3 Mose 7:1-38

  • Afɔlei ahe gbɛtsɔɔmɔi (1-21)

    • Sɔ̃ afɔle lɛ (1-10)

    • Naanyobɔɔ afɔle lɛ (11-21)

  • Nyɛkayea fɔ loo lá (22-27)

  • Osɔfoi lɛ agbɛfaŋnɔ lɛ (28-36)

  • Afɔlei ahe naamuu wiemɔi (37, 38)

7  “‘Sɔ̃ afɔle lɛ he mla nɛ:+ Eji nɔ krɔŋkrɔŋ fe fɛɛ.  He ni amɛgbeɔ shãa afɔle kooloi lɛ yɛ lɛ, jɛmɛ nɔŋŋ amɛgbe sɔ̃ afɔle kooloo lɛ hu yɛ, ni akɛ elá+ lɛ ashwã afɔleshaa latɛ lɛ koji lɛ fɛɛ ahe kɛkpe.+  Ekɛ efɔ+ lɛ fɛɛ, ní lei agbo lɛ, kɛ fɔ ni ha mlinii lɛ ahe lɛ fata he lɛ aba,  kɛ agbɛnɛ hu, sabai enyɔ lɛ kɛ fɔ ni yɔɔ amɛhe, ní bɛŋkɛ hɛ lɛ. Ejie fɔ ni yɔɔ mlɛbo lɛ he lɛ efata sabai lɛ ahe.+  Osɔfo lɛ ashã* yɛ afɔleshaa latɛ lɛ nɔ akɛ afɔle ni akɛ la shãa ahãa Yehowa.+ Sɔ̃ afɔle ni.  Nuu fɛɛ nuu ni ji osɔfo lɛ aye eko,+ ni aye yɛ he ko ni yɔɔ krɔŋkrɔŋ. Eji nɔ krɔŋkrɔŋ fe fɛɛ.+  Mla ni kɔɔ esha afɔle lɛ he lɛ nɔŋŋ kã shi hã sɔ̃ afɔle lɛ; osɔfo ni kɛbaashã afɔle kɛkpãtã lɛ nɔ ni.+  “‘Kɛ́ osɔfo lɛ shã shãa afɔle ehã mɔ ko lɛ, kooloo ni akɛbahã osɔfo lɛ koni ekɛshã afɔle lɛ hewolo+ lɛ atsɔ enɔ.  “‘Ŋmaa* afɔle fɛɛ ŋmaa afɔle ni ashã yɛ flɔnɔɔ mli loo ashĩ yɛ pan mli loo ashã yɛ kã tɛtrɛɛ nɔ+ lɛ, osɔfo ni kɛbaahã lɛ nɔ ni. Etsɔ enɔ.+ 10  Shi ŋmaa afɔle fɛɛ ŋmaa afɔle ni akɛ mu efutu+ loo nɔ ni akɛ mu futuko+ lɛ atsɔ Aaron bihii lɛ fɛɛ anɔ; amɛ fɛɛ amɛja lɛ pɛpɛɛpɛ. 11  “‘Agbɛnɛ, kɛ́ mɔ ko kɛ naanyobɔɔ afɔle+ miiba ebahã Yehowa lɛ, ehe mla nɛ: 12  Kɛ́ ekɛmiiba ní ekɛbada shi lɛ,+ ekɛ blodoi ni ashikishaŋ-sha* bɛ mli ni abɔlɔ lɛ tamɔ gai ni akɛ mu efutu, akpɔɔnɔi* ni ashikishaŋ-sha bɛ mli ni akɛ mu ekpa he, kɛ blodoi ni abɔlɔ lɛ tamɔ gai ni akɛ ashikishaŋ kpakpa fee, ní akpɔtɔ lɛ jogbaŋŋ ni akɛ mu efutu hu afata shidaa afɔle lɛ he kɛba. 13  Ekɛ blodoi ni ashikishaŋ-sha* yɔɔ mli ni abɔlɔ lɛ tamɔ gai afata enaanyobɔɔ afɔlei ni ekɛbaada shi lɛ ahe kɛba. 14  Ejie blodoi srɔtoi* lɛ ateŋ eko fɛɛ eko mli ekomekome akɛ gbɛfaŋnɔ krɛdɛɛ* ehã Yehowa; etsɔ osɔfo ni kɛ naanyobɔɔ afɔle kooloo lɛ lá lɛ shwãa lɛ nɔ.