Amos 5:1-27

  • Israel tamɔ oblayoo fro ni egbee shi (1-3)

  • Nyɛtaoɔ Nyɔŋmɔ sɛɛ gbɛ, ni nyɛyaa nɔ nyɛhia wala mli (4-17)

    • Nyɛnyɛa nɔ fɔŋ, ní nyɛsumɔa nɔ kpakpa (15)

  • Yehowa gbi lɛ, duŋ gbi ni (18-27)

    • Akpoo Israel afɔlei lɛ (22)

5  “Israel shĩa, nyɛboa wiemɔ nɛɛ, ni ji yaafo lala* ní miwóɔ nɔ mishiɔ nyɛ lɛ toi:   ‘Oblayoo fro lɛ, ni ji Israel, egbee shi;Enyɛɛɛ ete shi dɔŋŋ. Akpoo lɛ yɛ lɛ diɛŋtsɛ eshikpɔŋ nɔ;Mɔ ko mɔ ko bɛ ni baawó enɔ.’  “Ejaakɛ nɔ ni Nuŋtsɔ Ofe Yehowa kɛɛ nɛ: ‘Maŋ ni jeɔ kpo kɛ mɛi akpe lɛ, ebaashwɛ emɛi oha;Ni maŋ ni jeɔ kpo kɛ mɛi oha lɛ, ebaashwɛ emɛi nyɔŋma ehã Israel shĩa lɛ.’+  “Ejaakɛ nɔ ni Yehowa kɛɔ Israel shĩa lɛ nɛ: ‘Nyɛtaoa misɛɛ gbɛ koni nyɛya nɔ nyɛhi wala mli.+   Nyɛkataoa Betel sɛɛ gbɛ,+Nyɛkayaa Gilgal,+ ni nyɛkafoa mli kɛmiiya Beer-sheba hu,+Ejaakɛ bɔ fɛɛ bɔ ni fee lɛ, abaaŋɔ Gilgal nom,+Ni Betel hu hiɛ baakpãtã.*   Nyɛtaoa Yehowa sɛɛ gbɛ koni nyɛya nɔ nyɛhi wala mli,+Koni ekaba Yosef shĩa lɛ nɔ trukaa tamɔ la,Ní ebashã Betel, bɔ ni mɔ ko mɔ ko bɛ ni baanyɛ agbe la lɛ.   Nyɛhãa jalɛsaneyeli tsɔɔ joomɔtso,*Ni nyɛshɛɔ jalɛ nyɛfɔ̃ɔ shikpɔŋ.+   Mɔ ni fee Kima ŋulamiku* kɛ Kesil ŋulamiku* lɛ,+Mɔ ni hãa duŋ kpii tsɔɔ leebi lɛ,Mɔ ni hãa jetsɛremɔ woɔ duŋ tamɔ nyɔɔŋ lɛ,+Mɔ ni tsɛɔ ŋshɔ lɛ mli nui lɛ kɛbaaNí efɔseɔ eshwieɔ shikpɔŋ lɛ nɔ lɛ+—Egbɛ́i ji Yehowa.   Ebaahã hiɛkpatamɔ aba hewalɔi anɔ oya,Ni ebaakpãtã hei ni atswa gbogboi awo amɛhe lɛ ahiɛ. 10  Amɛnyɛɔ mɛi ni jajeɔ mɛi yɛ maŋ lɛ agbó lɛ naa lɛ,Ni amɛnyaŋeɔ mɛi ni wieɔ anɔkwale lɛ.+ 11  Akɛni nyɛheɔ ŋmɔshi too* yɛ ohiafo dɛŋNí nyɛheɔ eŋmaa* yɛ edɛŋ akɛ too* hewɔ lɛ,+Nyɛhiŋ shĩai ni nyɛkɛ tɛi ni ako emamɔ lɛ amli+Ni nyɛnuŋ wain ŋmɔji kpakpai ni nyɛfee lɛ amli wain dɔŋŋ.+ 12  Ejaakɛ mile bɔ ni nyɛtuatsemɔi* lɛ fa hãKɛ bɔ ni nyɛhe eshai lɛ dara hã—Nyɛhaoɔ jalɔi,Nyɛheɔ nyɔɔŋ nii,*Ni nyɛyeee jalɛ sane nyɛhãaa ohiafoi yɛ maŋ lɛ agbó lɛ naa.+ 13  No hewɔ lɛ, mɛi ni yɔɔ sɛɛyoomɔ lɛ baamua amɛnaa yɛ nakai be lɛ mli,Ejaakɛ ebaafee amanehulu be.+ 14  Nyɛtaoa nɔ kpakpa, shi jeee nɔ fɔŋ,+Koni nyɛya nɔ nyɛhi wala mli.+ Kɛkɛ lɛ, Yehowa, Nyɔŋmɔ taiatsɛ lɛ, kɛ nyɛ baahi shi,Tamɔ bɔ ni nyɛkɛɔ akɛ ekɛ nyɛ yɛ lɛ.