Abɛi 13:1-25

  • Mɛi ni biɔ ŋaawoo lɛ ahiɛ kã shi (10)

  • Hiɛnɔkamɔ ni baaa mli mra lɛ woɔ tsui hela (12)

  • Tsulɔ anɔkwafo tsaa mɔ (17)

  • Mɔ ni kɛ hiɛshikalɔi nyiɛɔ lɛ tsɔɔ hiɛshikalɔ (20)

  • Tsɔsemɔ lɛ, etsɔɔ suɔmɔ (24)

13  Bi* ni hiɛ kã shi lɛ, eboɔ epapa tsɔsemɔ toi,+Shi buulu* lɛ, ekpɛlɛɛɛ ni ajaje lɛ.* +   Gbɔmɔ daaŋ yibii mli ebaaye nibii kpakpai kɛjɛ,+Shi nɔ ni mɔ ni yeee anɔkwa shweɔ lɛ,* yiwalɛ ni.   Mɔ ni mɔɔ enaabu mli lɛ,* eebu ewala* he,+Shi mɔ ni gbɛɔ edaaŋ hatoo lɛ, ehiɛ baakpãtã.+   Anihaolɔ yɛ nɔ ni eshweɔ, shi fɛɛ sɛɛ lɛ, enáaa* nɔ ko,+Shi mɔdɛŋbɔlɔ lɛ, etsui baanyɔ emli.*+   Jalɔ nyɛɔ amale,+Shi mɛi fɔji anifeemɔi kɛ hiɛgbele kɛ hiɛshishwiemɔ baa.   Jalɛ nifeemɔ buɔ mɔ ni gbɛ ja lɛ he,+Shi efɔŋfeemɔ hãa eshafeelɔ gbeɔ shi.   Mɔ ko yɛ ni feɔ ehe niiatsɛ, shi ebɛ nɔ ko;+Ni mɔ ko hu yɛ ni feɔ ehe ohiafo, shi eyɛ nii babaoo.   Nɔ ni gbɔmɔ kɛkpɔ̃ɔ ewala* ji enii ni eyɔɔ,+Shi ohiafo lɛ, nɔ ko wooo ehe gbeyei.*+   Jalɔi ala kpɛɔ waa,*+Shi abaagbe mɛi fɔji akane lɛ.+ 10  Mɔ ni yeɔ etsuinaa sane lɛ, ekɛ béi baa,+Shi mɛi ni biɔ ŋaawoo lɛ,* amɛhiɛ kã shi.+ 11  Nii ni anáa lɛ oya lɛ,* ebaatã,+Shi mɔ ni buaa nii anaa fiofio lɛ,* ebaaná nii pii. 12  Kɛ́ aakwɛ nɔ ko gbɛ ni ebaaa mli mra lɛ,* ewoɔ tsui hela,+Shi kɛ́ mɔ nine shɛ nɔ ni eshweɔ lɛ nɔ lɛ, eji wala tso.+ 13  Mɔ fɛɛ mɔ ni booo gbɛtsɔɔmɔ* toi lɛ, ebaaná he toigbalamɔ,+Shi mɔ ni boɔ kitã toi lɛ, abaajwere lɛ.+ 14  Nii ni hiɛshikalɔ tsɔɔ lɛ* hãa wala+Ni ejieɔ mɔ kɛjeɔ gbele tsɔnei amli. 15  Sɛɛyoomɔ kpakpa hãa mɔ hiɛ baa nyam,Shi mɛi ni yeee anɔkwa lɛ agbɛ lɛ yɛ dokoidokoi. 16  Mɔ ni hiɛ tɛ̃ lɛ, ekɛ nilee tsuɔ nii,+Shi buulu jieɔ lɛ diɛŋtsɛ ebuulufeemɔ kpo.+ 17  Tsulɔ* fɔŋ gbeɔ haomɔ mli,+Shi tsulɔ* anɔkwafo tsaa mɔ.+ 18  Mɔ fɛɛ mɔ ni kuɔ ehiɛ efɔ̃ɔ tsɔsemɔ nɔ lɛ, ohia kɛ hiɛshishwiemɔ ji enɔ,Shi mɔ ni kpɛlɛɔ jajemɔ lɛ, abaawo ehiɛ nyam.+ 19  Kɛ́ mɔ ko nine shɛ nɔ ni eshweɔ nɔ lɛ, enáa miishɛɛ,*+Shi buulu sumɔɔɔ ni etsiɔ ehe kɛjeɔ efɔŋ he.+ 20  Mɔ ni kɛ hiɛshikalɔi nyiɛɔ lɛ, ebaatsɔ hiɛshikalɔ,+Shi mɔ ni kɛ kwashiai bɔɔ lɛ, egbeŋ naa ekpakpa.+ 21  Sane fɔŋ nyiɛɔ eshafeelɔi asɛɛ,+Shi ekpakpa jwereɔ jalɔi.+ 22  Gbɔmɔ kpakpa shiɔ gboshinii ehãa enabii,Shi akɛ nii ni eshafeelɔ ená lɛ baato ahã jalɔ.+ 23  Ŋmɔ ni ohiafo ehu lɛ, ebaaba niyenii pii,Shi kojomɔ gbonyo baanyɛ akpãtã fɛɛ hiɛ.* 24  Mɔ fɛɛ mɔ ni tsĩɔ etso naa lɛ,* eenyɛ ebi,*+Shi mɔ ni sumɔɔ ebi* lɛ, etsɔseɔ lɛ jogbaŋŋ.* + 25  Jalɔ yeɔ nii ni eshɛɔ enaa,*+Shi mɛi fɔji amusuŋ kãa efolo.+

Shishigbɛ Niŋmaa

Hebri sht. ŋm., “Binuu.”
Loo “hefɛoyelɔ.”
Loo “ekpɛlɛɛɛ hiɛkamɔ.”
Loo “Shi mɔ ni yeee anɔkwa susuma lɛ.”
Loo “Mɔ ni kwɛɔ ewiemɔ jogbaŋŋ lɛ.”
Loo “esusuma.”
Loo “esusuma náaa.”
Hebri sht. ŋm., “esusuma baashwi.”
Loo “esusuma.”
Hebri sht. ŋm., “nuuu hiɛkamɔ.”
Hebri sht. ŋm., “Jalɔi ala nyaa.”
Loo “Shi mɛi ni toɔ ajina lɛ.”
Loo “Nii ni aná yɛ yaka gbɛ nɔ lɛ.”
Hebri sht. ŋm., “Shi mɔ ni kɛ enine buaa naa lɛ.”
Loo “Hiɛnɔkamɔ ni baaa mli mra lɛ.”
Loo “wiemɔ lɛ.”
Loo “Hiɛshikalɔ mla.”
Loo “Bɔfo.”
Loo “bɔfo.”
Loo “eŋɔɔ esusuma naa.”
Loo “baanyɛ akpãtã ehiɛ.”
Loo “tsɔseee ebi lɛ; gbalaaa ebi toi lɛ.”
Hebri sht. ŋm., “ebinuu.”
Hebri sht. ŋm., “ebinuu.”
Shishitsɔɔmɔi komɛi kɛɔ akɛ, “ejɛɔ mra etsɔseɔ lɛ.”
Loo “esusuma naa.”