Abɛi 10:1-32
10 Solomon abɛi.+
Bi* ni hiɛ kã shi hãa epapa náa miishɛɛ,+Shi bi* kwashia hãa emami werɛ hoɔ ehe.
2 Jwetrii ni atsɔɔ efɔŋfeemɔ nɔ anáa lɛ, ehe baŋ sɛɛnamɔ,Shi jalɛ nifeemɔ jieɔ mɔ kɛjeɔ gbele mli.+
3 Yehowa hãŋ hɔmɔ aye jalɔ,*+Shi ebaahã nɔ ni mɛi fɔji shweɔ lɛ abɔ amɛ.
4 Niji ni tsuuu nii lɛ baaye ohia,+Shi niji ni tsuɔ nii waa* lɛ baaná nii.+
5 Bi* ni buaa ŋmɔshi nii anaa yɛ latsa beiaŋ lɛ, eyɛ sɛɛyoomɔ,Shi bi* ni kãa shi ewɔɔ yɛ nikpamɔ beiaŋ lɛ, eji bi ni woɔ ehe hiɛgbele.+
6 Jɔɔmɔ yɛ jalɔ yitso nɔ,+Shi mɛi fɔji anaabu haa yiwalɛ nɔ.
7 Kɛ́ akai jalɔ lɛ,* ajɔɔ lɛ,+Shi mɛi fɔji agbɛ́i baakpɔtɔ.+
8 Mɔ ni yɔɔ hiɛshikamɔ tsui lɛ, eyeɔ kitãi anɔ,+Shi mɔ ni wieɔ tamɔ kwashia lɛ, abaanaanaa enɔ.+
9 Mɔ ni nyiɛɔ yɛ anɔkwayeli mli lɛ, ebaanyiɛ ni oshãra ko ninaaa lɛ,+Shi mɔ ni kɔ̃dɔ̃ɔ egbɛi lɛ, abaayoo lɛ.+
10 Mɔ ni bɛɔ mɔ lakamɔ hiŋmɛi lɛ, ewoɔ mɔ awerɛho,+Ni mɔ ni wieɔ tamɔ kwashia lɛ, abaanaanaa enɔ,+
11 Jalɔ daaŋ wiemɔ hãa wala,+Shi mɛi fɔji anaabu haa yiwalɛ nɔ.+
12 Nyɛɛ teɔ béi shi,Shi suɔmɔ haa tɔmɔi fɛɛ anɔ.+
13 Hiɛshikamɔ yɛ mɔ ni kɔɔ sane sɛɛ lɛ naa,+Shi mɔ ni bɛ jwɛŋmɔ* lɛ, atswaa ekotosɛɛ kpãa.+
14 Mɛi ni hiɛ kã shi lɛ kɛ nilee toɔ tamɔ jwetri,+Shi kwashia naabu kɛ hiɛkpatamɔ baa.+
15 Nii ni niiatsɛ yɔɔ lɛ* tamɔ maŋ ni atswa gbogbo awo he kɛhã lɛ.
Ohiafoi ashigbeemɔ ji ohia ni amɛyeɔ lɛ.+
16 Jalɔ nifeemɔ hãa anáa wala;Shi mɔ fɔŋ yibii hãa afeɔ esha.+
17 Mɔ ni mɔɔ tsɔsemɔ mli lɛ, eji wala gbɛ,*Shi mɔ ni kpoɔ jajemɔ hãa mɛi duɔ gbɛ.
18 Mɔ ni kɛ nyɛɛ teɔ lɛ, emaleɔ,+Ni mɔ ni fiteɔ mɛi agbɛ́i lɛ,* kwashia ji lɛ.
19 Mɔ ni wieɔ babaoo lɛ, ewaaa akɛ ebaatɔ̃,+Shi mɔ fɛɛ mɔ ni kudɔɔ elilɛi lɛ, eji hiɛshikalɔ.+
