Yerusalem tutuamɔ lɛ shishi ŋmɛnɛ gbi nɛɛ.+  Ni obu atuatselɔi ashĩa lɛ abɛ, ni okɛɛ yɛ amɛhe akɛ: “‘Nɔ ni Nuŋtsɔ Ofe Yehowa kɛɛ nɛ: “Okɛ dadesɛŋ* lɛ ama nɔ; kɛma la lɛ nɔ ni otsɔ nu owo mli.+   Okɛ loo ni afolɔ mli lɛ awo mli,+ loo lɛ hei ni hi lɛ fɛɛ,Shuɔ kɛ kɔɔŋ lɛ; okɛ wui ni hi fe fɛɛ lɛ awo mli obɔ.   Ŋɔɔ gwantɛŋi lɛ ateŋ nɔ ni hi fe fɛɛ lɛ eko,+ ni oto lai owo dadesɛŋ lɛ shishi fɛɛ. Hoomɔ loo lɛ ni ebe waa, ni ohã wui ni yɔɔ mli lɛ abe jogbaŋŋ.”’  “No hewɔ lɛ, nɔ ni Nuŋtsɔ Ofe Yehowa kɛɛ nɛ: ‘Kpoo hã lashishwiemɔ maŋ lɛ,+ dadesɛŋ ni ebɔ ŋkanale ni ajieko ŋkanale lɛ! Jiemɔ emli loi lɛ fɛɛ ekomekomei;+ kaafɔ̃ amɛnɔ oshiki.   Ejaakɛ elá lɛ yɛ emli;+ etsɔ eshwie tɛsaa kpataa nɔ, Etsɔɔɔ eshwieee shikpɔŋ koni akɛ sũ* aha nɔ.+   Mikɛ elá lɛ shwie tɛsaa kpataa ni nɔ kpɛlɛɔ nɔKoni akaha nɔ,+Bɔ ni afee ni mikɛtee mlifu shi kɛhã oweletɔɔ.’  “No hewɔ lɛ, nɔ ni Nuŋtsɔ Ofe Yehowa kɛɛ nɛ: ‘Kpoo hã lashishwiemɔ maŋ lɛ!+ Mabua lai lɛ naa kɛya ŋwɛi. 10  Hã lai lɛ afa waa ni la lɛ atso waa,Hoomɔ loo lɛ ni ebe waa, tsɔ ehe nu lɛ oshwie, ni ohã wui lɛ aŋala. 11  Okɛ dadesɛŋ ni nɔ ko bɛ mli lɛ ama ŋai kɛ la lɛ nɔ koni edɔKoni akɔɔble ni akɛfee dadesɛŋ lɛ atsu kɔɔ. Emli muji lɛ baasere yɛ emli,+ ni emli ŋkanale lɛ baatã. 12  Eyɛ ahuntoo ni ewa waa,Ejaakɛ emli ŋkanale babaoo lɛ ejeee mli.+ Shɛ ofɔ la lɛ mli kɛ emli ŋkanale lɛ fɛɛ!’ 13  “‘Ojeŋba sha lɛ ji nɔ ni hã ohe wo muji.+ Mibɔ mɔdɛŋ akɛ masha ohe keŋkeŋ, shi ohe muji lɛ eyaaa koni ohe atse. Ohe tseŋ aahu kɛyashi mimli ni efu bo lɛ naa baajɔ.+ 14  Mi, Yehowa, mi diɛŋtsɛ miwie. Ebaaba mli. Mafee ni migbalaŋ mihe sɛɛ, minaŋ mɔbɔ, ni mishwaŋ mihe hu.+ Amɛbaakojo bo yɛ ogbɛi lɛ kɛ onifeemɔi lɛ anaa,’ Nuŋtsɔ Ofe Yehowa kɛɛ.” 15  Ni Yehowa kɛɛ mi ekoŋŋ akɛ: 16  “Gbɔmɔ bi,* miiba mibajie mɔ ni osumɔɔ lɛ lɛ kɛje ohe trukaa.+ Kaaye awerɛho;* kaafó ni kaahã nui miije ohiŋmɛiiaŋ. 17  Fó owo omli, ni kaafee nibii ni afeɔ kɛyeɔ awerɛho yɛ gbohii ahewɔ lɛ eko.