+ 15  Aye enaanyobɔɔ afɔlei ni ekɛbaada shi lɛ loo lɛ yɛ gbi ni ekɛbahã lɛ nɔ nɔŋŋ. Ekahã eko shwɛ kɛyashi enɔ leebi.+ 16  “‘Kɛji afɔle ni ekɛbaahã lɛ ji shiwoo afɔle+ loo afɔle ni ajɛɔ suɔmɔ mli akɛhãa+ lɛ, aye yɛ gbi ni ekɛ efɔle lɛ bahã lɛ nɔ nɔŋŋ, ni nɔ ni baashwɛ lɛ hu, aye enɔ jetsɛremɔ. 17  Shi afɔle lɛ loo lɛ mli nɔ ni baashwɛ kɛyashi gbi ni ji etɛ lɛ nɔ lɛ, akɛ la ashã.+ 18  Shi kɛ́ aye enaanyobɔɔ afɔle lɛ loo lɛ eko yɛ gbi ni ji etɛ lɛ nɔ lɛ, anáŋ mɔ ni kɛbahã lɛ he miishɛɛ. Enáŋ he sɛɛ ko kwraa; nihiinii ni, ni mɔ* ni yeɔ eko lɛ, ehe sɔ̃ lɛ baakã enɔ.+ 19  Loo ni esa nɔ ko ni he tseee he lɛ, akaye. Akɛ la ashã. Loo ni he tse lɛ, mɔ fɛɛ mɔ ni he tse lɛ baanyɛ aye. 20  “‘Shi mɔ fɛɛ mɔ* ni he tseee ni yeɔ naanyobɔɔ afɔle lɛ loo ni akɛhãa Yehowa lɛ eko lɛ, nakai mɔ* lɛ, afo lɛ ashɛ afɔ̃* kɛje emaŋbii lɛ ateŋ.+ 21  Kɛ́ mɔ ko ta nɔ ko ni he tseee he—gbɔmɔ he nɔ ko ni he tseee+ jio, kooloo ni he tseee+ jio, nɔ fɛɛ nɔ ni he tseee ni yɔɔ nyaŋemɔ+ jio—ni eye naanyobɔɔ afɔle lɛ loo ni akɛhãa Yehowa lɛ eko lɛ, nakai mɔ* lɛ, afo lɛ ashɛ afɔ̃* kɛje emaŋbii lɛ ateŋ.’” 22  Yehowa tee nɔ ekɛ Mose wie ekɛɛ: 23  “Kɛɛmɔ Israelbii lɛ akɛ, ‘Nyɛkayea tsina loo gwantɛŋ loo abotia ko fɔ+ ko fɔ ko kwraa. 24  Kooloo ni egbo lɛ fɔ kɛ kooloo ni kooloo kroko gbe lɛ lɛ fɔ lɛ, nyɛkayea kɔkɔɔkɔ, shi moŋ, nyɛbaanyɛ nyɛkɛfee nɔ kroko.+ 25  Ejaakɛ mɔ fɛɛ mɔ ni baaye kooloo ni ekɛbahã akɛ afɔle ni akɛ la shãa ahãa Yehowa lɛ fɔ lɛ eko lɛ, abaafo lɛ ashɛ afɔ̃* kɛje emaŋbii lɛ ateŋ. 26  “‘Nyɛkayea lá+ ko lá ko yɛ he fɛɛ he ni nyɛyɔɔ, loofɔji alá jio, kooloi alá jio. 27  Mɔ fɛɛ mɔ* ni baaye lá ko lɛ, afo lɛ ashɛ afɔ̃*+ kɛje emaŋbii lɛ ateŋ.’” 28  Yehowa tee nɔ ekɛ Mose wie ekɛɛ: 29  “Kɛɛmɔ Israelbii lɛ akɛ, ‘Mɔ fɛɛ mɔ ni kɛ enaanyobɔɔ afɔle baaba Yehowa ŋɔɔ lɛ, ejie enaanyobɔɔ afɔle lɛ fã ko ehã Yehowa.