Abɛi 30:1-33

  • AGUR WIEMƆI (1-33)

    • Kaahã miye ohia ni kaahã miná nii (8)

    • Nibii ni etɔɔɔ (15, 16)

    • Nibii ni aleee amɛgbɛ (18, 19)

    • Yoo gbalafitelɔ (20)

    • Kooloi komɛi ni hiɛ kã shi yɛ amɛfɔmɔ su naa (24)

30  Agur, Yake binuu lɛ wiemɔi lɛ, wiemɔi ni he hiaa ni ewie etsɔɔ Itiel lɛ, ewie etsɔɔ Itiel kɛ Ukal.   Miji mɔ ni bɛ jwɛŋmɔ kwraa yɛ gbɔmɛi ateŋ,+Mibɛ niiashishinumɔ ni esa akɛ gbɔmɔ aná lɛ eko.   Mibɛ hiɛshikamɔ,*Ni mibɛ Mɔ Krɔŋkrɔŋ Fe Fɛɛ lɛ nilee lɛ eko.   Namɔ ekwɔ kɛtee ŋwɛi ni esaa ekpeleke shi?+ Namɔ ebua kɔɔyɔɔ naa ewo edɛ̃ enyɔ lɛ fɛɛ mli? Namɔ ekota nui ewo etade mli?+ Namɔ kɛ shikpɔŋ lɛ naagbeehei lɛ fɛɛ mamɔ shi?*+ Kɛ́ ole lɛ kɛɛmɔ mi, te atsɛɔ lɛ tɛŋŋ, ni te atsɛɔ ebinuu lɛ hu tɛŋŋ?   Nyɔŋmɔ wiemɔ fɛɛ wiemɔ he tse.*+ Eji tsɛŋ kɛhã mɛi ni baa lɛ abo lɛ.+   Okɛ nɔ ko akafata ewiemɔi lɛ ahe,+Kɛjeee nakai lɛ, ebaajaje bo,Ni obaatsɔ amalelɔ.   Nibii enyɔ mibiɔ yɛ odɛŋ. Okɛ fɛɛ ahã mi dani magbo.   Jiemɔ nɔ ni jeee anɔkwale, kɛ agbɛnɛ hu, amale kɛje mihe kɛya sɛɛ kwraa.+ Kaahã miye ohia, ni kaahã miná nii hu. Hã maye niyenii ni baashɛ mi lɛ kɛkɛ,+   Koni mikatɔ ni mije osɛɛ ni mikɛɛ, “Namɔ ji Yehowa?”+ Ni kaahã miye ohia ni miyaju ni mikɛgbe mi-Nyɔŋmɔ lɛ gbɛ́i lɛ he guɔ.* 10  Kaayawie tsulɔ he efɔŋ ohã enuŋtsɔ,Kɛjeee nakai lɛ, ebaalomɔ bo ni obaaye fɔ.+ 11  Mɛi komɛi yɛ ni lomɔɔ amɛpapa*Ni amɛjɔɔɔ amɛmami hu.*+ 12  Mɛi komɛi yɛ ni susuɔ akɛ amɛhe tse yɛ amɛ diɛŋtsɛ amɛhiɛ*+Shi atsumɔko amɛhe muji* lɛ yɛ amɛhe.* 13  Mɛi komɛi yɛ ni amɛhiŋmɛii holeɔ amɛhe nɔ waa*Ni amɛhiŋmɛii feɔ fuu waa!+ 14  Mɛi komɛi yɛ ni amɛnyanyɔji tamɔ klantei*Ni amɛkadai tamɔ kaklai;*Amɛkpãtãa shikpɔŋ lɛ nɔ bii ni bɛ yelikɛbualɔ lɛ ahiɛKɛ ohiafoi lɛ hu ahiɛ kɛjeɔ adesai ateŋ.+ 15  Shitii* yɛ biyei enyɔ ni bolɔɔ akɛ, “Hã mi! Hã mi!” Nibii etɛ komɛi yɛ ni tsui enyɔko amɛmli dã,*Nibii ejwɛ ni amɛkɛɛɛ akɛ, “Efa!” 16  —Gbonyobu*+ lɛ kɛ musu ni fɔɔɔ,Shikpɔŋ ni miiye nu hɔmɔ,Kɛ la ni ekɛɛɛ akɛ, “Efa!” 17  Hiŋmɛi ni yeɔ epapa he fɛo ni egbeɔ emami tsɔsemɔ he guɔ lɛ+—Jɔɔ* mli kwaakwaalabitei baafamɔNi okropɔŋ bii baaye.+ 18  Nibii etɛ komɛi yɛ ni mijwɛŋmɔ shɛɛɛ he,*Nibii ejwɛ komɛi yɛ ni minuuu shishi: 19  Okropɔŋ gbɛ yɛ ŋwɛi,Onufu gbɛ yɛ tɛsaa nɔ,Meele gbɛ yɛ ŋshɔ teŋ,Kɛ nuu gbɛ yɛ oblayoo he. 20  Nɛkɛ yoo gbalafitelɔ gbɛ yɔɔ: Eyeɔ, ni etsumɔɔ enaa;Ni ekɛɔ akɛ, “Mifeko nɔ ko fɔŋ ko.”+ 21  Nibii etɛ komɛi yɛ ni hãa shikpɔŋ hosoɔNibii ejwɛ komɛi yɛ ni enyɛɛɛ amɛnaa edamɔ: 22  Kɛ́ nyɔŋ ye maŋtsɛ,+Kɛ́ niyenii bu yɛ buulu nɔ, 23  Kɛ́ yoo ni anyɛɔ* lɛ ná wu,Kɛ agbɛnɛ hu, kɛ́ tsulɔ yoo ŋɔ enuŋtsɔ yoo gbɛhe.+ 24  Nibii ejwɛ komɛi yɛ shikpɔŋ lɛ nɔ ni fata nibii ni daraaa kwraa lɛ ahe,Shi amɛhiɛ kã shi waa:*+ 25  Tsatsubii ahe waaa,*Shi amɛtaoɔ amɛniyenii amɛtoɔ yɛ nikpamɔ be mli.+ 26  Afutuɔkɔi*+ ahe waaa,*Shi amɛfeɔ amɛtsu yɛ tɛsai amli.+ 27  Baalabii+ bɛ maŋtsɛ,Shi amɛ fɛɛ amɛfãa tamɔ asraafoi akui.*+ 28  Tsunyɛ+ kɛ enaji kpɛtɛɔ nii,Ni eboteɔ maŋtsɛ shĩa mli. 29  Nibii etɛ komɛi yɛ ni famɔɔ amɛnaji tamɔ abladei,Nibii ejwɛ komɛi yɛ ni nyiɛɔ tamɔ abladei: 30  Jata, ni ji kooloo ni yɔɔ ekãa fe fɛɛ yɛ kooloi ateŋ lɛ,Ejooo foi yɛ mɔ ko mɔ ko hiɛ;+ 31  Gbee ni akɛyaa gbɔbimɔ; abotianuu;Kɛ maŋtsɛ ni esraafoi yɛ emasɛi. 32  Kɛ́ ofee buuluianii ni owó ohe nɔ,+Aloo kɛ́ otsɔ ŋaa akɛ obaafee nakai lɛ,Okɛ onine ato onaa.+ 33  Kɛ́ ahoso mliki yɛ nɔ mli* aahu lɛ, anáa bɔtaNi kɛ́ amia gugɔ lɛ, lá hoɔ,Nakai nɔŋŋ kɛ́ atee mlifu shi lɛ, ekɛ béi baa.+