+ 15  Nyɛnyɛa nɔ fɔŋ, ní nyɛsumɔa nɔ kpakpa,+Nyɛhãa ayea jalɛ sane yɛ maŋ lɛ agbó lɛ naa.+ Ekolɛ Yehowa, Nyɔŋmɔ taiatsɛ lɛ,Baana Yosef mɛi ni eshwɛ lɛ mɔbɔ.’+ 16  “No hewɔ lɛ, nɔ ni Yehowa, Yehowa Nyɔŋmɔ, taiatsɛ lɛ, kɛɛ nɛ: ‘Abaawo yara yɛ henaabuamɔhei lɛ fɛɛ,Amɛbaakɛɛ yɛ gbɛjegbɛi lɛ fɛɛ anɔ akɛ, “Ao, ao!” Amɛbaatsɛ okwaafoi ní amɛbaye awerɛhoKɛ mɛi ni fóɔ yɛ yara nɔ* lɛ hu, ní amɛbafó.’ 17  ‘Abaawo yara yɛ wain ŋmɔ fɛɛ wain ŋmɔ mli;+Ejaakɛ matsɔ oteŋ kɛho,’ Yehowa kɛɛ. 18  ‘Kpoo hã mɛi ni shweɔ Yehowa gbi lɛ!+ Te Yehowa gbi lɛ naa baayakpa ahã nyɛ tɛŋŋ?+ Ebaafee duŋ, shi jeee la.+ 19  Ebaafee tamɔ nuu ko ni joɔ jata naa foi, ní ekɛ oshishibrishi yakpeɔ,Ni kɛ́ etee eshĩa ni ekɛ enine kpasa gbogbo lɛ, onufu kɔ̃ɔ lɛ. 20  Yehowa gbi lɛ baatsɔ duŋ, shi jeee la;Ebaatsɔ duŋ kabitii, shi jeee kpɛmɔ! 21  Minyɛɔ nyɛgbii juji lɛ, minyaŋeɔ kwraa,+Ni minyaaa nyɛkpei krɛdɛi lɛ aŋma lɛ he. 22  Kɛ́ nyɛŋɔ shãa afɔlei kɛ nikee afɔlei nyɛhã mi po lɛ,Mináŋ he miishɛɛ;+Ni mihiɛ esɔŋ nyɛnaanyobɔɔ afɔlei ni nyɛkɛ kooloi ni ewowoo fɔ shãa lɛ.+ 23  Kaahã minu olalai lɛ agbɛɛmɔ lɛ;Ni mitaooo manu lalai ní okɛ okpãa saŋkui lɛ tswaa lɛ.+ 24  Hã jalɛsaneyeli aho tamɔ nui hoɔ lɛ,+Ní jalɛ hu aho tamɔ faa ni hoɔ daa. 25  Israel shĩa, ani nyɛkɛ afɔlei kɛ nikee afɔlei bahã miYɛ nakai afii 40 lɛ amli, yɛ ŋa lɛ nɔ?+ 26  Agbɛnɛ, nyɛbaatere Sakut, nyɛmaŋtsɛ lɛ, kɛ Kaiwan,*Nyɛmagai lɛ, nyɛnyɔŋmɔ lɛ ŋulami ní nyɛfee nyɛhã nyɛhe lɛ kɛya, 27  Ni mahã aŋɔ nyɛ nom kɛya Damasko sɛɛ shɔŋŋ,’+ mɔ ni gbɛ́i ji Yehowa, Nyɔŋmɔ taiatsɛ lɛ, kɛɛ.”+

Shishigbɛ Niŋmaa

Loo “awerɛhoyeli lala.”
Shishitsɔɔmɔi komɛi kɛɔ akɛ, “Betel baatsɔ naakpɛɛ nɔ ko.”
Loo “joomɔ.”
Eeenyɛ efee akɛ, no ji Pleiades ŋulamii ni yɔɔ Taurus ŋulamiku lɛ mli lɛ.
Eeenyɛ efee akɛ, no ji ŋulamiku ni atsɛɔ lɛ Orion lɛ.
Loo “shikpɔŋ too.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Eeenyɛ efee akɛ, eji maŋ too ko ni abiɔ ni ohiafoi awo.
Loo “nyɛmlatɔmɔi.”
Loo “shika ni hãa atsimɔɔ nɔfɔŋfeemɔ nɔ.”
Ni ji, mɛi ni awoɔ amɛ nyɔmɔ koni amɛfó yɛ yara nɔ.
Eeenyɛ efee akɛ, nyɔŋmɔi enyɔ nɛɛ fɛɛ kɔɔ shibɔlemɔ ŋulami ni atsɛɔ lɛ Saturn, ní ajá akɛ nyɔŋmɔ lɛ he.