Abɛi 24:1-34

  • Ohiɛ akakɔ̃ mɛi fɔji anɔ (1)

  • Hiɛshikamɔ akɛtswaa shĩa amaa shi (3)

  • Jalɔ baanyɛ agbee shi, shi ebaate shi (16)

  • Kaato mɔ ko efɔŋ najiaŋ (29)

  • Wɔɔ kɛ ohia baa (33, 34)

24  Ohiɛ akakɔ̃ gbɔmɛi fɔji anɔ,Ni kaashwe akɛ okɛ amɛ baabɔ hu,+   Ejaakɛ amɛtsui jwɛŋɔ yiwalɛ he,Ni amɛnaabu wieɔ awuiyeli he.   Hiɛshikamɔ akɛtswaa shĩa* amaa shi,+Ni sanesɛɛkɔmɔ akɛhãa emaa shi shiŋŋ.   Nilee akɛhãa emli tsũi lɛ yimɔɔ obɔbɔKɛ jwetrii srɔtoi ni jara wa ni yɔɔ fɛo fɛɛ.+   Hiɛshikalɔ lɛ, eyɛ hewalɛ,+Ni nilee hãa gbɔmɔ náa hewalɛ babaoo.   Okɛ ŋaawoo* kpakpa baawu ota lɛ,+Ni kɛ́ ŋaawolɔi* pii yɛ lɛ, ayeɔ kunim.*+   Buulu nyɛŋ aná anɔkwa hiɛshikamɔ;+Ebɛ nɔ ko ni ebaakɛɛ yɛ maŋ lɛ agbó lɛ mli.   Mɔ fɛɛ mɔ ni tsɔɔ ŋaa fɔŋ lɛ,Abaatsɛ lɛ ŋaatsɔlɔ kpanaku.+   Ŋaatsɔi ni jwɛŋmɔ bɛ mli* lɛ, esha ni,Ni gbɔmɛi miihi buulu.*+ 10  Kɛ́ onijiaŋ je wui yɛ haomɔ gbi nɔ lɛ,*Ohewalɛ baaba shi. 11  Heremɔ mɛi ni akɛ amɛ miiya ni ayagbe amɛ lɛ,Ni omɔ mɛi ni miididãa kɛmiiya he ni agbeɔ mɛi yɛ lɛ amli.+ 12  Kɛ́ okɛɛ akɛ, “Naa, wɔleee enɛ” lɛ,Ani mɔ ni taoɔ tsuii* amli lɛ kɔŋ sɛɛ?+ Anɔkwa, mɔ ni kwɛɔ bo* lɛ baaleNi ebaato mɔ fɛɛ mɔ najiaŋ yɛ enitsumɔ naa.+ 13  Mibi,* ye wo, ejaakɛ ehi;Wo ni miitsere* lɛ, eŋɔɔ naabu naa. 14  Nakai nɔŋŋ esa akɛ oná ole akɛ hiɛshikamɔ hi kɛhã bo.*+ Kɛ́ oná lɛ, ebaahi ehã bo wɔsɛɛNi ohiɛnɔkamɔ lɛ efeŋ efolo.+ 15  Kaawo jalɔ shĩa he ka tamɔ efɔŋfeelɔ feɔ lɛ;Kaakpãtã he ni ejɔɔ ehe yɛ lɛ hiɛ. 16  Ejaakɛ jalɔ baanyɛ agbee shi shii kpawo, shi ebaate shi ekoŋŋ,+Shi mɛi fɔji lɛ, sane fɔŋ baahã amɛnane atɔ̃tɔ.+ 17  Kɛ́ ohenyɛlɔ gbee shi lɛ, kaaná miishɛɛ,Ni kɛ́ enane tɔ̃tɔ lɛ, kaanya yɛ otsui mli;+ 18  Kɛjeee nakai lɛ, Yehowa baana ni enáŋ he miishɛɛ,Ni ebaajie emlifu lɛ yɛ enɔ.*+ 19  Kaahã omli fu* yɛ efɔŋfeelɔi ahewɔ;Ohiɛ akakɔ̃ mɛi fɔji anɔ, 20  Ejaakɛ efɔŋfeelɔ lɛ, ehiŋ hãŋ lɛ wɔsɛɛ;+Abaagbe mɛi fɔji akane lɛ.