Abɛi 17:1-28

  • Okɛ efɔŋ akato ekpakpa najiaŋ (13)

  • Shi dani bei lɛ aje shishi (14)

  • Naanyo kpakpa sumɔɔ mɔ yɛ bei fɛɛ mli (17)

  • “Tsui ni yɔɔ miishɛɛ lɛ, eji tsofa kpakpa” (22)

  • Mɔ ni kɔɔ sane sɛɛ lɛ ewieee kɛkɛ (27)

17  He ni aaye blodo* gbiŋ yɛ ni toiŋjɔlɛ yɛ jɛmɛ lɛ*+Ehi fe shĩa ni aaye gbi jurɔ yɛ mli* ni béi yɔɔ mli.+   Tsulɔ ni yɔɔ sɛɛyoomɔ lɛ, ebaaye binuu ni feɔ hiɛgbejianii nɔ;Ebaaná gboshinii lɛ eko tamɔ bihii lɛ nɔŋŋ.   Niiahetsuumɔ kukwɛi yɛ kɛhã jwiɛtɛi, ni dade seremɔ flɔnɔɔ hu yɛ kɛhã shika tsuru,+Shi Yehowa ji mɔ ni taoɔ tsuii+ amli.   Gbɔmɔ fɔŋ boɔ wiemɔi gbohii toi,Ni amalelɔ boɔ wiemɔ ni akɛfiteɔ mɔ gbɛ́i toi.+   Mɔ fɛɛ mɔ ni ŋmɔɔ ohiafo lɛ, eejɛ e-Bɔlɔ* lɛ,+Ni mɔ fɛɛ mɔ ni nyaa yɛ sane fɔŋ ko ni eba mɔ ko nɔ lɛ hewɔ lɛ, eyeŋ ehe kɔkɔɔkɔ.+   Nabii* ji mɛi ni egbɔlɔ lɛ akekere,Ni fɔlɔi* ji amɛbii* anunyam.   Wiemɔi ni ja* esaaa buulu.+ Enyiɛ nɔŋŋ ni amale wiemɔi baasa nɔyelɔ!*+   Nikeenii tamɔ ojarawatɛ* kɛhã mɔ ni nɔ ni lɛ;+He fɛɛ he ni eyaa lɛ, ehãa eyeɔ omanye.+   Mɔ fɛɛ mɔ ni kɛ tɔmɔ keɔ lɛ,* eetao suɔmɔ,+Shi mɔ ni fɔɔ sane he wiemɔ lɛ, etserɛɔ nanemɛi ni bɛŋkɛ kpaakpa ateŋ.+ 10  Mɔ ni nuɔ nii ashishi lɛ, ekaseɔ nii kpele kɛjɛɔ hiɛkamɔ mli+Fe kwashia ni atswa lɛ kpãi oha.+ 11  Nɔ pɛ ni gbɔmɔ fɔŋ tiuɔ sɛɛ ji atuatsemɔ,Shi abaatsu tsulɔ ni yitsoŋ wa ni ebagbala etoi.+ 12  Ehi akɛ okɛ oshishibrishi ni amɔmɔ ebii baakpeFe nɔ ni okɛ kwashia baakpe yɛ ebuulufeemɔ mli.+ 13  Mɔ fɛɛ mɔ ni kɛ efɔŋ toɔ ekpakpa najiaŋ lɛ,Efɔŋ shiŋ eshĩa.+ 14  Nɔmɔ shishijee tamɔ nu ni agbele naa;*No hewɔ lɛ, shi dani béi lɛ aje shishi.+ 15  Mɔ ni buɔ mɔ fɔŋ bem, kɛ mɔ ni buɔ jalɔ fɔ lɛ,+—Yehowa miihi amɛyi enyɔ lɛ fɛɛ. 16  Mɛɛ sɛɛnamɔ yɔɔ he akɛ kwashia yɛ nyɛmɔ ni ekɛaaná hiɛshikamɔ,Be mli ni ebɛ tsui kɛhã hiɛshikamɔ?* + 17  Naanyo kpakpa sumɔɔ mɔ yɛ bei fɛɛ mli,+Ni ebatsɔɔ nyɛmi yɛ haomɔ beiaŋ.*+ 18  Mɔ ni bɛ jwɛŋmɔ lɛ,* etaa dɛŋ ni ekpɛlɛɔAkɛ ebaadamɔ mli ehã mɔ yɛ enyɛmi gbɔmɔ hiɛ.+ 19  Mɔ ni sumɔɔ béi lɛ, esumɔɔ tɔmɔ.+ Mɔ fɛɛ mɔ ni wóɔ eshĩa naa agbó nɔ gojoo lɛ, eetao sane.+ 20  Mɔ ni tsui ekɔ̃dɔ̃ lɛ, eyeŋ omanye,+Ni mɔ ni maleɔ lɛ, ebaaná sane. 21  Tsɛ ni yɔɔ bi kwashia lɛ, ebaaye awerɛho;Ni tsɛ ni yɔɔ bi ni bɛ jwɛŋmɔ lɛ, enáaa miishɛɛ.+ 22  Tsui ni yɔɔ miishɛɛ lɛ, eji tsofa kpakpa,*+Shi tsui* ni ekumɔ lɛ, egbɔjɔɔ mɔ.+ 23  Gbɔmɔ fɔŋ heɔ nyɔɔŋnii yɛ teemɔŋ*Koni etsɔ kojomɔ hiɛ ebu shi.+ 24  Hiɛshikamɔ kã mɔ ni kɔɔ sane sɛɛ lɛ hiɛ tuuntu,Shi kwashia hiŋmɛii kpaa shi kɛyaa shikpɔŋ lɛ naagbeehei lɛ.+ 25  Bi kwashia lɛ, ehãa epapa yeɔ awerɛhoNi ehãa yoo ni fɔ lɛ lɛ tsui yeɔ.*+ 26  Ehiii akɛ abaagbala jalɔ toi,*Ni esaaa akɛ ayiɔ mɛi ni hiɛ yɔɔ nyam. 27  Mɔ ni le nii lɛ, ewieee kɛkɛ,+Ni mɔ ni kɔɔ sane sɛɛ lɛ, ehe jɔ.*+ 28  Buulu po, kɛ́ efee diŋŋ lɛ, abuɔ lɛ hiɛshikalɔ,Ni mɔ ni muaa enaa lɛ, abuɔ lɛ akɛ ekɔɔ sane sɛɛ.

