Ester 9:1-32

  • Yudafoi lɛ ye kunim (1-19)

  • Ato Purim gbijurɔyeli lɛ shishi (20-32)

9  Yɛ nyɔɔŋ ni ji 12 ni ji Adar*+ nyɔɔŋ lɛ nɔ yɛ gbi ni ji 13 lɛ nɔ, ni ji be ni akɛbaatsu maŋtsɛ lɛ wiemɔ lɛ kɛ emla lɛ he nii,+ ni ji gbi ni Yudafoi lɛ ahenyɛlɔi lɛ ahiɛ kã nɔ akɛ amɛbaaye Yudafoi lɛ anɔ lɛ, sane lɛ tsɔ sɛɛsɛɛ moŋ, ni Yudafoi lɛ ye mɛi ni nyɛɔ amɛ lɛ anɔ.+  Yudafoi lɛ bua amɛhe naa yɛ amɛmaji lɛ amli yɛ Maŋtsɛ Ahasweros+ kpokpai lɛ fɛɛ anɔ koni amɛkɛ mɛi ni taoɔ aye amɛ awui lɛ awu, ni mɔ ko mɔ ko nyɛɛɛ amɛhiɛ adamɔ, ejaakɛ maji lɛ fɛɛ miishe amɛ gbeyei.+  Kpokpai lɛ anɔ lumɛi lɛ, kɛ kpokpaa nɔkwɛlɔi*+ lɛ, kɛ amralofoi lɛ kɛ mɛi ni tsuɔ nibii ni kɔɔ maŋtsɛ lɛ he lɛ ahe nii lɛ fɛɛ yafi Yudafoi lɛ asɛɛ, ejaakɛ amɛmiishe Mordekai gbeyei.  Mordekai ná hewalɛ+ waa yɛ maŋtsɛ shĩa lɛ, ni anu ehe saji yɛ kpokpai lɛ fɛɛ nɔ, ejaakɛ Mordekai tee nɔ ená hewalɛ babaoo.  Yudafoi lɛ fã klante yɛ amɛhenyɛlɔi lɛ fɛɛ anɔ, ni amɛgbe amɛ ni amɛkpãtã amɛhiɛ; amɛfee mɛi ni nyɛɔ amɛ lɛ nɔ fɛɛ nɔ ni amɛsumɔɔ.+  Yɛ Shushan*+ mɔɔ* lɛ mli lɛ, Yudafoi lɛ gbe hii 500 ni amɛkpãtã amɛhiɛ.  Agbɛnɛ hu, amɛgbe Parshandata, kɛ Dalfon, kɛ Aspata,  kɛ Porata, kɛ Adalia, kɛ Aridata,  kɛ Parmashta, kɛ Arisai, kɛ Aridai, kɛ Vaizata, 10  ni ji Haman, Hamedata binuu lɛ, ni ji Yudafoi lɛ ahenyɛlɔ+ lɛ bihii nyɔŋma lɛ. Shi be ni amɛgbe amɛ lɛ, amɛlooo amɛnibii lɛ.+ 11  Yɛ nakai gbi lɛ nɔ lɛ, abakɛɛ maŋtsɛ lɛ mɛi abɔ ni agbe yɛ Shushan* mɔɔ* lɛ mli. 12  Maŋtsɛ lɛ kɛɛ Maŋnyɛ Ester akɛ: “Yudafoi lɛ egbe hii 500 kɛ Haman bihii nyɔŋma lɛ, ni amɛkpãtã amɛhiɛ yɛ Shushan mɔɔ lɛ mli. Belɛ yɛ maŋtsɛ lɛ kpokpai krokomɛi lɛ anɔ lɛ, te amɛfee tɛŋŋ mɔ?+ Mɛni otaoɔ obi ekoŋŋ? Akɛbaahã bo aahu. Ni mɛni hu otaoɔ ni afee ahã bo? Abaafee ahã bo aahu.” 13  Ester kɛɛ lɛ akɛ: “Kɛ́ esa maŋtsɛ hiɛ lɛ,+ hã aŋmɛ Yudafoi ni yɔɔ Shushan* lɛ gbɛ koni wɔ lɛ amɛfee tamɔ bɔ ni amɛfee yɛ mla ni awo kɛhã ŋmɛnɛ lɛ naa lɛ;+ ni akɛ Haman bihii nyɔŋma lɛ asɛŋ tso nɔ.”