Bɔfoi Lɛ Anitsumɔi 1:1-26

  • Ebɔ Teofilo amaniɛ (1-5)

  • Amɛbaaye odase kɛyashi shikpɔŋ lɛ naagbeehei lɛ (6-8)

  • Yesu kwɔ kɛtee ŋwɛi (9-11)

  • Kaselɔi lɛ bua amɛhe naa (12-14)

  • Ahala Matia kɛye Yuda najiaŋ (15-26)

1  Teofilo, yɛ klɛŋklɛŋ sane lɛ mli lɛ, miŋma nibii fɛɛ ni Yesu bɔi feemɔ, kɛ nibii ni ebɔi tsɔɔmɔ+  kɛyashi gbi nɔ ni awó lɛ kɛtee ŋwɛi,+ be ni etsɔ mumɔ krɔŋkrɔŋ lɛ nɔ ekɛ gbɛtsɔɔmɔi hã bɔfoi ni ehala lɛ sɛɛ lɛ.+  Be ni ena nɔ sɛɛ lɛ, etsɔ odaseyelii babaoo ni tsɔɔ mɔ yiŋ nɔ ejie ehe kpo akɛ hiɛkãalɔ etsɔɔ amɛ.+ Amɛna lɛ shii abɔ yɛ gbii 40 lɛ mli, ni ewie Nyɔŋmɔ Maŋtsɛyeli lɛ he.+  Be ni ekɛ amɛ kpe lɛ, efã amɛ akɛ: “Nyɛkajea Yerusalem,+ shi nyɛyaa nɔ nyɛmɛa nɔ ni Tsɛ lɛ ewo he shi,+ ni nyɛnu yɛ minaa lɛ;  ejaakɛ anɔkwa, Yohane kɛ nu baptisi, shi nyɛ lɛ, eyeŋ gbii pii ni akɛ mumɔ krɔŋkrɔŋ baabaptisi nyɛ.”+  No hewɔ lɛ, be ni amɛbua amɛhe naa lɛ, amɛbi lɛ akɛ: “Nuŋtsɔ, ani nɛkɛ be nɛɛ mli obaasaa oto maŋtsɛyeli lɛ oma shi ohã Israel lɛ?”+  Ekɛɛ amɛ akɛ: “Jeee nyɛnɔ ji akɛ nyɛbaale bei lɛ loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.+  Shi kɛ́ mumɔ krɔŋkrɔŋ lɛ ba nyɛnɔ lɛ, nyɛbaaná hewalɛ,+ ni nyɛbaatsɔmɔ midasefoi+ yɛ Yerusalem,+ kɛ Yudea kɛ Samaria+ fɛɛ, kɛ agbɛnɛ hu, kɛyashi shikpɔŋ lɛ nɔ hei ni jekɛ waa lɛ.”*+  Be ni ewie nibii nɛɛ sɛɛ lɛ, amɛhiɛ lɛ kwɛmɔ nɔŋŋ ni awó lɛ kɛtee ŋwɛigbɛ, ni atatu ko wó lɛ kɛje amɛhiɛ ni amɛnaaa lɛ dɔŋŋ.+ 10  Ni be ni eyaa ŋwɛi ni amɛmiikwɛ ŋwɛi gãa lɛ, trukaa lɛ, hii enyɔ ni wo atadei yɛji+ badamɔ amɛmasɛi, 11  ni amɛkɛɛ: “Galilea hii, mɛni hewɔ nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni awó lɛ kɛjɛ nyɛŋɔɔ kɛtee ŋwɛi lɛ, ebaaba yɛ gbɛ ni tamɔ nakai nɔŋŋ nɔ, tamɔ bɔ ni nyɛna lɛ akɛ eeya ŋwɛi lɛ.” 12  Kɛkɛ ni amɛku amɛsɛɛ kɛjɛ gɔŋ ko ni atsɛɔ lɛ Oliv Gɔŋ ni bɛŋkɛ Yerusalem lɛ nɔ kɛtee Yerusalem+ ekoŋŋ, ni jɛmɛ kɛ Yerusalem teŋ jekɛmɔ ji hejɔɔmɔ gbi gbɛfãa* kɛkɛ. 13  Be ni amɛshɛ jɛmɛ lɛ, amɛkwɔ kɛtee ŋwɛi asa lɛ nɔ, he ni no mli lɛ amɛyɔɔ lɛ. No mli lɛ, Petro kɛ Yohane kɛ Yakobo kɛ Andrea, kɛ Filipo kɛ Toma, kɛ Bartolomeo kɛ Mateo, kɛ Yakobo ni ji Alfeo binuu lɛ, kɛ Simon ni ji ekãalɔ lɛ, kɛ Yuda ni ji Yakobo binuu lɛ yɛ jɛmɛ.