Abɛi 5:1-23

  • Yoo ni bɛ jeŋba he kɔkɔbɔɔ (1-14)

  • Okɛ oŋa aná miishɛɛ (15-23)

5  Mibi,* bo mihiɛshikamɔ wiemɔi lɛ toi jogbaŋŋ. Ka otoi ohã nɔ ni mitsɔɔ bo yɛ sanesɛɛkɔmɔ he lɛ,+   Bɔ ni afee ni ojwɛŋ sane nɔ jogbaŋŋNi onaabu kɛ anɔkwa nilee ato.+   Ejaakɛ yoo ni bɛ subaŋ* naa ŋɔɔ tamɔ wo ni miitsere,*+Ni edaaŋ shamɔɔ fe mu.+   Shi yɛ naagbee lɛ, ejoɔ tamɔ joomɔtso+Ni enaa ba tamɔ klante ni hiɛ kɛ sɛɛ fɛɛ naa ba.+   Enaji kpelekeɔ shi kɛyaa gbele mli. Ni efamɔɔ enaji kɛyaa Gbonyobu* lɛ mli tɛ̃ɛ.   Ejwɛŋŋ wala gbɛ lɛ he. Enyiɛ kɛkɛ, ni eleee he ni eyaa.   No hewɔ lɛ, mibii,* nyɛboa mi toiNi nyɛkajea nɔ ni mikɛɔ lɛ he.   Kaaya yoo nɛɛ masɛi kwraa;Kaabɛŋkɛ eshĩa lɛ shinaa lɛ naa,+   Koni okɛ ohiɛnyam lɛ akahã mɛi,+Ni okɛ owala afii lɛ tsake shihilɛ gbonyo;+ 10  Koni mɛikpɔji akaye ohe nii*+Ni nibii ni ogbo deŋme kɛná lɛ yaje gbɔ shĩa. 11  Kɛjeee nakai lɛ, obaakɛ̃mɔ kɛ́ owala miiba naagbeeBe ni oheloo kɛ ogbɔmɔtso fiteɔ lɛ+ 12  Ni oookɛɛ akɛ: “Mɛni hewɔ mikpoo tsɔsemɔ? Ni mɛni hewɔ mitsui gbe jajemɔ he guɔ? 13  Mibooo mitsɔɔlɔi agbee toi,Ni mikaaa mitoi mihãaa mɛi ni tsɔɔ mi nii lɛ. 14  Minaagbee eshɛ etãYɛ asafo muu lɛ teŋ.”*+ 15  Nuu bo diɛŋtsɛ obu ni akɛtoɔ nu lɛ mli nuKɛ nu ni hoɔ yɛ* bo diɛŋtsɛ onubu lɛ mli lɛ.+ 16  Ani esa akɛ onuhiŋmɛii lɛ atue ashwie agbonaa,Ni ofai lɛ hu aho kɛya henaabuamɔhei lɛ?+ 17  Hã amɛhi shi amɛhã okome pɛ,Okɛ mɛikpɔji akaja.+ 18  Hã onuhiŋmɛi lɛ afee nɔ ni ajɔɔ,Ni okɛ oblahiiaŋ ŋa lɛ aná miishɛɛ,+ 19  Adowayoo ni he yɔɔ akɔnɔ, kɛ gɔji anɔ abotia* fɛfɛo lɛ.+ Hã efufɔi ashɛje omii* be fɛɛ be. Hã esuɔmɔ lɛ afimɔ bo daa.+ 20  Shi mibi,* mɛni hewɔ esa akɛ yoo ni bɛ subaŋ* afimɔ bo?Mɛni hewɔ esa akɛ ofua yoo ni bɛ jeŋba?* + 21  Ejaakɛ gbɔmɔ gbɛi jwere Yehowa hiɛ;Enaa gbɔmɔ gbɛi fɛɛ.+ 22  Mɔ fɔŋ lɛ, lɛ diɛŋtsɛ etɔmɔi nɔŋŋ ni baadu lɛ,Ni eshai ni efeɔ lɛ baafimɔ lɛ tamɔ kpãi.+ 23  Ebaagbo yɛ tsɔsemɔ ni emɔɔɔ mli lɛ hewɔNi ebaadu gbɛ yɛ ebuulufeemɔ babaoo lɛ hewɔ.

Shishigbɛ Niŋmaa

Hebri sht. ŋm., “Mibinuu.”
Hebri sht. ŋm., “yoo mɔkpɔŋ.” Kwɛmɔ Abɛi 2:16 shishigbɛ niŋmaa lɛ.
Loo “wo ni afutuko mli.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Hebri sht. ŋm., “mibihii.”
Loo “Koni mɛikpɔji akafite ohewalɛ.”
Hebri sht. ŋm., “Yɛ gwabɔɔ lɛ kɛ asafo lɛ teŋ.”
Loo “Kɛ nuŋma ni jɛ.”
Atsɛɔ lɛ “aibɛks” yɛ Blɔfo mli.
Loo “Hã efufɔi atɔ bo dãa.”
Hebri sht. ŋm., “mibinuu.”
Hebri sht. ŋm., “yoo mɔkpɔŋ.” Kwɛmɔ Abɛi 2:16 shishigbɛ niŋmaa lɛ.
Loo “yoo ni bɛ jeŋba tsitsi?” Hebri sht. ŋm., “maŋsɛɛ yoo.” Kwɛmɔ Abɛi 2:16 shishigbɛ niŋmaa lɛ.