+ Okɛ oyitsofiinii lɛ afi oyitso,+ ni owo otokotai lɛ.+ Okɛ nɔ ko akaha onaabu* nɔ,+ ni kaaye niyenii ni mɛi krokomɛi kɛbaaba abahã bo lɛ.”*+ 18  Ni mikɛ maŋ lɛ wie leebi, ni miŋa gbo gbɛkɛnaashi mli. Ni leebi lɛ mifee tamɔ bɔ ni afã mi lɛ pɛpɛɛpɛ. 19  Maŋbii lɛ kɛɛ mi akɛ: “Ani otsɔɔɔ wɔ bɔ ni nibii ni ofeɔ nɛɛ kɔɔ wɔhe?” 20  Mikɛɛ amɛ akɛ: “Yehowa kɛɛ mi akɛ, 21  ‘Kɛɛmɔ Israel shĩa lɛ akɛ: “Nɔ ni Nuŋtsɔ Ofe Yehowa kɛɛ nɛ, ‘Miiba mibabule mijamɔhe lɛ,+ nii ni nyɛkɛshiɔ nyɛtsitsi waa, nii ni nyɛshwɛɛɛ he kwraa ni kã nyɛtsui nɔ waa* lɛ. Nyɛ diɛŋtsɛ nyɛbihii kɛ nyɛbiyei ni nyɛshi yɛ sɛɛ lɛ baanyɔ yɛ klante naa.+ 22  Kɛkɛ lɛ, nyɛbaafee tamɔ bɔ ni mifee lɛ pɛpɛɛpɛ. Nyɛkɛ nɔ ko ehaŋ nyɛnaabu nɔ,* ni nyɛyeŋ niyenii* ni mɛi krokomɛi kɛbaaba abahã nyɛ lɛ.+ 23  Nyɛyitsofiinii lɛ baafimɔ nyɛyitsei ni nyɛtokotai lɛ baahi nyɛnaji. Nyɛyeŋ awerɛho ni nyɛfóŋ hu. Shi moŋ, nyɛbaakpɔtɔ yɛ nyɛtɔmɔi lɛ amli,+ ni nyɛbaakɛ̃mɔ nyɛtsɔɔtsɔɔ nyɛhe. 24  Ezekiel etsɔ okadi ehã nyɛ.+ Bɔ ni efee lɛ, nakai pɛpɛɛpɛ nyɛbaafee. Kɛ́ eba mli lɛ, nyɛbaaná nyɛle akɛ miji Nuŋtsɔ Ofe Yehowa.’”’” 25  “Ni bo gbɔmɔ bi, gbi ni majie amɛmɔɔ lɛ—nii fɛfɛo ni hãa amɛnáa miishɛɛ, ni amɛshwɛɛɛ he kwraa ni kã amɛtsui* nɔ lɛ—kɛ amɛbihii kɛ amɛbiyei lɛ kɛya lɛ,+ 26  mɔ ko ni eje mli lɛ baababɔ bo amaniɛ.+ 27  Nakai gbi lɛ nɔ lɛ, obaagbɛ odaaŋ ni okɛ mɔ ni eje mli lɛ baawie, ni ofeŋ diŋŋ dɔŋŋ.+ Obaatsɔ okadi ohã amɛ, ni amɛbaaná amɛle akɛ miji Yehowa.”

Shishigbɛ Niŋmaa

Hebri sht. ŋm., “binuu.”
Hebri sht. ŋm., “gbi lɛ gbɛ́i.”
Loo “dadesɛŋ ni naa lɛɛ.”
Hebri sht. ŋm., “mulu.”
Hebri sht. ŋm., “binuu.”
Loo “Kaagbala otsitsi nɔ mai.”
Loo “onaabu nɔ tswɛi lɛ.”
Hebri sht. ŋm., “ni kaaye hii ablodo.” Kwɛmɔ Wiemɔi Titrii Amligbalamɔ lɛ.
Loo “nii ni nyɛsusuma dɔɔ he.”
Loo “nyɛnaabu nɔ tswɛi lɛ nɔ.”
Hebri sht. ŋm., “blodo.” Kwɛmɔ Wiemɔi Titrii Amligbalamɔ lɛ.
Loo “amɛsusuma.”