Abɛi 15:1-33

  • Naajɔlɛ hetoo kuɔ mlila naa (1)

  • Yehowa hiŋmɛii yɛ he fɛɛ he (3)

  • Nyɔŋmɔ náa jalɔ sɔlemɔ he miishɛɛ (8)

  • Kɛ́ ajinatoo bɛ lɛ yiŋtoi feɔ yaka (22)

  • Jwɛŋmɔ sane nɔ dani ohã hetoo (28)

15  Naajɔlɛ hetoo lɛ, ekuɔ mlila naa,+Shi wiemɔ ni dɔɔ mɔ* lɛ, eteɔ mlifu shi.+   Hiɛshikalɔi alilɛi kɛ nilee tsuɔ nii jogbaŋŋ,+Shi kwashiai anaabu jieɔ buulufeemɔ kpo.   Yehowa hiŋmɛii yɛ he fɛɛ he,Ekwɛɔ gbɔmɛi fɔji kɛ gbɔmɛi kpakpai fɛɛ.+   Naajɔlɛ lilɛi* lɛ, eji wala tso,+Shi lakamɔ wiemɔi lɛ, egbeɔ mɔ mumɔ.*   Buulu lɛ, ebuuu epapa tsɔsemɔ,+Shi mɔ ni hiɛ tɛ̃ lɛ, ekpɛlɛɔ jajemɔ.+   Jwetrii babaoo yɛ jalɔ shĩa,Shi mɔ fɔŋ nibaa nii* hãa enáa sane.+   Hiɛshikalɔi anaabu gbɛɔ nilee eshwãa,+Shi kwashia tsui bɛ nakai.+   Mɛi fɔji afɔle lɛ, Yehowa miihi,+Shi jalɔi asɔlemɔ hãa enáa miishɛɛ.+   Mɔ fɔŋ gbɛ lɛ, Yehowa miihi,+Shi esumɔɔ mɔ ni tiuɔ jalɛ sɛɛ.+ 10  Mɔ ni jeɔ gbɛ lɛ nɔ lɛ, enaa tsɔsemɔ tamɔ nɔ fɔŋ,*+Shi mɔ fɛɛ mɔ ni nyɛɔ jajemɔ lɛ, ebaagbo.+ 11  Yehowa naa Gbonyobu* lɛ kɛ hiɛkpatamɔ bu lɛ* mli faŋŋ.+ Enyiɛ nɔŋŋ ni enaŋ gbɔmɛi abii atsuii amli!+ 12  Buulu* lɛ, esumɔɔɔ mɔ ni jajeɔ lɛ lɛ.+ Eyaŋ hiɛshikalɔi aŋɔɔ.+ 13  Miishɛɛ tsui hãa mɔ tseɔ ehiɛ,Shi tsuiŋdɔlɛ gbeɔ mɔ mumɔ.+ 14  Tsui ni nuɔ nii ashishi lɛ taoɔ nilee,+Shi kwashia naabu kɛ buulufeemɔ lɛɔ ehe.*+ 15  Nɔnalɔ gbii fɛɛ lɛ, gbii fɔji ni,+Shi mɔ ni yɔɔ miishɛɛ tsui lɛ,* eyeɔ gbi jurɔ daa.+ 16  Nii fioo ni Yehowa gbeyeishemɔ fata he lɛ,+Ehi fe ninámɔ babaoo kɛ ehe ŋkɔmɔyeli.* + 17  Yelibai* folo ni suɔmɔ yɔɔ he lɛ,+Ehi fe tsinanuu ni eshwi* ni nyɛɛ yɔɔ he.+ 18  Mɔ ni tsui baa mramra lɛ, eteɔ béi shi,+Shi mɔ ni mli fuuu mra lɛ, ejɔɔ béi he.+ 19  Anihaolɔ gbɛ tamɔ ŋmei afabaŋ,+Shi jalɔ gbɛ tamɔ gbɛjegbɛ ni nɔ ja.+ 20  Bi* ni hiɛ kã shi lɛ, ehãa epapa náa miishɛɛ,+Shi kwashia lɛ, ebuuu emami.+ 21  Mɔ ni bɛ jwɛŋmɔ* lɛ,+ enyaa buulufeemɔ he,Shi mɔ ni kɔɔ sane sɛɛ lɛ, eyaa ehiɛ tɛ̃ɛ.+ 22  Kɛ́ ajinatoo bɛ lɛ,* yiŋtoi* feɔ efolo,Shi kɛ́ ŋaawolɔi* pii yɛ lɛ, nibii yaa nɔ jogbaŋŋ.+ 23  Kɛ́ gbɔmɔ hã hetoo ni ja lɛ, enáa miishɛɛ,*+Ni wiemɔ ni awieɔ yɛ be ni sa mli lɛ—ehi waa diɛŋtsɛ!+ 24  Wala gbɛ kwɔɔ kɛyaa mɔ ni yɔɔ sɛɛyoomɔ lɛ ŋɔɔ,+Koni ejie lɛ kɛje gbɛ ni kpelekeɔ shi kɛyaa Gbonyobu* lɛ mli lɛ nɔ.+ 25  Yehowa baakumɔ henɔwolɔ shĩa eshwie shi,+Shi ebaabu yoo okulafo husu lɛ he.+ 26  Yehowa miihi mɔ fɔŋ ŋaatsɔi lɛ,+Shi wiemɔi ni ŋɔɔ lɛ, amɛhe tse* yɛ ehiɛ.+ 27  Mɔ ni náa sɛɛnamɔ gbonyo lɛ, ekɛ sane fɔŋ* baa lɛ diɛŋtsɛ eshĩabii anɔ,+Shi mɔ ni nyɛɔ nyɔɔŋnii hemɔ lɛ, ebaaya nɔ ehi shi.+ 28  Jalɔ tsui jwɛŋɔ sane nɔ dani ehãa hetoo,*+Shi mɛi fɔji anaabu jieɔ nibii gbohii akpo. 29  Yehowa kɛ mɛi fɔji ateŋ jekɛ,Shi enuɔ jalɔi asɔlemɔi.+ 30  Kɛ́ mɔ ko tse ehiɛ ehã bo lɛ, ehãa onáa miishɛɛ;*Amaniɛbɔɔ kpakpa hãa wui náa hewalɛ.*+ 31  Mɔ ni boɔ jajemɔ ni hãa wala toi lɛ,Abuɔ lɛ ashiɔ hiɛshikalɔi anɔ.+ 32  Mɔ fɛɛ mɔ ni mɔɔɔ tsɔsemɔ mli lɛ, ebuuu ewala,*+Shi mɔ fɛɛ mɔ ni boɔ jajemɔ toi lɛ, enuɔ nii ashishi.*+ 33  Yehowa gbeyeishemɔ ji tsɔsemɔ ni hãa mɔ hiɛ kãa shi,+Ni anunyam nyiɛɔ heshibaa sɛɛ.+

