Abɛi 7:1-27

  • Ye Nyɔŋmɔ kitãi lɛ anɔ ni ohi wala mli (1-5)

  • Alaka oblanyo ko ni jwɛŋmɔ esako (6-27)

    • “Tamɔ tsina ni ayaagbe lɛ” (22)

7  Mibi,* ye miwiemɔi lɛ anɔ,Ni okɛ mikitãi lɛ ato tamɔ jwetri.+   Ye mikitãi lɛ anɔ koni ohi wala mli;+Buu migbɛtsɔɔmɔ* lɛ tamɔ ohiŋmɛi mli ajaŋmalaatɛ.   Okɛ amɛ afi owaobii ahe;Ŋmaa amɛ yɛ otsui tao lɛ nɔ.+   Kɛɛmɔ hiɛshikamɔ akɛ, “Minyɛmi yoo ji bo,” Ni otsɛ niiashishinumɔ hu akɛ, “miwekunyo,”   Koni amɛbu ohe kɛje yoo ni bɛ subaŋ* lɛ he,+Kɛje yoo ni bɛ jeŋba* kɛ ewiemɔi ni ŋɔɔ* lɛ ahe.+   Mijɛ mishĩa lɛ samfɛlɛ lɛ mli,Misamfɛlɛ lɛ mli fɔji lɛ amli mikwɛ,   Ni be ni mikwɛɔ mɛi ni jwɛŋmɔ esako* lɛ,Miyɔse oblanyo ko yɛ oblahii lɛ ateŋ ni bɛ jwɛŋmɔ.*+   Eyi gbɛjegbɛ ni kɛ gbɛ ni yaa yoo lɛ shĩa lɛ kpeɔ lɛ nɔ,Ni enyiɛ gbɛ ni yaa yoo lɛ shĩa lɛ nɔ   Yɛ hulushinyɔɔ mli, yɛ gbɛkɛnaashi mli,+Be ni je miihe ana ni duŋ kpii miihe awo lɛ. 10  Kɛkɛ ni mina ni yoo ko kɛ lɛ bakpe,Ni naa, yoo lɛ esaa ehe tamɔ ashawo yoo,*+ ni elakaa mɔ.* 11  Eyɛ hoo, ni ebuuu saa.+ Etaaa shĩa hu.* 12  Oona kɛ onaaa nɔŋŋ lɛ, eyɛ kpo lɛ nɔ, nɔŋŋ lɛ, eyɛ henaabuamɔhei lɛ,Eteɔ ehe yɛ gbɛjegbɛ fɛɛ gbɛjegbɛ koŋ.+ 13  Yoo lɛ mɔ oblanyo lɛ mli ni eshɔ enaa;Ewie ni efeee lɛ hiɛgbele, ekɛɛ oblanyo lɛ akɛ: 14  “No mli lɛ, miyɛ naanyobɔɔ afɔlei shãa.+ Ŋmɛnɛ nɔŋŋ miyaye mishiwoi lɛ anɔ. 15  No hewɔ ni mije kpo koni mikɛ bo abakpe,Koni matao bo, ni agbɛnɛ mina bo! 16  Mikɛ saanɔboi kpakpai eha misaa lɛ nɔ,Klala ni jɛ Ejipt ni akɛ kpãa ni hiɛ kɔlai srɔtoisrɔtoi fee.+ 17  Ni mikɛ mire, kɛ aloe, kɛ sinamon ojeŋmai eshwã misaa lɛ nɔ.+ 18  Ba ni wɔkɛ suɔmɔ afee dãa ni wɔnu kɛyashi leebi;Hã wɔshwɛ wɔhiɛ kɛ suɔmɔ ni mli wa, 19  Ejaakɛ miwu bɛ shĩa;Efã gbɛ kɛtee he ko shɔŋŋ. 20  Ewó shika kɛ kotoku kɛtee,Ni ebaŋ kɛyashi be ni nyɔɔŋtsere lɛ baaye emuu.” 21  Yoo lɛ kɛ enaadɔkɔmɔ lɛ sɔŋŋ laka lɛ.+ Ekɛ enaaŋɔɔmɔ lɛ laka lɛ. 22  Oya nɔŋŋ ni eyi yoo lɛ sɛɛ, tamɔ tsina ni ayaagbe lɛ,Tamɔ buulu ni ayaawo lɛ gboklɛi* kɛgbala etoi,+ 23  Kɛyashi be ni gãimlibi baatsu emlɛbo;Tamɔ bɔ ni loofɔlɔ shaa foi kɛyaboteɔ tsɔne mli lɛ, oblanyo lɛ leee akɛ ekɛ ewala* miiwo oshãra mli.+ 24  Agbɛnɛ, mibii,* nyɛboa mi toi;Nyɛboa wiemɔi ni miwieɔ lɛ toi jogbaŋŋ. 25  Kaahã otsui dɔ kɛtee yoo nɛɛ gbɛi lɛ anɔ. Ni kaadu gbɛ kɛyaje egbɛi lɛ anɔ,+ 26  Ejaakɛ ehã mɛi babaoo egbee shi ni amɛgboi,+Ni mɛi ni egbe lɛ ayi fa babaoo.+ 27  Eshĩa lɛ kɛ mɔ yaa Gbonyobu* lɛ mli;Ekpelekeɔ shi kɛyaa gbele sɛɛtsui lɛ amli.

Shishigbɛ Niŋmaa

Hebri sht. ŋm., “Mibinuu.”
Loo “mimla.”
Hebri sht. ŋm., “yoo mɔkpɔŋ.” Kwɛmɔ Abɛi 2:16 shishigbɛ niŋmaa lɛ.
Hebri sht. ŋm., “maŋsɛɛ yoo.” Kwɛmɔ Abɛi 2:16 shishigbɛ niŋmaa lɛ.
Loo “ni lakaa mɔ.”
Loo “mɛi ni bɛ niiashikpamɔ.”
Hebri sht. ŋm., “ni bɛ tsui.”
Loo “yoo lɛ wo ashawoi atade.”
Loo “lakamɔ yɛ etsui mli.”
Hebri sht. ŋm. “etooo enaneshi yɛ eshĩa.”
Loo “ayaabɔ lɛ apã.”
Loo “esusuma.”
Hebri sht. ŋm., “mibihii.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.