Amos 2:1-16

  • Atua ni atse shii abɔ lɛ ahe kojomɔi (1-16)

2  “Nɔ ni Yehowa kɛɛ nɛ,‘“Moab+ atuatsemɔi* etɛ kɛ ejwɛ lɛ hewɔ lɛ, mitsakeŋ mijwɛŋmɔ,Ejaakɛ eshã Edom maŋtsɛ lɛ wui kɛfee kaaloo.   No hewɔ lɛ, matsu la kɛya Moab,Ni ebaashã Keriot mɔji ni atswa gbogboi awo amɛhe lɛ;+Moab baagbo yɛ hoofeemɔKɛ oshebɔɔ kɛ tɛtɛrɛmantɛrɛ* gbɛɛmɔ mli.+   Majie nɔyelɔ* lɛ kɛje eteŋNi magbe elumɛi lɛ fɛɛ mafata ehe,”+ Yehowa kɛɛ.’   Nɔ ni Yehowa kɛɛ nɛ,‘Yuda+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,Ejaakɛ amɛkwa Yehowa mla* lɛ,Ni agbɛnɛ hu, amɛyeee etaomɔ nii lɛ anɔ;+Shi amalei ni amɛtsɛmɛi lɛ nyiɛ sɛɛ lɛ nɔŋŋ ehã amɛdu gbɛ lɛ.+   No hewɔ lɛ, matsu la kɛya Yuda,Ni ebaashã Yerusalem mɔji ni atswa gbogboi awo amɛhe lɛ.’+   Nɔ ni Yehowa kɛɛ nɛ,‘Israel+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,Ejaakɛ amɛhɔ̃ɔ jalɔi amɛheɔ jwiɛtɛi,Kɛ ohiafoi hu amɛheɔ tokotai.+   Amɛnaanaa mɛi ni bɛ yelikɛbualɔ lɛ ayitsei anɔ amɛwoɔ shikpɔŋ mulu mli,+Ni amɛtsĩɔ mɛi ni he jɔ lɛ agbɛ lɛ.+ Nuu kɛ epapa fɛɛ kɛ oblayoo kome too lɛ nɔŋŋ náa bɔlɛ,Ni amɛkɛbuleɔ migbɛ́i krɔŋkrɔŋ lɛ.   Amɛkamɔɔ mamai ní amɛshɔ̃ɔ akɛ awabatoo nii*+ lɛ anɔ yɛ afɔleshaa latɛ fɛɛ afɔleshaa latɛ masɛi;+Ni mɛi ni amɛgbeɔ amɛ shika gbele lɛ ashika lɛ amɛkɛhéɔ wain ní amɛnuɔ yɛ amɛnyɔŋmɔi lɛ ashĩa* lɛ.’   ‘Shi miji mɔ ni kpãtã Amornyo lɛ hiɛ yɛ amɛhiɛ,+Mɔ ni kwɔ tamɔ tseneduru tsei, ní ehe wa tamɔ ooki tsei lɛ;Mikpãtã eyibii ni yɔɔ yiteŋ kɛ eshishifãi ni yɔɔ shishi lɛ ahiɛ.+ 10  Mi mijie nyɛ kɛje* Ejipt shikpɔŋ lɛ nɔ,+Ni mihã nyɛnyiɛ kɛtsɔ ŋa lɛ nɔ afii 40,+Koni nyɛbaŋɔ Amornyo lɛ shikpɔŋ lɛ. 11  Mihole nyɛbihii lɛ ateŋ mɛi komɛi gbalɔi+Kɛ nyɛblahii lɛ ekomɛi hu Nazirmɛi.+ Ani ebɛ mli nakai, Israelbii?’ Yehowa kɛɛ. 12  ‘Shi nyɛtee nɔ nyɛhã Nazirmɛi lɛ wain ní amɛnu,+Ni nyɛfã gbalɔi lɛ akɛ: “Nyɛkagbaa.”+ 13  No hewɔ lɛ, majwara nyɛ yɛ he ni nyɛyɔɔ lɛ,Tamɔ bɔ ni shwiili ni awo lɛ obɔ kɛ ŋmaa* ni afo jwaraa nii ni yɔɔ eshishi lɛ. 14  Mɔ ni he yɔɔ oya náŋ he ko ni eeejo foi kɛya,+Mɔ ni he wa hu hewalɛ aaatã,Ni tawulɔ ko tawulɔ ko nyɛŋ lɛ diɛŋtsɛ eyiwala* ehere. 15  Gãitsɛ̃lɔ nyɛŋ shi edamɔ,Mɔ ni naji yɔɔ oya ejeŋ mli,Ni okpɔŋɔnɔtalɔ hu nyɛŋ lɛ diɛŋtsɛ eyiwala* ehere. 16  Tawulɔi lɛ ateŋ mɔ ni yɔɔ ekãa* fe fɛɛ lɛ poBaajo foi kɛ ehe folo yɛ nakai gbi lɛ nɔ,’+ Yehowa kɛɛ.”

Shishigbɛ Niŋmaa

Loo “mlatɔmɔi.”
Hebri sht. ŋm., “akolonto.”
Hebri sht. ŋm., “kojolɔ.”
Loo “gbɛtsɔɔmɔ.”
Loo “amɛshɔ̃ɔ akɛ shiŋmɛɛnii.”
Loo “ajamɔhe.”
Loo “kɛkwɔ kɛje.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Loo “esusuma.”
Loo “esusuma.”
Loo “Tawulɔi lɛ ateŋ mɛi ni hiɛ ekãa tsui.”