Abɛi 29:1-27

  • Gbekɛ ni ajajeee lɛ lɛ kɛ hiɛgbele baa (15)

  • Kɛ́ ninaa bɛ lɛ, maŋbii lɛ feɔ nɔ ni amɛsumɔɔ (18)

  • Nuu ni mli fuɔ mramra teɔ béi shi (22)

  • Mɔ ni baa ehe shi lɛ náa hiɛnyam (23)

  • Gbɔmɔ gbeyeishemɔ ji tsɔne (25)

29  Mɔ ni ajajeɔ lɛ, shi loloolo lɛ ekuɛŋ ti* lɛ,+Abaakumɔ lɛ trukaa bɔ ni ehiii lɛ tsamɔ.+   Kɛ́ jalɔi ayi fa lɛ, maŋbii lɛ nyaa,Shi kɛ́ mɔ fɔŋ miiye nɔ lɛ, maŋbii lɛ kɛ̃mɔɔ.+   Mɔ ni sumɔɔ hiɛshikamɔ hãa epapa nyaa,+Shi mɔ ni kɛ ashawoi bɔɔ lɛ, ekpãtãa enii ahiɛ.+   Maŋtsɛ ni yeɔ jalɛ sane hãa maŋ damɔɔ shi,+Shi mɔ ni sumɔɔ nyɔɔŋnii lɛ, ekpãtãa maŋ hiɛ.   Mɔ ni woɔ enyɛmi gbɔmɔ yiteŋ mulu lɛ,Ekɛ yaa miiha enaji ashishi.+   Gbɔmɔ fɔŋ tɔmɔ tsɔɔ lɛ tsɔne,+Shi jalɔ láa kɛ miishɛɛ ni enyaa.+   Jalɔ susuɔ jalɛ sane ni aaaye ahã ohiafoi lɛ he,+Shi mɔ fɔŋ lɛ, ejwɛŋŋ nɔ ko tamɔ nakai he.+   Naafuutsɛmɛi woɔ maŋ mli la,+Shi hiɛshikalɔi kuɔ mlifu naa.+   Kɛ́ hiɛshikalɔ kɛ buulu miiye sane lɛ,Basabasa wiemɔ kɛ hefɛoyeli baa, shi toiŋjɔlɛ baaa.+ 10  Lashishwielɔi nyɛɔ mɔ fɛɛ mɔ ni sane ko bɛ ehe,+Ni amɛsumɔɔ ni amɛkpãtã jalɔi awala* hiɛ.* 11  Kwashia jieɔ emlifu* fɛɛ kpo,+Shi mɔ ni hiɛ kã shi lɛ, ejɔɔ emlifu he.+ 12  Kɛ́ nɔyelɔ boɔ amale wiemɔi toi lɛ,Etsuji lɛ fɛɛ baatsɔmɔ mɛi fɔji.+ 13  Nɔ ni ohiafo kɛ yiwalɔ fɛɛ kɛje amɛhe nɛ:* Yehowa hãa amɛyi enyɔ lɛ fɛɛ ahiŋmɛii la.* 14  Kɛ́ maŋtsɛ kojoɔ ohiafoi jogbaŋŋ lɛ,+Emaŋtsɛ sɛi lɛ baama shi shiŋŋ be fɛɛ be.+ 15  Tso* kɛ jajemɔ hãa mɔ hiɛ kãa shi,+Shi gbekɛ ni ajajeee* lɛ lɛ, ewoɔ emami hiɛgbele. 16  Kɛ́ mɛi fɔji ayi fa lɛ, tɔmɔi hu faa,Shi jalɔi baana amɛshigbeemɔ.+ 17  Tsɔsemɔ obi,* ni ebaahã ohe ajɔ bo;Ni ebaahã omii ashɛ ohe* waa.+ 18  Kɛ́ ninaa* bɛ lɛ, maŋbii lɛ feɔ nɔ ni amɛsumɔɔ,+Shi mɛi ni yeɔ mla lɛ nɔ lɛ yɛ miishɛɛ.+ 19  Akɛ wiemɔ kɛkɛ ejajeee tsulɔ,Ejaakɛ enuɔ shishi moŋ, shi eyeee nɔ.+ 20  Ani ona nuu ni yeɔ ehe oyai kɛwieɔ?+ Hiɛnɔkamɔ yɛ kɛhã buulu fe lɛ.+ 21  Kɛ́ ahiɛ tsulɔ fɔfɔɔle kɛjɛ egbekɛbiiashi lɛ,Wɔsɛɛ lɛ, ehiɛ esɔŋ nii.* 22  Nuu ni mli fuɔ mramra lɛ, eteɔ béi shi;+Mɔ ni tsui baa mramra lɛ, etɔ̃ɔ babaoo.+ 23  Gbɔmɔ henɔwomɔ ji nɔ ni baaba lɛ shi,+Shi mɔ ni baa ehe shi yɛ etsui mli* lɛ, abaawo ehiɛ nyam.+ 24  Mɔ ni kɛ julɔ bɔɔ naanyo lɛ, eenyɛ lɛ diɛŋtsɛ ehe.* Enuɔ ni aatsɛ ni abaye odase,* shi ekɛɛɛ nɔ ko.+ 25  Gbɔmɔ gbeyeishemɔ lɛ,* tsɔne ni,*+Shi mɔ ni kɛ ehiɛ fɔ̃ɔ Yehowa nɔ lɛ, abaabu ehe.+ 26  Mɛi pii sumɔɔ ni amɛkɛ amɛsane aya nɔyelɔ hiɛ,*Shi gbɔmɔ náa kojomɔ ni ja kɛjɛɔ Yehowa dɛŋ.+ 27  Jalɔi hiɔ mɔ ni feɔ nii ni ejaaa,+Shi mɔ fɔŋ hiɔ mɔ ni gbɛ ja.+

Shishigbɛ Niŋmaa

Loo “ekpiliŋ etsui.”
Loo “asusuma.”
Shishitsɔɔmɔi komɛi kɛɔ akɛ, “Shi jalɔi sumɔɔ ni amɛbaa ewala yi.”
Loo “ehenumɔi.” Hebri sht. ŋm., “emumɔ.”
Hebri sht. ŋm., “Ohiafo kɛ yiwalɔ fɛɛ kpeɔ kutuu.”
Ni tsɔɔ akɛ, ehãa amɛ wala.
Loo “Tsɔsemɔ; Toigbalamɔ.”
Loo “akudɔɔɔ.”
Hebri sht. ŋm., “obinuu.”
Loo “Ni osusuma mii baashɛ ehe.”
Loo “gbalɛ wiemɔ.”
Loo “ebaafee trumu.”
Loo “yɛ emumɔ mli.”
Loo “lɛ diɛŋtsɛ esusuma.”
Loo “Enuɔ kitakamɔ ni loomɔ fata he.”
Loo “Kɛ́ mɔ kpokpo yɛ gbɔmɔ hiɛ lɛ.”
Loo “etsɔɔ mɔ tsɔne.”
Shishitsɔɔmɔi komɛi kɛɔ akɛ, “Mɛi pii taoɔ ni amɛhiɛ aba nyam yɛ nɔyelɔ hiɛ.” Hebri sht. ŋm., “taoɔ nɔyelɔ hiɛ gbɛ.”