2 Samuel 23:1-39

  • David naagbee wiemɔi (1-7)

  • Nibii ni David tawulɔi kãkãlɔi lɛ fee (8-39)

23  David naagbee wiemɔi nɛ:+ “Yishai binuu+ David wiemɔ lɛ,Mɔ ni awó enɔ gojoo+ lɛ wiemɔ lɛ,Mɔ ni Yakob Nyɔŋmɔ lɛ efɔ lɛ mu+ lɛ,Mɔ ni naa ŋɔɔ kɛ Israel lalai lɛ alamɔ*+ lɛ.   Yehowa mumɔ lɛ tsɔ minɔ ewie;+Ewiemɔ lɛ kã mililɛi nɔ.+   Israel Nyɔŋmɔ lɛ wie;Israel Tɛsaa+ lɛ kɛɛ mi akɛ: ‘Kɛ́ jalɔ miiye adesai anɔ,+Ni eeye nɔ kɛ Nyɔŋmɔ gbeyeishemɔ lɛ,+   Etamɔ leebi la be ni hulu eje,+Leebi ni atatu ko bɛ. Etamɔ bɔ ni jeŋ tseɔ heŋŋ yɛ nugbɔnɛmɔ sɛɛ,Ni hãa jwɛi kwɛ̃ɔ kɛjɛɔ shikpɔŋ lɛ.’+   Ani jeee nakai mishĩa lɛ ji yɛ Nyɔŋmɔ hiɛ? Ejaakɛ ekɛ mi ekpaŋ naanɔ kpaŋmɔ,+Ni eto he gbɛjianɔ fitsofitso, ni ekuŋ mli kɔkɔɔkɔ. Ejaakɛ no nɔ miyiwalaheremɔ kɛ mimiishɛɛ fɛɛ damɔ,Ani jeee no hewɔ ehãa mishĩa lɛ shwereɔ lɛ?+   Shi ashɛrɛɔ yaka gbɔmɛi ashwieɔ+ tamɔ ŋmei tsei,Ejaakɛ anyɛɛɛ akɛ niji aloo.   Dani mɔ ko baata amɛhe lɛ,Ja ehiɛ dade kɛ akpɔlɔ sɛɛtso,Ni esa akɛ akɛ la ashã amɛ kwraa yɛ he ni amɛjwere lɛ.”  David tawulɔi kãkãlɔi+ lɛ agbɛ́ii nɛ: Yosheb-bashebet, Takemonnyo lɛ, lɛ ji nɔkwɛlɔ yɛ mɛi etɛ lɛ ateŋ.+ Be ko lɛ, ekɛ ekpɔlɔ lɛ gbe mɛi 800.  Esɛɛ lɛ, Eleazar,+ Ahohi binuu Dodo+ binuu lɛ, eyɛ tawulɔi kãkãlɔi etɛ ni fata David he lɛ ateŋ be ni amɛbɔ Filistibii lɛ ahora lɛ. No mli lɛ, amɛbua amɛhe naa kɛhã ta, ni be ni Israel hii lɛ jo foi lɛ, 10  edamɔ enaji anɔ ni egbe Filistibii lɛ aahu kɛyashi enijiaŋ jɔ, ni enine fee shikplikpii yɛ klante lɛ ni ehiɛ mli kpɛŋŋ lɛ hewɔ.+ No hewɔ lɛ, Yehowa ye kunim kpele* yɛ nakai gbi lɛ nɔ;+ ni mɛi lɛ yi esɛɛ ni amɛkpɔlɔ mɛi ni egboi lɛ ahe nibii. 11  Esɛɛ lɛ, Shama, Hararnyo Agee binuu lɛ. Filistibii lɛ bua amɛhe naa yɛ Lehi, he ni shikpɔŋ ko ni adu akwɛ̃i* babaoo yɛ nɔ lɛ yɔɔ lɛ; ni maŋbii lɛ jo foi yɛ Filistibii lɛ ahewɔ. 12  Shi edamɔ ŋmɔ lɛ teŋ tuuntu ni efã ŋmɔ lɛ he, ni egbe Filistibii lɛ, no hewɔ lɛ, Yehowa ye kunim kpele.*+ 13  Nɔkwɛlɔi 30 lɛ ateŋ mɛi etɛ kpeleke shi kɛtee David ŋɔɔ yɛ Adulam+ tɛkplo lɛ mli yɛ nikpamɔ be lɛ mli; no mli lɛ, Filistibii lɛ asraafoi akuu ko ebɔ nsara* yɛ Refaim Jɔɔ+ lɛ mli. 14  No mli lɛ, David yɛ teemɔhe lɛ,+ ni Filistibii lɛ asraafoi akuu ko yɛ Betlehem. 