+ 14  No hewɔ lɛ, maŋtsɛ lɛ fã koni afee nakai. Awo mla yɛ Shushan,* ni akɛ Haman bihii nyɔŋma lɛ sɛŋ tso nɔ. 15  Yudafoi ni yɔɔ Shushan* lɛ bua amɛhe naa ekoŋŋ yɛ Adar+ nyɔɔŋ lɛ nɔ gbi ni ji 14 lɛ nɔ, ni amɛgbe hii 300 yɛ Shushan,* shi amɛlooo amɛhenyɛlɔi lɛ anibii lɛ. 16  Yudafoi krokomɛi ni yɔɔ maŋtsɛ lɛ kpokpai lɛ anɔ lɛ hu bua amɛhe naa, ni amɛfã amɛwala he.*+ Amɛkpãtã amɛhenyɛlɔi lɛ ahiɛ,+ ni amɛgbe mɛi ni nyɛɔ amɛ lɛ ateŋ mɛi 75,000; shi amɛlooo amɛhenyɛlɔi lɛ anibii lɛ. 17  Amɛfee enɛ yɛ Adar nyɔɔŋ lɛ nɔ gbi ni ji 13 lɛ nɔ, ni amɛjɔɔ amɛhe yɛ gbi ni ji 14 lɛ nɔ, ni amɛfee nakai gbi lɛ gbijurɔyeli kɛ nyamɔ gbi. 18  Yudafoi ni yɔɔ Shushan* lɛ bua amɛhe naa yɛ gbi ni ji 13+ lɛ kɛ gbi ni ji 14+ lɛ nɔ, ni amɛjɔɔ amɛhe yɛ gbi ni ji 15 lɛ nɔ, ni amɛfee nakai gbi lɛ gbijurɔyeli kɛ nyamɔ gbi. 19  No hewɔ ni Yudafoi ni yɔɔ maji ni yɔɔ kpokpai krokomɛi lɛ anɔ lɛ amli lɛ fee Adar nyɔɔŋ lɛ nɔ gbi ni ji 14 lɛ gbijurɔyeli kɛ nyamɔ gbi lɛ,+ ni ji gbi ni akɛnáa miishɛɛ, kɛ be ni akɛkekeɔ mɛi niyenii.+ 20  Mordekai+ ŋmala saji nɛɛ ni eŋmala woji kɛmaje Yudafoi fɛɛ ni yɔɔ Maŋtsɛ Ahasweros kpokpai lɛ fɛɛ anɔ lɛ, mɛi ni bɛŋkɛ kɛ mɛi ni yɔɔ shɔŋŋ fɛɛ. 21  Efã amɛ koni amɛye gbi jurɔ yɛ Adar nyɔɔŋ lɛ nɔ gbi ni ji 14 lɛ, kɛ gbi ni ji 15 lɛ nɔ, koni amɛfee nakai daa afi, 22  ejaakɛ nakai gbii lɛ anɔ ni Yudafoi lɛ jɔɔ amɛhe kɛjɛ amɛhenyɛlɔi lɛ adɛŋ, ni nakai nyɔɔŋ lɛ nɔ lɛ, yɛ nɔ najiaŋ ni amɛnii baafee mɔbɔ lɛ, etsɔ nyamɔ moŋ, ni amɛwerɛhoyeli+ lɛ tsɔ miishɛɛnamɔ gbi. Nakai gbii lɛ anɔ lɛ, amɛbaaye gbi jurɔ ni amɛbaanya, ni agbɛnɛ hu, ebaatsɔ be ni akɛkekeɔ mɛi niyenii kɛ be ni akɛkeɔ ohiafoi nii. 23  Ni Yudafoi lɛ kpɛ mli akɛ amɛbaaya nɔ amɛye gbi jurɔ ni amɛje shishi lɛ, ni amɛfee nɔ ni Mordekai eŋma kɛbahã amɛ lɛ. 24  Ejaakɛ no mli lɛ, Haman,+ Hamedata Agagnyo+ lɛ binuu lɛ, ni ji Yudafoi lɛ fɛɛ ahenyɛlɔ lɛ etsɔ Yudafoi lɛ ahe ŋaa koni akpãtã amɛhiɛ,+ ni ehã afɔ̃ Pur,+ ni ji Oshiki lɛ, koni Yudafoi lɛ atsui afã ni akpãtã amɛhiɛ. 