3 Mose 2:1-16

  • Ŋmaa afɔle lɛ (1-16)

2  “‘Agbɛnɛ, kɛ́ mɔ* ko kɛ ŋmaa* afɔle+ miiba ebahã Yehowa lɛ, ekɛ ashikishaŋ kpakpa aba, ni efɔse mu eshwie nɔ, ní ekɛ frankinsɛnsi ashwie nɔ.+  Ni ekɛbahã Aaron bihii lɛ, ni ji osɔfoi lɛ, ni osɔfo lɛ baakpiti ashikishaŋ kpakpa kɛ mu lɛ kɛ frankinsɛnsi fɛɛ ni jwere nɔ lɛ ekɔkɔ obɔ, ni ebaashã* yɛ afɔleshaa latɛ lɛ nɔ akɛ kaimɔ afɔle,*+ afɔle ni akɛ la shãa ni jeɔ ŋma jogbaŋŋ* woɔ Yehowa.  Ŋmaa afɔle lɛ mli nɔ ni baashwɛ lɛ fɛɛ lɛ, Aaron kɛ ebihii lɛ anɔ ni,+ eji afɔlei ni akɛ la shãa ahãa Yehowa lɛ amli nɔ ko ni yɔɔ krɔŋkrɔŋ fe fɛɛ.+  “‘Kɛ́ ŋmaa afɔle ni okɛbaa lɛ ji nɔ ko ni ashã yɛ flɔnɔɔ mli lɛ, no lɛ, efee nɔ ni akɛ ashikishaŋ kpakpa fee, ni ji blodoi ni ashikishaŋ-sha* bɛ mli ni abɔlɔ lɛ tamɔ gai ni akɛ mu efutu, loo akpɔɔnɔi* ni ashikishaŋ-sha bɛ mli ni akɛ mu ekpa he.+  “‘Kɛ́ ofɔle lɛ ji ŋmaa afɔle ni ashã yɛ kã tɛtrɛɛ nɔ lɛ,+ no lɛ, efee nɔ ni akɛ ashikishaŋ kpakpa ni ashikishaŋ-sha* bɛ mli ni akɛ mu efutu fee.  Akumɔ mli, ni ofɔse mu oshwie nɔ.+ Ŋmaa afɔle ni.  “‘Kɛ́ ofɔle lɛ ji ŋmaa afɔle ni ashĩ yɛ pan mli lɛ, no lɛ, efee nɔ ni akɛ ashikishaŋ kpakpa kɛ mu fee.  Okɛ ŋmaa afɔle ni akɛ nibii nɛɛ fee lɛ abahã Yehowa, ni akɛbaahã osɔfo lɛ, ni lɛ hu ekɛbaaba afɔleshaa latɛ lɛ he.  Ni osɔfo lɛ baaŋɔ ŋmaa afɔle lɛ eko akɛ kaimɔ afɔle,*+ ni ebaashã yɛ afɔleshaa latɛ lɛ nɔ akɛ afɔle ni akɛ la shãa ni jeɔ ŋma jogbaŋŋ* woɔ Yehowa.+ 10  Ŋmaa afɔle lɛ mli nɔ ni baashwɛ lɛ, Aaron kɛ ebihii lɛ anɔ ni, ni eji afɔlei ni akɛ la shãa ahãa Yehowa lɛ amli nɔ ko ni yɔɔ krɔŋkrɔŋ fe fɛɛ.+ 11  “‘Ŋmaa afɔlei ni nyɛkɛbahãa Yehowa lɛ, ashikishaŋ-sha* akahi eko eko mli,+ ejaakɛ esaaa akɛ nyɛshãa ashikishaŋ-sha loo wo ko kwraa akɛ afɔle ni akɛ la shãa ahãa Yehowa. 12  “‘Nyɛbaanyɛ nyɛkɛ nibii nɛɛ abahã Yehowa akɛ klɛŋklɛŋ yibii+ afɔle, shi esaaa akɛ akɛbaa afɔleshaa latɛ lɛ nɔ akɛ afɔle ni jeɔ ŋma jogbaŋŋ.* 13  “‘Ŋmaa afɔle fɛɛ ŋmaa afɔle ni okɛbaahã lɛ, okɛ ŋoo awo mli; hã ŋoo ni kaiɔ bo o-Nyɔŋmɔ lɛ kpaŋmɔ lɛ ahi oŋmaa afɔle mli be fɛɛ be. Afɔle fɛɛ afɔle ni okɛbaahã lɛ, okɛ ŋoo afata he.+ 14  “‘Kɛ́ okɛ klɛŋklɛŋ yibii miiba abahã Yehowa akɛ ŋmaa afɔle lɛ, okɛ ŋmaa hee* ni ashĩ yɛ la nɔ, ŋmaa hee ní awiɛ ni boko aba akɛ oklɛŋklɛŋ yibii+ lɛ amli ŋmaa afɔle. 15  Okɛ mu ashwie nɔ, ni okɛ frankinsɛnsi hu ashwie nɔ. Ŋmaa afɔle ni. 16  Osɔfo lɛ baashã enɛ, ni tsɔɔ akɛ, ebaashã ŋmaa ni awiɛ ni boko lɛ kɛ mu lɛ eko kɛ frankinsɛnsi fɛɛ ni jwere nɔ lɛ, akɛ kaimɔ afɔle,*+ afɔle ni akɛ la shãa ahãa Yehowa.

Shishigbɛ Niŋmaa

Loo “susuma.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Hebri sht. ŋm., “ebaahã eje lasu.”
Loo “ŋma ni akɛkpãtãa mɔ; ŋma ni jɔɔ mɔ tsui he.” Hebri sht. ŋm., “ŋma ni hãa mɔ he jɔɔ lɛ.”
Loo “akpaanɔi.”
Loo “ŋma ni akɛkpãtãa mɔ; ŋma ni jɔɔ mɔ tsui he.” Hebri sht. ŋm., “ŋma ni hãa mɔ he jɔɔ lɛ.”
Loo “ŋma ni akɛkpãtãa mɔ; ŋma ni jɔɔ mɔ tsui he.” Hebri sht. ŋm., “ŋma ni hãa mɔ he jɔɔ lɛ.”
Loo “ŋmaa ŋmɔŋ; ŋmaa fɔ.”