Shishigbɛ Niŋmaa

Loo “Mikaseko hiɛshikamɔ.”
Hebri sht. ŋm., “Namɔ hole shikpɔŋ lɛ naagbeehei lɛ fɛɛ anɔ?”
Loo “Nyɔŋmɔ wiemɔ fɛɛ wiemɔ lɛ, atsuu he.”
Loo “ni mikɛte shi miwo mi-Nyɔŋmɔ lɛ gbɛ́i lɛ.”
Loo “Yinɔ ko yɛ ni lomɔɔ epapa.”
Loo “Ni ejɔɔɔ emami hu.”
Loo “Yinɔ ko yɛ ni susuɔ akɛ ehe tse yɛ lɛ diɛŋtsɛ ehiɛ.”
Hebri sht. ŋm., “wamɔ; fei.”
Loo “Shi atsumɔko ehe muji lɛ yɛ ehe.”
Loo “Yinɔ ko yɛ ni ehiŋmɛii holeɔ amɛhe nɔ waa.”
Loo “Yinɔ ko yɛ ni enyanyɔji tamɔ klantei.”
Loo “kaklai ni akɛfolɔɔ loo.”
Shiti ji gɔgɔmi henɔ ko ni yɔɔ faa mli ni kpɛtɛɔ gbɔmɛi loo kooloi ahe ni shɔɔ amɛlá.
Loo “ni amɛtɔrɔko dã.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “Nujɔɔ.”
Loo “ni feɔ mi naakpɛɛ waa.”
Loo “ni asumɔɔɔ esane.”
Loo “amɛhiɛ kã shi yɛ amɛfɔmɔ su naa.”
Hebri sht. ŋm., “Tsatsubii ji maŋ ni he waaa.”
Afutuɔkɔ ji kooloo ko ni tamɔ adaŋko agbo, ni bɛ lei ni hiɔ tɛsai amli.
Hebri sht. ŋm., “Afutuɔkɔi ji maŋ ni he waaa.”
Loo “amɛfãa ni ajara amɛ awo kui amli.”
Loo “Kɛ́ atswa mliki yɛ nɔ mli.”