5 Mose 32:1-52

  • Mose lala (1-47)

    • Yehowa ji Tɛsaa (4)

    • Israel hiɛ kpa e-Tɛsaa lɛ nɔ (18)

    • “Minɔ ji oweletɔɔ” (35)

    • “Nyɛ jeŋmaji, nyɛkɛ emaŋ lɛ anyaa” (43)

  • Mose baagbo yɛ Nebo Gɔŋ lɛ nɔ (48-52)

32  “Ŋwɛii, nyɛfea toi, ni mawie,Ni shikpɔŋ lɛ abo midaaŋ wiemɔi lɛ toi.   Minitsɔɔmɔ* lɛ baashwie shi tamɔ nugbɔ;Miwiemɔi lɛ baanyɔ tamɔ bɔ́,Tamɔ nugbɔ ni miishwã yɛ jwɛi fɔ nɔTamɔ nugbɔ ni miinɛ eeshwie kwɛ̃ɛ nii anɔ.   Ejaakɛ majaje Yehowa gbɛ́i lɛ matsɔɔ.+ Nyɛgbaa wɔ-Nyɔŋmɔ lɛ agbojee lɛ nyɛtsɔa!+   Tɛsaa ji lɛ, enitsumɔ eye emuu,+Ejaakɛ eyeɔ jalɛ sane yɛ egbɛi fɛɛ mli.+ Nyɔŋmɔ anɔkwafo ji lɛ,+ ni efeee nɔ ko ni ejaaa;+Jalɔ ji lɛ, eja.+   Amɛji mɛi ni eye sane fɔŋ lɛ.+ Amɛjeee ebii, tɔmɔ lɛ jɛ amɛ.+ Amɛji yinɔ kɔɔdɔŋ ni bɛ eŋɛlɛ nɔ!+   Ani nɛkɛ ji bɔ ni sa akɛ nyɛkɛ Yehowa aye,+Maŋ kwashia ni hiɛ kãaa shi?+ Ani jeee lɛ ji o-Tsɛ ni hã oba shihilɛ mli,+Mɔ ni fee bo ni etswa bo ema shi shiŋŋ lɛ?   Kaimɔ blema gbii lɛ;Nyɛjwɛŋa yinɔi ni eho lɛ amli afii lɛ ahe. Bi otsɛ, ni ebaagba bo;+Bi onukpai lɛ, ni amɛbaahã ole.   Be ni Mɔ Ni Nɔ Kwɔ Fe Fɛɛ lɛ hã jeŋmaji lɛ amɛgboshinii lɛ,+Be ni egbála Adam bii* lɛ amli lɛ,+Efolɔ maji lɛ ahusui lɛ ehã amɛ+Yɛ Israelbii lɛ ayifalɛ lɛ naa.+   Ejaakɛ Yehowa gbɛfaŋnɔ ji emaŋ lɛ;+Yakob ji egboshinii.+ 10  Ena lɛ yɛ ŋa nɔ shikpɔŋ ko nɔ+Yɛ shia ŋa ni nɔ ko nɔ ko bɛ nɔ, ni anuɔ gbɛɛmɔi* yɛ nɔ lɛ nɔ.+ Ebɔle ehe kɛbu ehe, ni ekwɛ lɛ,+Ni ebu ehe tamɔ ehiŋmɛi mli ajaŋmalaatɛ.+ 11  Bɔ ni okropɔŋ hosoɔ etsũ,Ni efilikiɔ yɛ ebii anɔ,Ni egbɛɔ efiji amli, ni eholeɔ ebii,Ni ehiɛɔ amɛ yɛ etsɛji anɔ lɛ,+ 12  Nakai nɔŋŋ Yehowa kome too tee nɔ enyiɛ ehiɛ;*+Maŋsɛɛ nyɔŋmɔ ko fataaa ehe.+ 13  Ehã eye shikpɔŋ lɛ nɔ hei grɔŋŋi lɛ anɔ,+Ni eye ŋa lɛ nɔ nibaa nii.+ Ekɛ wo ni jɛ tɛsaa mli lɛ lɛKɛ mu ni jɛ tɛsaa ni wa waa mli, 14  Bɔta ni akɛ tsina fufɔ fee, kɛ mliki ni akɛ too fufɔ fee,Kɛ gwantɛŋi ni hi fe fɛɛ* hu,Bashan gwantɛŋhii kɛ abotiahii,Kɛ wiiti kpakpa fe fɛɛ hu;+Ni onu wain ni akɛ wain yibii alá* fee. 15  Be ni Yeshurun* shwi lɛ, ekɛ atuatsemɔ shi ntia. Oshwi, ofee titirii, ofu agbo.+ No hewɔ lɛ, ekwa Nyɔŋmɔ, mɔ ni fee lɛ lɛ,+Ni egbe eyiwalaheremɔ Tɛsaa lɛ he guɔ. 16  Amɛkɛ maŋsɛɛ nyɔŋmɔi wo emli la;+Amɛkɛ nyaŋemɔ nii wo emli la.