+ 30  Lɛ diɛŋtsɛ ehiɛ fɔ+ lɛ kɛ tsitsi lɛ yɛ edɛ̃ kɛba akɛ afɔle ni akɛ la shãa ahãa Yehowa, ni efɔ̃ kɛya kɛba yɛ Yehowa hiɛ akɛ fɔ̃ɔ afɔle.+ 31  Osɔfo lɛ ashã fɔ lɛ yɛ afɔleshaa latɛ lɛ nɔ,+ shi tsitsi lɛ atsɔ Aaron kɛ ebihii lɛ anɔ.+ 32  “‘Nyɛkɛ kooloi ni nyɛkɛshãa naanyobɔɔ afɔlei lɛ asɛɛgbɛ nanejurɔ lɛ ahãa osɔfo lɛ akɛ gbɛfaŋnɔ krɛdɛɛ.*+ 33  Aaron binuu ni kɛ naanyobɔɔ afɔlei lɛ alá kɛ fɔ lɛ baahã lɛ baaŋɔ nanejurɔ lɛ akɛ egbɛfaŋnɔ.+ 34  Ejaakɛ fɔ̃ɔ afɔle lɛ tsitsi lɛ kɛ gbɛfaŋnɔ krɛdɛɛ lɛ nane lɛ, miŋɔ kɛjɛ Israelbii lɛ anaanyobɔɔ afɔlei lɛ amli, ni mikɛhã osɔfo Aaron kɛ ebihii lɛ, ni enɛ atsɔ mla* ni kã shi daa hã Israelbii lɛ.+ 35  “‘Enɛ ji afɔlei ni akɛ la shãa ahãa Yehowa lɛ amli nɔ ni ajie ato ahã osɔfoi lɛ, ni ji Aaron kɛ ebihii lɛ, yɛ gbi nɔ ni ekɛ amɛ ba ní amɛbasɔmɔ akɛ osɔfoi amɛhã Yehowa lɛ.+ 36  Yehowa fã ní ahe gbɛfaŋnɔ nɛɛ yɛ Israelbii lɛ adɛŋ ahã amɛ yɛ gbi ni afɔ amɛ mu+ lɛ nɔ. Eji mla ni kã shi daa yɛ amɛyinɔi fɛɛ amli.’” 37  Enɛ ji mla ni kɔɔ shãa afɔle+ lɛ, kɛ ŋmaa afɔle+ lɛ, kɛ esha afɔle+ lɛ, kɛ sɔ̃ afɔle+ lɛ, kɛ osɔfowomɔ afɔle+ lɛ, kɛ naanyobɔɔ afɔle+ lɛ he, 38  tamɔ bɔ ni Yehowa fã Mose yɛ Sinai Gɔŋ lɛ nɔ,+ yɛ gbi nɔ ni efã Israelbii lɛ akɛ amɛkɛ amɛfɔlei lɛ abahã Yehowa yɛ Sinai ŋa lɛ nɔ lɛ.+

Shishigbɛ Niŋmaa

Hebri sht. ŋm., “ahã eje lasu.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Loo “akpaanɔi.”
Hebri sht. ŋm., “Ejie afɔlei.”
Loo “krɔŋkrɔŋ.”
Loo “susuma.”
Loo “susuma fɛɛ susuma.”
Loo “susuma.”
Loo “agbe lɛ.”
Loo “susuma.”
Loo “agbe lɛ.”
Loo “abaagbe lɛ.”
Loo “Susuma fɛɛ susuma.”
Loo “agbe lɛ.”
Loo “krɔŋkrɔŋ.”
Loo “taomɔ nii.”