Shishigbɛ Niŋmaa

Loo “ni jɛmɛ yɔɔ dioo lɛ.”
Hebri sht. ŋm., “ni afɔlei eyi mli.”
Loo “mɔ ni fee lɛ.”
Loo “Nabihii.”
Loo “tsɛmɛi.”
Loo “amɛbihii.”
Loo “Wiemɔi kpakpai.”
Loo “ablade!”
Loo “tɛ ni hãa mɔ hiɛ baa nyam.”
Hebri sht. ŋm., “tsimɔɔ tɔmɔ nɔ lɛ.”
Loo “dam ni agbele naa.” Hebri sht. ŋm., “nu tuemɔ.”
Loo “Be mli ni ebɛ jwɛŋmɔ?”
Loo “Ni eji mɔ ni afɔ lɛ akɛ nyɛmi kɛhã haomɔ be.”
Hebri sht. ŋm., “bɛ tsui.”
Loo “ehi kɛhã tsamɔ.”
Hebri sht. ŋm., “mumɔ.”
Hebri sht. ŋm., “yɛ miinaa.”
Hebri sht. ŋm., “Ni eji joomɔ kɛhã yoo ni fɔ lɛ lɛ.”
Loo “abaagbe jalɔ shika gbele.”
Hebri sht. ŋm., “emumɔ he jɔ.”