5 Mose 6:1-25

  • Suɔmɔ Yehowa kɛ otsui fɛɛ (1-9)

    • “Bo toi, Israel” (4)

    • Esa akɛ fɔlɔi atsɔɔ amɛbii nii (6, 7)

  • Ohiɛ akakpa Yehowa nɔ (10-15)

  • Kaaka Yehowa (16-19)

  • Gbaa yinɔ ni baaba yɛ sɛɛ lɛ (20-25)

6  “Agbɛnɛ, kitãi kɛ taomɔ nii kɛ yiŋkpɛi* ni Yehowa, nyɛ-Nyɔŋmɔ lɛ, kɛhã akɛ atsɔɔ nyɛ lɛ nɛ, koni nyɛye nɔ kɛ́ nyɛfo mli kɛtee shikpɔŋ ni nyɛyaaŋɔ lɛ nɔ,  bɔ ni afee ni oshe Yehowa, o-Nyɔŋmɔ lɛ gbeyei, ní oye emlai kɛ ekitãi ni miwoɔ bo lɛ fɛɛ nɔ—bo kɛ obi kɛ onabi+—owala gbii abɔ fɛɛ, koni owala sɛɛ atsɛ.+  Ni bo toi, Israel, ní oye nɔ jogbaŋŋ, koni oshwere ni nyɛyi afa babaoo yɛ shikpɔŋ ni mliki kɛ wo hoɔ yɛ nɔ lɛ nɔ, tamɔ bɔ ni Yehowa, otsɛmɛi a-Nyɔŋmɔ lɛ, wo bo shi lɛ pɛpɛɛpɛ.  “Bo toi, Israel: Yehowa, wɔ-Nyɔŋmɔ lɛ, Yehowa kome ni.+  Suɔmɔ Yehowa, o-Nyɔŋmɔ lɛ, kɛ otsui fɛɛ kɛ osusuma* fɛɛ+ kɛ onyɛmɔ* fɛɛ.+  Hã wiemɔi ni mijajeɔ mitsɔɔ bo ŋmɛnɛ lɛ akã otsui nɔ,  ní otĩ mli shii abɔ otsɔɔ obii,*+ ní owie he be ni ota shi yɛ oshĩa kɛ be ni onyiɛ gbɛ nɔ kɛ be ni okã shi kɛ be ni ote shi.+  Fii okpɛtɛ onine akɛ kaimɔ nɔ, amɛtsɔmɔ tamɔ yitsofiinɔ yɛ ohiɛnaa.*+  Ŋmalamɔ yɛ oshĩa lɛ shinaatsei lɛ kɛ ogbói lɛ ahe. 10  “Kɛ́ Yehowa, o-Nyɔŋmɔ lɛ, kɛ bo yashɛ shikpɔŋ ni ekã otsɛmɛi Abraham kɛ Isak kɛ Yakob kitã yɛ he akɛ ekɛbaahã bo lɛ nɔ+—maji wuji ni yɔɔ fɛo ni jeee bo oto,+ 11  shĩai ni amɛmli eyimɔ obɔbɔ kɛ nibii kpakpai srɔtoi ni jeee bo otsu owo mli, bui ni atsatsai ni akɛtoɔ nu ni jeee bo otsa, kɛ wain ŋmɔji ni jeee bo ofee, kɛ oliv tsei ni jeee bo odu*—ni oye ni otɔ lɛ,+ 12  kwɛmɔ jogbaŋŋ ni ohiɛ akakpa Yehowa nɔ,+ mɔ ni jie bo kɛje Ejipt shikpɔŋ lɛ nɔ, mɔ ni jie bo kɛje nyɔŋyeli shĩa lɛ. 13  She Yehowa, o-Nyɔŋmɔ lɛ gbeyei,+ ni lɛ osɔmɔ,+ ni lɛ egbɛ́i okɛkã kitã.