+ 21  Mibi, she Yehowa kɛ maŋtsɛ hu gbeyei.+ Ni okɛ atuatselɔi* akabɔ,+ 22  Ejaakɛ sane fɔŋ baaba amɛnɔ trukaa.+ Namɔ aaale nɔ hiɛkpatamɔ ni amɛyi enyɔ* lɛ fɛɛ kɛaaba amɛnɔ?+ 23  Wiemɔi nɛɛ hu hiɛshikalɔi anɔ ni: Ehiii akɛ abaakwɛ hiɛiaŋ yɛ kojomɔ mli.+ 24  Mɔ fɛɛ mɔ ni kɛɔ mɔ fɔŋ akɛ, “Jalɔ ji bo” lɛ,+ Maŋbii lɛ baalomɔ lɛ, ni jeŋmaji lɛ hu baawie ashi lɛ. 25  Shi mɛi ni jajeɔ lɛ lɛ, ebaahi ehã amɛ;+Abaajɔɔ amɛ kɛ nibii kpakpai.+ 26  Mɔ ni hãa hetoo ni ji anɔkwale lɛ, mɛi baashɔ enaa.*+ 27  Too onitsumɔ he gbɛjianɔ yɛ agbó naa, ni osaa nibii fɛɛ oto yɛ ŋmɔ lɛ mli;No sɛɛ lɛ, tswaa oshĩa* lɛ oma shi. 28  Kaaye odase oshi onyɛmi gbɔmɔ be ni obɛ nɔdaamɔnɔ kpakpa ko.+ Okɛ onaabu akalaka mɛi.+ 29  Kaakɛɛ akɛ: “Mafee lɛ tamɔ bɔ ni efee mi lɛ;Mato lɛ nɔ ni efee mi lɛ najiaŋ.”+ 30  Miyatsɔ anihaolɔ ŋmɔ he,+Mɔ ni bɛ jwɛŋmɔ* lɛ wain ŋmɔ lɛ he. 31  Mina akɛ jwɛi etsa yɛ ŋmɔ lɛ mli fɛɛ;Ŋmei eha shikpɔŋ lɛ nɔ fɛɛ,Ni ehe tɛ gbogbo lɛ ekumɔ eshwie shi.+ 32  Mikwɛ enɛ gãa ni mijwɛŋ he yɛ mitsui mli;Mikwɛ, ni mikase nɔ ko yɛ mli akɛ:* 33  Ohiɛ mawɔ fioo, majie mihiŋmɛisɛɛ fioo,Makota miniji majɔɔ mihe fioo, 34  Ni ohia baabanina bo tamɔ ojotswalɔ,Ni ofimɔ lɛ baaba tamɔ nuu ni hiɛ tawuu nii.+

Shishigbɛ Niŋmaa

Loo “shĩabii.”
Loo “kudɔmɔ.”
Loo “ajinafoi.”
Loo “ayeɔ omanye; anáa yiwalaheremɔ.”
Loo “Buulu ŋaatsɔi.”
Loo “hefɛoyelɔ.”
Loo “yɛ jaramɔ beiaŋ lɛ.”
Loo “susumɔi.”
Loo “osusuma.”
Hebri sht. ŋm., “Mibinuu.”
Loo “Wo ni afutuko mli.”
Loo “ŋɔɔ osusuma naa.”
Ni ji, henyɛlɔ lɛ.
Loo “omli wo la waa.”
Loo “mɛi ni miitao ni tsakemɔ aba.”
Ni ji, Yehowa kɛ maŋtsɛ lɛ.
Shishitsɔɔmɔi komɛi kɛɔ akɛ, “Mɔ ni hãa hetoo ni yɔɔ tɛ̃ɛ lɛ, etamɔ nɔ ni eeshɔ mɔ ko naa.”
Loo “oshĩabii.”
Hebri sht. ŋm., “bɛ tsui.”
Hebri sht. ŋm., “mikɔ tsɔsemɔ lɛ akɛ:”