+ 17  Amɛshã afɔlei amɛhã daimonioi, jeee Nyɔŋmɔ,+Amɛshã amɛhã nyɔŋmɔi ni amɛleee,Nyɔŋmɔi hei ni ba etsɛko,Nyɔŋmɔi ni nyɛtsɛmɛi lɛ leee. 18  Ohiɛ kpa Tɛsaa+ ni fɔ bo lɛ nɔ,Ni okaiii Nyɔŋmɔ ni fɔ bo lɛ.+ 19  Be ni Yehowa na enɛ lɛ, ekpoo amɛ+Ejaakɛ amɛ, ni ji ebihii kɛ ebiyei lɛ, wo emli la. 20  No hewɔ lɛ ekɛɛ, ‘Mikɛ mihiɛ baatee amɛ;+Makwɛ nɔ ni baaba amɛnɔ. Ejaakɛ yinɔ ni feɔ nibii gbohii ji amɛ,+Bii* ni yeee anɔkwa.+ 21  Amɛkɛ nɔ ni jeee nyɔŋmɔ ewo mimli la;*+Amɛkɛ amɛmagai ni he bɛ sɛɛnamɔ ko lɛ ewo mimli la+ No hewɔ lɛ, matsɔ mɛi ni jeee maŋ ko nɔ mahã amɛye awuŋa;+Mikɛ jeŋmaŋ ko ni leee nii baawo amɛmli la.+ 22  Ejaakɛ mimlifu lɛ etsɛ̃ la+Ni ebaashã nii kɛya Gbonyobu* lɛ mli tɔ̃ɔ,+Ni ebaashã shikpɔŋ lɛ kɛ enɔ nibaa nii lɛNi ebaahã gɔji lɛ ashishitoi lɛ ahere kɛ la 23  Mahã amɛmanehului lɛ afa;Mikɛ migãimlibii lɛ fɛɛ baatsɛ̃rɛ̃ amɛ. 24  Hɔmɔ baahã amɛtɔ biti+Ni atridii ni naa wa kɛ hiɛkpatamɔ ni naa wa baami amɛ.+ Matsu kooloi anyanyɔji kɛba amɛnɔ+Kɛ sũ* mli kooloi ni wamɔɔ lɛ anaa pɔizin hu. 25  Klante baagbe amɛbii yɛ agbó naa;+Ŋmiŋmi baamɔmɔ amɛ yɛ shĩa mli,+Oblanyo kɛ oblayoo fro,Abifao kɛ wajiatsɛ fɛɛ.+ 26  Kulɛ makɛɛ akɛ: “Magbɛ amɛ mashwã;Mahã amɛkaimɔ sɛɛ afo yɛ gbɔmɛi ateŋ,” 27  Shi miishe gbeyei yɛ bɔ ni henyɛlɔ lɛ baafee enii ehã lɛ hewɔ,+Ejaakɛ henyɛlɔi lɛ baatsɔ sane lɛ ekroko.+ Amɛbaakɛɛ akɛ: “Wɔhewalɛ lɛ eye kunim;+Jeee Yehowa ji mɔ ni fee enɛɛmɛi fɛɛ.” 28  Ejaakɛ jeŋmaŋ ni bɛ jwɛŋmɔ* ji amɛ,Ni amɛnuuu nii ashishi.+ 29  Miná kulɛ amɛhiɛ kã shi!+ Kulɛ amɛbaajwɛŋ enɛ nɔ.+ Kulɛ amɛbaasusu bɔ ni amɛnaagbee baafee lɛ he.+ 30  Te feɔ tɛŋŋ ni mɔ kome shwieɔ mɛi 1,000,Ni mɛi enyɔ woɔ mɛi 10,000 foi lɛ?+ Ja amɛ-Tɛsaa lɛ ehɔ̃ɔ amɛ+Ni Yehowa eŋɔ amɛ ehã. 31  Ejaakɛ amɛtɛsaa lɛ tamɔɔɔ wɔ-Tɛsaa lɛ,+Wɔhenyɛlɔi lɛ po enu enɛ shishi.+ 32  Ejaakɛ amɛwain tso lɛ jɛ Sodom wain tso lɛ mliKɛ Gomora ŋmɔji lɛ amli.+ Amɛwain yibii lɛ, wain yibii ni pɔizin yɔɔ mli ni,Amɛyibii kushai lɛ joɔ.+ 33  Onufui anaa pɔizin ji amɛwain,Blikãi anaa pɔizin ni naa wa. 34  Ani jeee miŋɔɔ akɛ enɛ eto yɛ,Ni asɔo naa yɛ minitoohe lɛ?