20 Jalɔ lilɛi tamɔ jwiɛtɛi ni atsuu he jogbaŋŋ,+Shi mɔ fɔŋ tsui lɛ, ejara waaa kwraa.
21 Jalɔ naabu lɛɔ mɛi babaoo,*+Shi kwashiai gboiɔ yɛ jwɛŋmɔ ni amɛbɛ lɛ hewɔ.+
22 Yehowa jɔɔmɔ lɛ, no feɔ mɔ niiatsɛ,+Ni ekɛ* piŋmɔ ko* fataaa he.
23 Kɛ́ kwashia miifee efɔŋ lɛ, ebuɔ lɛ shwɛmɔ,Shi mɔ ni kɔɔ sane sɛɛ lɛ, ehiɛ kã shi.+
24 Nɔ ni mɔ fɔŋ sheɔ he gbeyei lɛ, no baaba enɔ;Shi jalɔ nine baashɛ nɔ ni eshweɔ lɛ nɔ.+
25 Kɛ́ ahum lɛ baho lɛ, anaŋ mɔ fɔŋ lɛ dɔŋŋ,+Shi jalɔ tamɔ faneshi kɛmiiya naanɔ.+
26 Bɔ ni viniga feɔ nyanyɔji kɛ bɔ ni lasu feɔ hiŋmɛii lɛ,Nakai nɔŋŋ anihaolɔ ji kɛhã mɔ ni tsuɔ lɛ lɛ.*
27 Yehowa gbeyeishemɔ hãa wala sɛɛ tsɛɔ,+Shi mɔ fɔŋ afii lɛ, abaafo nɔ.+
28 Nɔ ni jalɔi kwɛɔ gbɛ lɛ* kɛ miishɛɛ baa,+Shi nɔ ni mɛi fɔji ahiɛ kã nɔ lɛ baafee efolo.+
29 Yehowa gbɛ lɛ ji mɔɔ ni wa kɛhã mɔ ni sane ko bɛ ehe lɛ,+Shi eji hiɛkpatamɔ kɛhã mɛi fɔji lɛ.+
30 Ahãŋ jalɔ agbee shi kɔkɔɔkɔ,+Shi mɛi fɔji lɛ, amɛhiŋ shikpɔŋ lɛ nɔ dɔŋŋ.+
31 Jalɔ naabu jieɔ hiɛshikamɔ kpo,*Shi lilɛi ni maleɔ lɛ, abaafo ashɛ afɔ̃.
32 Jalɔ naabu le nɔ ni sa,Shi mɛi fɔji anaabu maleɔ.
Shishigbɛ Niŋmaa
^ Hebri sht. ŋm., “binuu.”
^ Hebri sht. ŋm., “Binuu.”
^ Loo “jalɔ susuma.”
^ Loo “niji ni bɔɔ mɔdɛŋ.”
^ Hebri sht. ŋm., “Binuu.”
^ Hebri sht. ŋm., “binuu.”
^ Loo “Kɛ́ atsĩ jalɔ gbɛ́i tã lɛ.”
^ Hebri sht. ŋm., “bɛ tsui.”
^ Loo “Niiatsɛ nii ni jara wa lɛ.”
^ Shishitsɔɔmɔi komɛi kɛɔ akɛ, “enyiɛ gbɛ ni kɛ mɔ yaa wala mli lɛ nɔ.”
^ Loo “mɔ ni tãa saji ni bɛ mli lɛ.”
^ Loo “tsɔɔ mɛi babaoo nii.”
^ Loo “awerɛhoyeli ko; jaramɔ shihilɛ ko.”
^ Ni ji, Yehowa.
^ Loo “mɔ ni ehe lɛ ewo enitsumɔ mli lɛ.”
^ Loo “ahiɛ kã nɔ lɛ.”
^ Loo “Jalɔ naabu woɔ hiɛshikamɔ yibii.”