+ 14  Nyɛkanyiɛa nyɔŋmɔi krokomɛi asɛɛ, nyɛkanyiɛa maji ni bɔle nyɛ lɛ anyɔŋmɔi lɛ ateŋ eko eko sɛɛ,+ 15  ejaakɛ Yehowa, o-Nyɔŋmɔ lɛ, ni yɔɔ nyɛteŋ lɛ ji Nyɔŋmɔ ni biɔ ni ajá ekome too pɛ.+ Kɛjeee nakai lɛ, Yehowa, o-Nyɔŋmɔ lɛ, mli baawo la ewo bo,+ ni ebaakpãtã ohiɛ kɛje shikpɔŋ lɛ nɔ.+ 16  “Nyɛkakaa Yehowa, nyɛ-Nyɔŋmɔ lɛ,+ tamɔ bɔ ni nyɛka lɛ yɛ Masa lɛ.+ 17  Nyɛyea Yehowa, nyɛ-Nyɔŋmɔ lɛ, kitãi lɛ kɛ ekaimɔi lɛ kɛ etaomɔ nii lɛ ni efã nyɛ akɛ nyɛye nɔ lɛ anɔ jogbaŋŋ. 18  Feemɔ nɔ ni ja kɛ nɔ ni hi yɛ Yehowa hiɛ, bɔ ni afee ni oshwere, ní oya oyaŋɔ shikpɔŋ kpakpa ni Yehowa kã otsɛmɛi lɛ kitã yɛ he lɛ,+ 19  kɛtsɔ shwiemɔ ni obaashwie ohenyɛlɔi lɛ fɛɛ kɛje ohiɛ lɛ nɔ, tamɔ bɔ ni Yehowa wo shi lɛ pɛpɛɛpɛ.+ 20  “Wɔsɛɛ ko kɛ́ obi* bi bo akɛ, ‘Kaimɔi kɛ taomɔ nii kɛ yiŋkpɛi* lɛ ni Yehowa, wɔ-Nyɔŋmɔ lɛ, kɛhã nyɛ lɛ, te eshishi lɛ?’ 21  no lɛ, kɛɛmɔ obi* lɛ akɛ, ‘Wɔyatsɔmɔ nyɔji wɔhã Farao yɛ Ejipt, shi Yehowa kɛ nineshiwalɛ jie wɔ kɛje Ejipt. 22  Ni Yehowa tee nɔ ehã okadii kɛ naakpɛɛ nii wuji ni kpãtãa nii ahiɛ ba Ejipt+ kɛ Farao kɛ eshĩabii lɛ fɛɛ anɔ yɛ wɔhiɛ.+ 23  Ni ejie wɔ kɛje jɛmɛ, bɔ ni afee ni ekɛ wɔ aba biɛ, ní ekɛ shikpɔŋ ni ekã wɔtsɛmɛi lɛ kitã yɛ he lɛ ahã wɔ.+ 24  Ni Yehowa fã wɔ akɛ, wɔye taomɔ nii nɛɛ fɛɛ anɔ, ní wɔshe Yehowa, wɔ-Nyɔŋmɔ lɛ, gbeyei ní ahi ahã wɔ daa,+ koni wɔya nɔ wɔhi wala mli,+ tamɔ bɔ ni wɔyɔɔ wala mli ŋmɛnɛ lɛ. 25  Ni kɛ́ wɔye kitãi nɛɛ fɛɛ anɔ jogbaŋŋ kɛbo Yehowa, wɔ-Nyɔŋmɔ lɛ, toi* tamɔ bɔ ni efã wɔ lɛ, abaabu no jalɛ ahã wɔ.’+

Shishigbɛ Niŋmaa

Loo “kojomɔi.”
Loo “ohewalɛ; onibii.”
Loo “onyɛmɔ nɔ owo obii amli.”
Hebri sht. ŋm., “ohiŋmɛii ateŋ.”
Loo “otɛo.”
Hebri sht. ŋm., “obinuu.”
Loo “kojomɔi.”
Hebri sht. ŋm., “obinuu.”
Hebri sht. ŋm., “kɛ́ wɔye kitãi nɛɛ fɛɛ anɔ jogbaŋŋ yɛ Yehowa, wɔ-Nyɔŋmɔ lɛ hiɛ.”