+ 35  Minɔ ji oweletɔɔ kɛ toigbalamɔ,+Yɛ be ni ato lɛ mli, be ni amɛnane baashane lɛ,+Ejaakɛ amɛmanehulu gbi lɛ ebɛŋkɛ,Ni nɔ ni mɛɔ amɛ lɛ baaba oya.’ 36  Ejaakɛ Yehowa baakojo emaŋ lɛ,+Ni emusuŋ baatsɔ lɛ* yɛ etsuji lɛ ahewɔ+Kɛ́ ena akɛ amɛhewalɛ etã,Ni mɛi pɛ ni eshwɛ ji mɛi ni bɛ yelikɛbualɔ ni amɛgbɔjɔ hu lɛ. 37  Kɛkɛ lɛ ebaakɛɛ akɛ, ‘Nɛgbɛ amɛnyɔŋmɔi lɛ yɔɔ,+Tɛsaa ni amɛyaba lɛ abo lɛ, 38  Nɛgbɛ mɛi ni ye amɛfɔlei lɛ afɔ* lɛ,Ni amɛnu amɛdãa afɔlei lɛ amli wain lɛ yɔɔ?+ Hã amɛte shi ni amɛye amɛbua nyɛ. Hã amɛtsɔ nyɛbobaahe. 39  Agbɛnɛ, nyɛnaa akɛ Mi—Miji Nyɔŋmɔ,*+Ni kɛjɛ misɛɛ lɛ, nyɔŋmɔi krokomɛi bɛ.+ Mi migbeɔ mɔ, ni mi mihãa anáa wala.+ Mi mipilaa mɔ,+ ni mi mitsaa mɔ,+Ni mɔ ko mɔ ko nyɛŋ ahere mɔ ko yɛ midɛŋ.+ 40  Ejaakɛ miwóɔ minine nɔ kɛyaa ŋwɛi,Ni mikãa kitã akɛ: “Gbii abɔ ni mihiɛ kã kɛmiiya naanɔ nɛɛ,”+ 41  Kɛ́ mijɔɔ miklante ni kpɛlɛɔ kaŋkaŋ lɛ naaNi misaa minine kɛhã kojomɔ lɛ,+Matɔ owele yɛ mihenyɛlɔi lɛ anɔ+Ni magbala mɛi ni nyɛɔ mi lɛ atoi. 42  Mahã migãimlibii lɛ atɔrɔ dãa kɛ lá,Ni miklante lɛ baaye loo,Amɛbaatɔrɔ dãa kɛ mɛi ni agbe amɛ kɛ mɛi ni aŋɔ amɛ nom lɛ alá,Amɛbaaye henyɛlɔ lɛ hiɛnyiɛlɔi lɛ ayitsei ahe loo.’ 43  Nyɛ jeŋmaji, nyɛkɛ emaŋ lɛ anyaa+Ejaakɛ ebaatɔ etsuji lɛ alá lɛ he owele,+Ni ebaatɔ owele yɛ ehenyɛlɔi lɛ anɔ+Ni ebaakpãtã ehã emaŋ lɛ shikpɔŋ lɛ.”* 44  Ni Mose ba ni ebawie lala nɛɛ mli wiemɔi lɛ fɛɛ ewo maŋbii lɛ atoiiaŋ,+ lɛ kɛ Hoshea,*+ Nun binuu lɛ. 45  Be ni Mose wie wiemɔi nɛɛ fɛɛ etsɔɔ Israel muu lɛ fɛɛ egbe naa lɛ, 46  ekɛɛ amɛ akɛ: “Nyɛhãa wiemɔi fɛɛ ni mikɛbɔɔ nyɛ kɔkɔ ŋmɛnɛ gbi nɛɛ akãa nyɛtsui nɔ,+ koni nyɛfã nyɛbii* lɛ ní amɛye Mla nɛɛ mli wiemɔi lɛ fɛɛ nɔ jogbaŋŋ.+ 47  Ejaakɛ wiemɔ nɛɛ jeee wiemɔ folo kɛhã nyɛ, shi moŋ, no nɔ nyɛwala damɔ,+ ni wiemɔ nɛɛ ji nɔ ni baahã nyɛhi shi nyɛtsɛ yɛ shikpɔŋ ni nyɛfoɔ Yordan lɛ ni nyɛyaŋɔ lɛ nɔ.” 48  Yehowa kɛ Mose wie yɛ nakai gbi lɛ nɔ nɔŋŋ akɛ: 49  “Yaakwɔ Abarim gɔŋ nɛɛ,+ ni ji Nebo Gɔŋ+ lɛ ni yɔɔ Moab shikpɔŋ lɛ nɔ, yɛ Yeriko hiɛ lɛ, ní oyakwɛ Kanaan shikpɔŋ lɛ ni mikɛhãa Israelbii lɛ akɛ amɛnɔ lɛ.+ 50  No sɛɛ lɛ, obaagbo yɛ gɔŋ ni oyaakwɔ lɛ nɔ, ni abaafu bo tamɔ afu otsɛmɛi lɛ,* tamɔ bɔ ni onyɛmi nuu Aaron gbo yɛ Hor Gɔŋ+ lɛ nɔ ni afu lɛ tamɔ afu otsɛmɛi lɛ,* 51  ejaakɛ nyɛyi enyɔ lɛ fɛɛ nyɛyeee mi anɔkwa yɛ Israelbii lɛ ateŋ yɛ Meriba nui+ lɛ ni yɔɔ Kadesh, yɛ Zin ŋa lɛ nɔ lɛ he, ejaakɛ nyɛfeee mi krɔŋkrɔŋ yɛ Israelbii lɛ ahiɛ.+ 52  Obaana shikpɔŋ lɛ yɛ shɔŋŋ moŋ, shi oyaŋ shikpɔŋ nɛɛ ni mikɛhãa Israelbii lɛ nɔ.”+

