Abɛi 6:1-35

  • Kwɛmɔ jogbaŋŋ kɛ́ oyaadamɔ mli ohã mɔ ko (1-5)

  • “Anihaolɔ, yaa tsatsu ŋɔɔ” (6-11)

  • Nuu ni ji yaka gbɔmɔ kɛ efɔŋfeelɔ (12-15)

  • Nibii kpawo ni Yehowa nyɛɔ (16-19)

  • Kwɛmɔ jogbaŋŋ yɛ yoo gbonyo he (20-35)

6  Mibi,* kɛ́ oyadamɔ mli ohã mɔ ko,+Kɛ́ ota mɔkpɔŋ ko dɛŋ kɛwo shi,+   Kɛ́ shi ko ni owo lɛ edu bo,Ni odaaŋ wiemɔ efimɔ bo lɛ,+   Mibi,* feemɔ enɛ, ni okɛjie ohe,Ejaakɛ ogbee mɔ lɛ dɛŋ; Yaa ni oyaba ohe shi yɛ mɔ lɛ hiɛ, ye ohe oyai kɛkpa lɛ fai.+   Kaahã ohiŋmɛii miiná wɔ eewɔ,Ni kaahã wɔ miiba ohiŋmɛii asɛɛ.   Jiemɔ ohe oya tamɔ adowa ni eje gbɔbilɔ dɛŋ,Tamɔ loofɔlɔ ni eje loofɔlɔdulɔ dɛŋ.   Anihaolɔ, yaa tsatsu ŋɔɔ;+Kwɛmɔ egbɛi lɛ, ni ohiɛ akã shi.   Ebɛ hiɛnyiɛlɔ, loo nɔkwɛlɔ, loo nɔyelɔ ko moŋ,   Shi etaoɔ eniyenii etoɔ yɛ latsa be mli,+Ni ebuaa eniyenii anaa yɛ nikpamɔ be mli.   Anihaolɔ, mɛɛ be nɔŋŋ obaakã shi kɛyashi? Mɛɛ be obaate shi kɛaajɛ owɔ lɛ mli? 10  Ohiɛ mawɔ fioo, majie mihiŋmɛisɛɛ fioo,Makota miniji majɔɔ mihe fioo,+ 11  Ni ohia baabanina bo tamɔ ojotswalɔ,Ni ofimɔ lɛ baaba tamɔ nuu ni hiɛ tawuu nii.+ 12  Nuu ni ji yaka gbɔmɔ kɛ efɔŋfeelɔ lɛ, enyiɛɔ ni ewieɔ wiemɔi kɔɔdɔji;+ 13  Ebɛɔ mɔ hiŋmɛi,+ ni ekɛ enane feɔ okadii, ni ekɛ ewaobii hu feɔ okadii. 14  Nibii fɔji eyi etsui mli obɔ,Be fɛɛ be lɛ, eeto ŋaa fɔŋ,+ ni eewo mɛi ateŋ béi.+ 15  No hewɔ lɛ, ehiɛkpatamɔ lɛ baaba trukaa;Yɛ hiŋmɛitswaa fioo mli lɛ, abaakumɔ lɛ ni ehiii tsamɔ.+ 16  Nibii ekpaa Yehowa nyɛɔ;Hɛɛ, ehiɔ* nibii kpawo; 17  Hiŋmɛi ni wóɔ ehe nɔ,+ kɛ lilɛi ni maleɔ,+ kɛ niji ni shwieɔ mɔ ko ni efeko nɔ ko lɛ lá shi,+ 18  Kɛ tsui ni toɔ ŋaa fɔji,+ kɛ naji ni he feɔ oya kɛyafeɔ efɔŋ, 19  Kɛ amale odasefonyo ni maleɔ be fɛɛ be,+Kɛ mɔ ni woɔ nyɛmimɛi ateŋ béi.+ 20  Mibi,* ye opapa kitã lɛ nɔ,Ni kaaku ohiɛ ofɔ̃ omami gbɛtsɔɔmɔ* lɛ nɔ.