+ 14  Mɛnɛɛmɛi fɛɛ kɛ yiŋtoo kome hiɛ sɔlemɔ mli, ni yei komɛi+ hu kɛ Yesu mami Maria kɛ Yesu nyɛmimɛi hii lɛ fata amɛhe.+ 15  No gbii lɛ amli lɛ, Petro te shi edamɔ shi yɛ nyɛmimɛi lɛ ateŋ (mɛi fɛɛ ni babua amɛhe naa lɛ aaafee mɛi 120) ni ekɛɛ: 16  “Ataamɛi, nyɛmimɛi, esa akɛ ŋmalɛ lɛ, ni mumɔ krɔŋkrɔŋ lɛ tsɔ David nɔ egba yɛ Yuda he,+ mɔ ni tsɔɔ mɛi ni yamɔ Yesu lɛ gbɛ lɛ, aba mli.+ 17  Ejaakɛ abu lɛ ashi wɔnɔ+ ni ená gbɛfaŋnɔ yɛ sɔɔmɔ nɛɛ mli. 18  (No hewɔ lɛ, nɛkɛ nuu nɛɛ kɛ nii ni ejaaa he nyɔmɔwoo lɛ yahé shikpɔŋ,+ ni eyitso yatswa shi, ni emli gba* ni emusuŋnii fɛɛ tue shwie shi.+ 19  Mɛi fɛɛ ni yɔɔ Yerusalem lɛ ná le enɛ, no hewɔ lɛ, atsɛ shikpɔŋ lɛ yɛ amɛwiemɔ mli akɛ Akeldama, eshishi ji, “Lá Shikpɔŋ.”) 20  Ejaakɛ aŋma yɛ Lalai awolo lɛ mli akɛ, ‘Hã eshihilɛhe lɛ atsɔ amaŋfɔ, ni mɔ ko mɔ ko akahi mli,’+ kɛ agbɛnɛ hu, ‘Hã mɔ kroko aŋɔ enɔkwɛmɔ nitsumɔ lɛ.’+ 21  No hewɔ lɛ, esa akɛ wɔhala hii ni kɛ wɔ nyiɛ yɛ be mli fɛɛ ni Nuŋtsɔ Yesu tsuɔ enitsumɔi lɛ* yɛ wɔteŋ lɛ ateŋ mɔ kome kɛye enajiaŋ, 22  mɔ ko ni fata wɔhe kɛjɛ be ni Yohane baptisi Yesu lɛ nɔ+ kɛyashi gbi nɔ ni awó lɛ kɛjɛ wɔŋɔɔ kɛtee ŋwɛi lɛ,+ ni esa akɛ nakai mɔ lɛ kɛ wɔ fɛɛ atsɔ eshitee lɛ he odasefoi.”+ 23  No hewɔ lɛ, amɛtsĩ mɛi enyɔ tã, Yosef ni atsɛɔ lɛ Barsaba ni atsɛɔ lɛ Yusto hu lɛ, kɛ Matia. 24  Ni amɛsɔle amɛkɛɛ: “Ao Yehowa,* bo ni ole mɛi fɛɛ atsuiiaŋ,+ tsɔɔmɔ hii enyɔ nɛɛ ateŋ mɔ ni ohala, 25  koni eŋɔ sɔɔmɔ kɛ bɔfo nitsumɔ nɛɛ ni Yuda gba afã kɛje he ni ekɔ lɛ diɛŋtsɛ egbɛ lɛ.”+ 26  No hewɔ lɛ, amɛfɔ̃ amɛnɔ oshiki,+ ni oshiki lɛ yagbee Matia nɔ; ni akane lɛ afata bɔfoi 11 lɛ ahe.*

Shishigbɛ Niŋmaa

Loo “shikpɔŋ lɛ naagbeehei lɛ.”
Aaafee maili fã jekɛmɔ.
Loo “emli gbá yɛ teŋgbɛ.”
Greek sht. ŋm., “yaa ebaa.”
Loo “abu lɛ ashi bɔfoi 11 lɛ nɔ,” ni tsɔɔ akɛ, abu lɛ tamɔ abuɔ mɛi 11 lɛ nɔŋŋ.