25  Shi be ni Ester tee maŋtsɛ lɛ hiɛ lɛ, maŋtsɛ lɛ ŋma wolo kɛfã akɛ:+ “Ahã ŋaa fɔŋ ni etsɔ eshi Yudafoi+ lɛ ababua lɛ diɛŋtsɛ eyiteŋ”; ni asɛŋ lɛ kɛ ebihii lɛ yɛ tso nɔ.+ 26  No hewɔ lɛ, amɛtsɛ gbii nɛɛ Purim, yɛ gbɛ́i Pur*+ lɛ hewɔ. No hewɔ lɛ, yɛ nibii fɛɛ ni aŋmala yɛ wolo nɛɛ mli kɛ nɔ ni amɛna yɛ sane nɛɛ hewɔ, kɛ nɔ ni ba amɛnɔ lɛ hewɔ lɛ, 27  Yudafoi lɛ kpɛ mli akɛ, amɛ kɛ amɛseshibii lɛ, kɛ mɛi fɛɛ ni baabafata amɛhe+ lɛ baaye gbii enyɔ nɛɛ akɛ gbi jurɔ kɛya naanɔ, ni amɛbaaye nɔ ni aŋma kɛbahã amɛ yɛ gbii nɛɛ ahe yɛ be ni ato lɛ nɔ lɛ nɔ afi fɛɛ afi. 28  Akai gbii nɛɛ ni aye yɛ yinɔ fɛɛ yinɔ mli, yɛ weku fɛɛ weku mli, yɛ kpokpaa fɛɛ kpokpaa nɔ, kɛ maŋ fɛɛ maŋ nɔ; ni esaaa akɛ akpaa Purim gbii nɛɛ yeli yɛ Yudafoi lɛ ateŋ, ni akafo sɛɛ gbi ko gbi ko yɛ Yudafoi lɛ aseshibii lɛ ateŋ. 29  Kɛkɛ ni Maŋnyɛ Ester, Abihail biyoo lɛ, kɛ Mordekai, Yudanyo lɛ kɛ hegbɛ ni amɛyɔɔ lɛ fɛɛ ma Purim lɛ he wolo ni ji enyɔ lɛ nɔ mi. 30  Ni etsu ni akɛ woji yahã Yudafoi fɛɛ ni yɔɔ kpokpai 127 lɛ anɔ,+ yɛ Maŋtsɛ Ahasweros maŋtsɛyeli lɛ mli;+ eŋma toiŋjɔlɛ kɛ anɔkwa wiemɔi yɛ woji lɛ amli 31  koni ekɛma gbii ni akɛbaaye Purim lɛ nɔ mi yɛ amɛbei ni ato lɛ amli tamɔ bɔ ni Mordekai, Yudanyo lɛ, kɛ Maŋnyɛ Ester efã amɛ ni amɛfee+ lɛ, kɛ agbɛnɛ hu, tamɔ bɔ ni Yudafoi lɛ ekpɛ mli* akɛ amɛ kɛ amɛseshibii lɛ baafee lɛ,+ ni amɛbaahi ŋmaa+ ni amɛkɛ hiɛdɔɔ baakpa fai hu.+ 32  Ni Ester famɔ lɛ ma saji nɛɛ ni kɔɔ Purim+ lɛ he lɛ nɔ mi, ni aŋma awo wolo mli.

Shishigbɛ Niŋmaa

Loo “satrapii.” Satrap ji gbɛnaa gbɛ́i ni akɛtsɛɔ mɛi ni kwɛɔ kpokpai ni yɔɔ Persia nɔyeli lɛ shishi lɛ anɔ lɛ.
Loo “Susa.”
Loo “maŋtsɛ shĩa.”
Loo “Susa.”
Loo “maŋtsɛ shĩa.”
Loo “Susa.”
Loo “Susa.”
Loo “Susa.”
Loo “Susa.”
Loo “amɛsusumai ahe.”
Loo “Susa.”
“Pur,” shishi ji “Oshiki.” Aná Yudafoi lɛ agbi jurɔ ni atsɛɔ lɛ “Purim” ni amɛyeɔ yɛ nyɔɔŋ ni ji 12 lɛ mli, yɛ Yudafoi lɛ akalanda ni Nyɔŋmɔ to hã amɛ lɛ nɔ lɛ kɛjɛ wiemɔ ni ji Pur lɛ mli. “Purim” ji “Pur” piifeemɔ. Kwɛmɔ Saji Krokomɛi B15 lɛ.
Loo “tamɔ bɔ ni Yudafoi lɛ kɛfɔ̃ amɛsusumai anɔ.”