Amos 6:1-14

  • Kpoo hã mɛi ni he ejɔ amɛ lɛ! (1-14)

    • Shwuɔ wu saatsei; wain tsɛnsii (4, 6)

6  “Kpoo hã mɛi ni yɔɔ Zion ni kɛ amɛhiɛ fɔ̃ɔ amɛ diɛŋtsɛ amɛhe nɔ* lɛ,Mɛi ni susuɔ akɛ amɛyɛ shweshweeshwe yɛ Samaria gɔŋ lɛ nɔ lɛ,+Gbɔmɛi wuji ni yɔɔ jeŋmaji lɛ amli maŋ titri lɛ mli lɛ,Mɛi ni Israel shĩa lɛ baa amɛŋɔɔ lɛ!   Nyɛfoa mli kɛyaa Kalne ni nyɛyakwɛa. Nyɛjɛa jɛmɛ nyɛyaa Hamat Wulu lɛ,+Ni nyɛkpelekea shi kɛyaa Filistibii amaŋ Gat lɛ mli. Ani amɛhi fe maŋtsɛyelii nɛɛ,*Aloo amɛshikpɔŋ lɛ da fe nyɛnɔ lɛ?   Ani nyɛmiijie amanehulu gbi lɛ kɛmiije nyɛjwɛŋmɔ mli,+Ni nyɛkɛ yiwalɛ nɔyeli* miiba?+   Amɛkamɔɔ shwuɔ wu* saatsei anɔ,+ ni amɛgbɛjɛɔ amɛhe yɛ sɛi saatsei anɔ,+Ni amɛyeɔ tooku lɛ mli gwantɛŋhii lɛ kɛ tsinabii* ni eshwishwii lɛ;+   Amɛsɔ̃ɔ lalai kɛnyiɛɔ saŋku* gbɛɛmɔ sɛɛ,+Ni amɛ diɛŋtsɛ amɛfeɔ lalatswaa nibii, tamɔ David fee lɛ;+   Amɛnuɔ wain tsɛnsii obɔbɔ,+Ni mui kpakpai fe fɛɛ amɛkpaa. Shi Yosef amanehulu lɛ jeee amɛhe sane ko.*+   No hewɔ lɛ, amɛbaatsɔ mɛi ni aŋɔ amɛ nom lɛ ahiɛ kɛya nomŋɔɔ mli,+Ni mɛi ni egbɛjɛ amɛhe kɛkamɔ shi lɛ ahiɛtserɛjiemɔ ni yɔɔ hoo lɛ sɛɛ baafo.   ‘Nuŋtsɔ Ofe Yehowa kɛ lɛ diɛŋtsɛ ehe ekã kitã,’*+ Yehowa, Nyɔŋmɔ taiatsɛ lɛ kɛɛ,‘“Minyaŋeɔ nɔ ni Yakob kɛshiɔ etsitsi lɛ,+Minyɛɔ emɔji ni atswa gbogboi awo amɛhe lɛ,+Mikɛ maŋ lɛ kɛ emli nibii lɛ fɛɛ baahã.+  “‘“Ni kɛji eshwɛ mɛi nyɔŋma yɛ shĩa kome mli po lɛ, amɛbaagboi kɛ̃. 10  Amɛteŋ mɔ ko wekunyo* baaba ni ebahole amɛ kɛje kpo, ní eyashã amɛ ekomekomei. Ebaajie amɛwui lɛ kɛje shĩa lɛ; ni ebaabi mɔ fɛɛ mɔ ni yɔɔ shĩa lɛ sɛɛtsui lɛ amli lɛ akɛ, ‘Ani eshwɛ mɔ ko lolo fata ohe?’ Ni ebaakɛɛ akɛ, ‘Mɔ ko mɔ ko bɛ biɛ!’ Kɛkɛ lɛ ebaakɛɛ akɛ, ‘Feemɔ diŋŋ! Ejaakɛ jeee be ni akɛtsĩɔ Yehowa gbɛ́i lɛ tã kwraa nɛ.’” 11  Ejaakɛ Yehowa ji mɔ ni kɛ famɔ lɛ hãa,+Ni ebaakumɔ shĩa wulu lɛ dukuduku,Ni ebaafufulu shĩa bibioo lɛ.+ 12  Ani okpɔŋɔi joɔ foi yɛ tɛsaa nɔ,Aloo mɔ ko kɛ tsinai huɔ yɛ jɛmɛ? Ejaakɛ nyɛhã jalɛsaneyeli etsɔ tso ni pɔizin yɔɔ mli,Ni jalɛ yibii hu etsɔ joomɔtso.*+ 13  Nyɛnyaa nii ni he bɛ sɛɛnamɔ he,Ni nyɛkɛɔ akɛ, “Ani jeee wɔ diɛŋtsɛ wɔnyɛmɔ naa wɔná hewalɛ* yɛ?”+ 14  No hewɔ lɛ, Israel shĩa, mahã jeŋmaŋ ko abatutua nyɛ,’+ Yehowa, Nyɔŋmɔ taiatsɛ lɛ kɛɛ,‘Ni amɛbaawa nyɛ yi kɛjɛ Lebo-hamat*+ aahu kɛyashi Araba lɛ Nujɔɔ* lɛ naa tɔ̃ɔ.’”

Shishigbɛ Niŋmaa

Loo “mɛi ni yɔɔ Zion ni amɛhe ejɔ amɛ.”
Eeenyɛ efee akɛ, aatsɔɔ Yuda kɛ Israel maŋtsɛyelii lɛ.
Hebri sht. ŋm., “sɛ̃i.”
Loo “aivori.” Kwɛmɔ Wiemɔi Titrii Amligbalamɔ lɛ.
Loo “tsina oblahii.”
Loo “kpãa saŋku.”
Hebri sht. ŋm., “Yosef amanehulu lɛ wooo amɛ hela.”
Loo “kɛ esusuma ekã kitã.”
Hebri sht. ŋm., “Epapa nyɛmi nuu.”
Loo “joomɔ.”
Hebri sht. ŋm., “wɔŋɔ akolontoi wɔhã wɔhe.”
Loo “he ni atsɔɔ kɛboteɔ Hamat lɛ.”