+ 21  Fĩi amɛ okpɛtɛ otsui he be fɛɛ be;Okɛ amɛ aŋmɔ okuɛ. 22  Kɛ́ onyiɛ lɛ, ebaatsɔɔ bo gbɛ;Kɛ́ okã shi lɛ, ebaabu ohe;Ni kɛ́ ohiɛ tsɛ̃ lɛ, ebaawie etsɔɔ bo.* 23  Ejaakɛ kitã lɛ, kane ni,+Ni mla lɛ, la ni,+Ni jajemɔi ni akɛtsɔseɔ mɔ lɛ, wala gbɛ ni.+ 24  Amɛbaabu ohe kɛje yoo gbonyo he,+Kɛje yoo ni bɛ jeŋba* lɛ naa dɔkɔbii lɛ he.+ 25  Kaashwe ehefɛo lɛ yɛ otsui mli,+Kaahã ekɛ ehiŋmɛii ni yɔɔ akɔnɔ lɛ fimɔ bo, 26  Ejaakɛ ashawo yoo hewɔ lɛ, nɔ ni shwɛɔ hãa nuu pɛ ji blodo* kome,+Shi nuu kroko ŋa tsɔɔ wala* ni jara wa tsɔne. 27  Ani mɔ ko baanyɛ aje la ashwie etsitsi nɔ ni etadei eshãŋ?+ 28  Aloo, ani mɔ ko baanyɛ anyiɛ ŋai ni etsɛ̃ nɔ ni enaji eshãŋ? 29  Nakai nɔŋŋ eji yɛ mɔ ni kɛ mɔ kroko ŋa náa bɔlɛ lɛ gbɛfaŋ;Mɔ fɛɛ mɔ ni taa yoo nɛɛ he lɛ yeŋ ehe kɔkɔɔkɔ.+ 30  Agbeee julɔ he guɔKɛ́ hɔmɔ ni yeɔ lɛ lɛ hewɔ eyaju kɛgbe ehɔmɔ lɛ.* 31  Shi, kɛ́ amɔ lɛ lɛ, ebaato najiaŋ toi kpawo;Ekɛ eshĩa mli nibii ni jara wa lɛ fɛɛ baahã.+ 32  Mɔ fɛɛ mɔ ni kɛ yoo fiteɔ gbãla lɛ, ebɛ jwɛŋmɔ;*Mɔ ni feɔ nakai lɛ miikpãtã lɛ diɛŋtsɛ ehiɛ.*+ 33  Nɔ pɛ ni ebaaná ji faji kɛ hiɛgbele,+Ni atsumɔŋ ehiɛshishwiemɔ lɛ.+ 34  Ejaakɛ awuŋayeli hãa nuu* mli woɔ la;Kɛ́ eetɔ owele lɛ enaŋ mɔbɔ kwraa.+ 35  Eheŋ kpatamɔnii ko;*Ni kɛ́ oke lɛ nii babaoo po lɛ, etsui he ejɔŋ.

Shishigbɛ Niŋmaa

Hebri sht. ŋm., “Mibinuu.”
Hebri sht. ŋm., “Mibinuu.”
Loo “esusuma hiɔ.”
Hebri sht. ŋm., “Mibinuu.”
Loo “mla.”
Loo “ebaawo bo ŋaa.”
Hebri sht. ŋm., “maŋsɛɛ yoo.” Kwɛmɔ Abɛi 2:16 shishigbɛ niŋmaa lɛ.
Wiemɔ ni atsɔɔ shishi akɛ blodo yɛ Biblia lɛ mli lɛ ji blodo ko ni bei pii lɛ eyɛ kokloo loo tɛtrɛɛ. Kɛ́ masha bɛ mli lɛ, eshɔ̃ɔ keketee bɔ ni anyɛɔ akumɔɔ mli. Bei komɛi lɛ, akɛdamɔɔ shi kɛhãa niyenii.
Loo “susuma.”
Loo “eyaju koni ekɛhã esusuma atɔ lɛ.”
Hebri sht. ŋm., “ebɛ tsui.”
Loo “esusuma hiɛ.”
Ni ji, wu.
Loo “Eheŋ kpɔmɔnɔ ko.”