Shishigbɛ Niŋmaa

Loo “Migbɛtsɔɔmɔ.”
Shishitsɔɔmɔi komɛi kɛɔ akɛ, “adesai aweku.”
Gbɛɛmɔi nɛɛ baanyɛ afee ŋa mli kooloi abolɔmɔi loo ahum ni naa wa gbɛɛmɔ.
Ni tsɔɔ akɛ, enyiɛ Yakob hiɛ.
Hebri sht. ŋm., “gwantɛŋi afɔ.”
Loo “wain yibii amli nu.”
Eshishi ji, “Mɔ Ni Ja,” eji gbɛnaa gbɛ́i ni yɔɔ nyam ni akɛtsɛɔ Israel.
Hebri sht. ŋm., “Bihii.”
Loo “ehã miye awuŋa.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Hebri sht. ŋm., “mulu.”
Shishitsɔɔmɔi komɛi kɛɔ akɛ, “emu toi yɛ ŋaawoo gbɛfaŋ.”
Loo “ebaashwa ehe.”
Loo “mɛi ni ye amɛfɔlei ni hi fe fɛɛ.”
Hebri sht. ŋm., “Mi ni.”
Loo “ebaatsuu emaŋ lɛ shikpɔŋ lɛ he.”
No ji Yoshua gbɛ́i diɛŋtsɛ. Hoshea ji gbɛ́i Hoshaia lɛ ni afo lɛ kuku, ni eshishi ji, “Yah Ehere Yiwala.”
Hebri sht. ŋm., “nyɛbihii.”
Hebri sht. ŋm., “abaabua onaa afata omɛi lɛ ahe.” Eji lalawiemɔ ni akɛtsuɔ nii kɛhãa gbele.
Hebri sht. ŋm., “abua enaa afata emɛi lɛ ahe lɛ.” Eji lalawiemɔ ni akɛtsuɔ nii kɛhãa gbele.