Shishigbɛ Niŋmaa

Loo “wiemɔ ni wa.”
Loo “Lilɛi ni tsaa mɔ.”
Hebri sht. ŋm., “mumɔ lɛ kuumɔ ni.”
Loo “mɔ fɔŋ nii ni enáa lɛ.”
Loo “tamɔ nɔ ko ni naa wa tsɔ.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “kɛ Abadon.”
Loo “Hefɛoyelɔ.”
Loo “tiuɔ buulufeemɔ sɛɛ.”
Loo “tsui kpakpa lɛ.”
Loo “ni yiŋfutumɔ fata he.”
Yelibai ji nibii tamɔ kontomire kɛ ameo kɛ shitɔ kɛ amɛhenɔi lɛ.
Hebri sht. ŋm., “ahãa lɛ niyenii yɛ kooloi aniyenii anɔ mli.”
Hebri sht. ŋm., “Binuu.”
Hebri sht. ŋm., “bɛ tsui.”
Loo “Kɛ́ agbaaa yitsoŋ sane lɛ.”
Loo “gbɛjianɔtoi.”
Loo “ajinafoi.”
Loo “Gbɔmɔ náa miishɛɛ yɛ edaaŋ hetoo hewɔ.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “amɛyɛ krɔŋŋ.”
Loo “hiɛshishwiemɔ.”
Loo “jwɛŋɔ bɔ ni ebaahã hetoo lɛ he jogbaŋŋ; jwɛŋɔ dani ewieɔ.”
Loo “Hiŋmɛii ni nɔ tse lɛ, ehãa tsui náa miishɛɛ.”
Hebri sht. ŋm., “hãa wui lɛ shwiɔ.”
Loo “esusuma.”
Hebri sht. ŋm., “enáa tsui.”