Abɛi 22:1-29
22 Gbɛ́i kpakpa* hi fe ninámɔ babaoo;+Bulɛ* hi fe jwiɛtɛi kɛ shika tsuru.
2 Nɔ ni niiatsɛ kɛ ohiafo fɛɛ kɛje amɛhe nɛ:*
Yehowa ji mɔ ni fee amɛyi enyɔ lɛ fɛɛ.+
3 Hiɛtɛ̃lɔ naa oshãra lɛ, ni eteɔ ehe,Shi mɔ ni jwɛŋmɔ esako lɛ, ebɛŋkɛɔ he, ni enaa amane.*
4 Nɔ ni jɛɔ heshibaa kɛ Yehowa gbeyeishemɔ mli kɛbaa jiNinámɔ kɛ anunyam kɛ wala.+
5 Ŋmeii kɛ tsɔnei yɛ gbɔmɔ ni yeee anɔkwa lɛ gbɛ nɔ,Shi mɔ fɛɛ mɔ ni buɔ ewala* lɛ, etsiɔ ehe kwraa kɛjeɔ amɛhe.+
6 Tsɔsemɔ gbekɛ* ni enyiɛ gbɛ ni esa akɛ enyiɛ nɔ lɛ nɔ;+Ni kɛ́ eda po lɛ, ejeŋ nɔ.+
7 Niiatsɛ yeɔ ohiafoi anɔ,Ni mɔ ni yafaa nii lɛ, eji nyɔŋ kɛhã mɔ ni faa lɛ nii lɛ.+
8 Mɔ fɛɛ mɔ ni duɔ nii ni ejaaa lɛ, ebaakpa sane fɔŋ,+Ni emlifu tso lɛ baaku.+
9 Mɔ ni hãa mɔ nɔ* lɛ, abaajɔɔ lɛ,Ejaakɛ ekɛ ohiafoi jaa eniyenii.+
10 Shwiemɔ buulu,*Ni naataamɔ sɛɛ baafo;Béi* kɛ jɛmɔi asɛɛ baafo.
11 Mɔ ni sumɔɔ tsui ni mli tse, ni ewiemɔ hu he yɔɔ nyam lɛ,Maŋtsɛ kɛ lɛ baabɔ naanyo.+
12 Yehowa hiŋmɛii kwɛɔ nilee nɔ,Shi etsɔɔ mɛi ni yeee anɔkwa lɛ wiemɔi ahiɛ ebuɔ shi.+
13 Anihaolɔ kɛɔ akɛ: “Jata yɛ agbó lɛ naa!
Ebaagbe mi yɛ henaabuamɔhe lɛ teŋ!”+
14 Yei ni bɛ subaŋ* anaabu lɛ, bu kwɔŋkwɔŋ ni.+
Mɔ ni Yehowa ebu lɛ fɔ lɛ baagbee mli.
15 Buulufeemɔ yɛ gbekɛ* tsui mli tɔ̃ɔ,+Shi tsɔsemɔ tso lɛ baajie kɛje emli kɛya sɛɛ shɔŋŋ.+
16 Mɔ ni tswaa ohiafo ojo koni ená nii babaoo+Kɛ mɔ ni keɔ niiatsɛ nii lɛ,Amɛyi enyɔ lɛ fɛɛ amɛbaaye ohia.
17 Ba otoi shi ni obo hiɛshikalɔi awiemɔi toi,+Koni okɛ otsui afɔ̃ minilee lɛ nɔ,+
18 Ejaakɛ ehi akɛ okɛ amɛ baato otsui mli tɔ̃ɔ,+Koni amɛ fɛɛ amɛkã olilɛi nɔ daa.+
19 Ŋmɛnɛ lɛ, miihã bo nileeBɔ ni afee ni okɛ ohiɛ afɔ̃ Yehowa nɔ.
20 Ani miŋmako bo wolo,Kɛwoko bo ŋaa ni baahã oná nilee,
21 Koni matsɔɔ bo anɔkwa wiemɔi ni jaBɔ ni afee ni oku osɛɛ oyabɔ mɔ ni tsu bo lɛ amaniɛ ni ja?
22 Kaatswa ohiafo ojo akɛni eji ohiafo lɛ hewɔ,+Ni kaanaanaa mɔ ni bɛ yelikɛbualɔ lɛ nɔ yɛ maŋ lɛ agbó lɛ mli,+
23 Ejaakɛ Yehowa diɛŋtsɛ baawie ehã amɛ+Ni ebaakpãtã mɛi ni shishiuɔ* amɛ lɛ ahiɛ.*
24 Okɛ mɔ ni tsui baa mramra akabɔNi okɛ mlifutsɛ hu akanyiɛ,
25 Koni okakase egbɛi lɛ,Ni tsɔne du bo.*+
26 Okɛ ohe akayafutu mɛi ni taa mɛi adɛŋ kɛwoɔ shi,Mɛi ni yadamɔɔ mli amɛhãa mɛi ni miifa shika lɛ.+
27 Kɛ́ obɛ nɔ ko ni okɛaawo lɛ,Abaashɔ̃ osaatso yɛ oshishi!
28 Kaatsi blema shikpɔŋ husu kadimɔnɔ kɛtee sɛɛNɔ ni otsɛmɛi lɛ eto efɔ̃ shi lɛ.+
29 Nuu ni he esa yɛ enitsumɔ mli lɛ,
Ebaadamɔ maŋtsɛmɛi ahiɛ;+Edamɔŋ mɛi foji ahiɛ.
Shishigbɛ Niŋmaa
^ Loo “Hiɛnyam.”
^ Hebri sht. ŋm., “Gbɛ́i.”
^ Hebri sht. ŋm., “Niiatsɛ kɛ ohiafo fɛɛ kpeɔ kutuu.”
^ Loo “enáa he toigbalamɔ.”
^ Loo “esusuma.”
^ Loo “gbekɛ nuu; oblanyo; oblayoo.”
^ Hebri sht. ŋm., “Mɔ ni yɔɔ hiŋmɛi kpakpa; Mɔ ni hiŋmɛi hi.”
^ Loo “hefɛoyelɔ.”
^ Loo “Mansɔ̃tsɔɔ.”
^ Loo “gbekɛ nuu; oblanyo; oblayoo.”
^ Loo “lakaa.”
^ Loo “ebaaju mɛi ni shishiuɔ (lakaa) amɛ lɛ asusuma.”
^ Loo “osusuma.”
