Abɛi 2:1-22

  • Sɛɛnamɔ ni yɔɔ hiɛshikamɔ he (1-22)

    • Taomɔ hiɛshikamɔ tamɔ ataoɔ jwetrii ni aŋɔtee (4)

    • Sanenɔjwɛŋmɔ buɔ mɔ he (11)

    • Jeŋba sha kɛ sane fɔŋ baa (16-19)

2  Mibi,* kɛ́ omɔ miwiemɔi lɛ amli,Ni okɛ mikitãi lɛ to tamɔ jwetri,+   Ni ogbɛ otoiŋ obo wiemɔi ni hãa mɔ hiɛ kãa shi toi,+Ni ogbele otsui naa koni onyɛ okɔ sane sɛɛ;+   Agbɛnɛ hu, kɛ́ obo otsɛ koni ahã onu sane shishi,+Ni owó ogbee nɔ koni ahã okɔ sane sɛɛ;+   Kɛ́ otee nɔ otao tamɔ ataoɔ jwiɛtɛi,+Ni otee nɔ otao tamɔ ataoɔ jwetrii ni aŋɔtee lɛ;+   No dani obaanu nɔ ni Yehowa gbeyeishemɔ tsɔɔ lɛ shishi,+Ni obaale Nyɔŋmɔ.*+   Ejaakɛ Yehowa ji mɔ ni hãa mɔ hiɛ kãa shi;+Lɛ edaaŋ wiemɔ hãa mɔ nilee kɛ sanesɛɛkɔmɔ.   Ekɛ hiɛshikamɔ toɔ ehãa mɔ ni ja;Eji tsɛŋ kɛhã mɛi ni nyiɛɔ yɛ gbɛ ni ja nɔ lɛ.+   Ehiŋmɛi kã gbɛi ni ja lɛ ahe,Ni ebuɔ* enɔkwafoi lɛ agbɛ lɛ he.+   No dani obaanu jalɛ nifeemɔ, kɛ jalɛsaneyeli, kɛ nɔ ni ja gbɛ shishi,Hɛɛ, obaanu nɔ ni ekpakpafeemɔ tsɔɔ diɛŋtsɛ lɛ shishi.+ 10  Kɛ́ hiɛshikamɔ bote otsui mli,+Ni osusuma* ná nilee he miishɛɛ lɛ,+ 11  No lɛ, sanenɔjwɛŋmɔ baabu ohe,+Ni sanesɛɛkɔmɔ hu baakwɛ onɔ, 12  Koni ejie bo yɛ gbɛ fɔŋ nɔ,Kɛje mɔ ni wieɔ nibii gbohii lɛ dɛŋ,+ 13  Kɛje mɛi ni jeɔ jalɛ gbɛi lɛ anɔNi amɛyanyiɛɔ gbɛi ni nɔ ewo duŋ lɛ anɔ lɛ adɛŋ,+ 14  Kɛje mɛi ni efɔŋfeemɔ ŋɔɔ amɛnaa,Mɛi ni nibii ni esaaa kɛ nibii gbohii hãa amɛnáa miishɛɛ lɛ adɛŋ, 15  Kɛje mɛi ni gbɛi ekɔ̃dɔ̃,Kɛ mɛi ni gbɛi fɛɛ bɛ tɛ̃ɛ lɛ adɛŋ. 16  Ebaajie bo kɛje yoo ni bɛ subaŋ* lɛ dɛŋ,Kɛje yoo ni bɛ jeŋba* ni naa ŋɔɔ* lɛ wiemɔi lɛ amli,+ 17  Yoo ni eje eblayeiaŋ hefatalɔ* lɛ sɛɛ,+Ni eku ehiɛ efɔ̃ e-Nyɔŋmɔ lɛ kpaŋmɔ lɛ nɔ lɛ; 18  Ejaakɛ eshĩa lɛ kɛ mɔ kpelekeɔ shi kɛyaa gbele mli,Ni gbɛi* ni yaa eshĩa lɛ kɛ mɔ yaa gbele mli.*+ 19  Mɛi fɛɛ ni yaa eŋɔɔ lɛ ateŋ mɔ ko ekuŋ esɛɛ,Ni amɛkuŋ amɛsɛɛ kɛbaŋ wala gbɛi lɛ anɔ dɔŋŋ.+ 20  No hewɔ lɛ, nyiɛmɔ mɛi kpakpai agbɛ lɛ nɔ,Ni ohi jalɔi agbɛi* lɛ anɔ,+ 21  Ejaakɛ mɛi ni feɔ nɔ ni ja lɛ pɛ baahi shikpɔŋ lɛ nɔ,Ni mɛi ni sane ko bɛ amɛhe lɛ* baaya nɔ ahi nɔ.+ 22  Shi mɛi fɔji lɛ, abaafolɔ amɛ kɛbaaje shikpɔŋ lɛ nɔ,+Ni abaafamɔ mɛi ni yeee anɔkwa lɛ kɛ amɛshishifãi kɛbaaje nɔ.+

Shishigbɛ Niŋmaa

Hebri sht. ŋm., “Mibinuu.”
Loo “obaaná Nyɔŋmɔ he nilee.”
Loo “ebaabu.”
Hebri sht. ŋm., “yoo mɔkpɔŋ.” Ekã shi faŋŋ akɛ, aatsɔɔ mɔ ko ni eje Nyɔŋmɔ sɛɛ.
Hebri sht. ŋm., “maŋsɛɛ yoo.” Ekã shi faŋŋ akɛ, aatsɔɔ mɔ ko ni etsi ehe kɛje Nyɔŋmɔ he.
Loo “ni lakaa mɔ.”
Loo “wu.”
Hebri sht. ŋm., “nanegbɛi.”
Loo “kɛ mɔ yaa mɛi ni egboi ni bɛ hewalɛ dɔŋŋ lɛ aŋɔɔ.”
Hebri sht. ŋm., “nanegbɛi.”
Loo “mɛi ni nyiɛɔ yɛ gbɛ ni ja nɔ lɛ.”