15  Kɛkɛ ni David hã ana akɛ nɔ ko miiba etsine, ni ekɛɛ: “Eji maná bu ni akɛtoɔ nu ni yɔɔ Betlehem agbó lɛ masɛi lɛ mli nu kulɛ, manu waa!” 16  Kɛkɛ ni tawulɔi kãkãlɔi etɛ lɛ bote Filistibii lɛ ansara lɛ mli ekãa naa ni amɛyayɛ nu yɛ bu ni akɛtoɔ nu ni yɔɔ Betlehem agbó lɛ masɛi lɛ mli amɛbahã David; shi esumɔɔɔ ni enu ni efɔse eshwie shi ehã Yehowa.+ 17  Ekɛɛ akɛ: “Ao Yehowa, ekaba lɛ nakai kɔkɔɔkɔ yɛ migbɛfaŋ akɛ mafee enɛ! Ani esa akɛ minu hii ni kɛ amɛwala* wo oshãra mli nɛɛ alá lo?”+ No hewɔ lɛ, esumɔɔɔ ni enu. Nibii ni etawulɔi kãkãlɔi etɛ lɛ fee lɛ nɛ. 18  Zeruia binuu+ Abishai,+ ni ji Yoab nyɛmi nuu lɛ hu kwɛɔ mɛi etɛ kroko nɔ; ekɛ ekpɔlɔ lɛ gbe mɛi 300, ni ehe gbɛ́i tamɔ mɛi etɛ lɛ nɔŋŋ.+ 19  Eyɛ mli akɛ lɛ ji mɔ ni bɔɔ mɔdɛŋ fe fɛɛ yɛ mɛi etɛ kroko lɛ ateŋ, ni lɛ ji amɛnɔkwɛlɔ moŋ, shi enáaa gbɛnaa ni klɛŋklɛŋ mɛi etɛ lɛ ná lɛ. 20  Benaia,+ Yehoiada binuu lɛ, ji nuu ko ni yɔɔ ekãa ni tsu nitsumɔi kpelei babaoo yɛ Kabzeel.+ Egbe Ariel, Moabnyo lɛ bihii enyɔ lɛ, ni ebote nubu ko mli ni eyagbe jata yɛ snoo gbi nɔ.+ 21  Egbe Ejipt nuu ko ni kwɔ ni eti waa hu. Eyɛ mli akɛ Ejiptnyo lɛ hiɛ akpɔlɔ yɛ edɛŋ moŋ, shi ekɛ tso tee enɔ ni eshɔ̃ akpɔlɔ lɛ yɛ Ejiptnyo lɛ dɛŋ, ni ekɛ nuu lɛ diɛŋtsɛ akpɔlɔ lɛ gbe lɛ. 22  Enɛɛmɛi ji nibii ni Benaia, Yehoiada binuu lɛ fee, ni ehe gbɛ́i tamɔ hii kãkãlɔi etɛ lɛ nɔŋŋ. 23  Eyɛ mli akɛ ebɔ mɔdɛŋ waa fe mɛi 30 lɛ moŋ, shi enáaa gbɛnaa ni mɛi etɛ lɛ ná lɛ. Shi David hala lɛ koni ekwɛ ehebulɔi lɛ anɔ. 24  Asahel,+ Yoab nyɛmi nuu lɛ, ji mɛi 30 lɛ ateŋ mɔ kome; tawulɔi kãkãlɔi lɛ ateŋ mɛi komɛi nɛ: Elhanan, ni ji Dodo, ni jɛ Betlehem lɛ binuu lɛ,+ 25  kɛ Shama, Harodnyo lɛ, kɛ Elika, Harodnyo lɛ, 26  kɛ Helez,+ Paltinyo lɛ, kɛ Ira,+ Tekonyo Ikesh binuu lɛ, 27  kɛ Abiezer,+ Anatotnyo+ lɛ, kɛ Mebunai, Hushanyo lɛ, 28  kɛ Zalmon, Ahohinyo lɛ, kɛ Maharai,+ Netofatnyo lɛ, 29  kɛ Heleb, Netofatnyo Baanah binuu lɛ, kɛ Itai, ni ji Ribai ni jɛ Gibea ni yɔɔ Benyamin lɛ binuu lɛ, 30  kɛ Benaia,+ Piratonnyo lɛ, kɛ Hidai ni jɛ Gaash+ nujɔi* lɛ anaa lɛ, 31  kɛ Abi-albon, Bet-arabanyo* lɛ, kɛ Azmawet, Barhumnyo lɛ, 32  kɛ Eliaba, Shaalbonnyo lɛ, kɛ Yashen bihii lɛ, kɛ Yonatan, 33  kɛ Shama, Hararnyo lɛ, kɛ Ahiam, ni ji Hararnyo Sharar binuu lɛ, 34  kɛ Elifelet, ni ji Maakatnyo lɛ binuu Ahasbai binuu lɛ, kɛ Eliam, ni ji Gilonyo Ahitofel+ binuu lɛ, 35  kɛ Hezro, Karmelnyo lɛ, kɛ Paarai, Arabnyo* lɛ, 36  kɛ Igal, ni ji Natan ni jɛ Zoba lɛ binuu lɛ, kɛ Bani, Gadnyo lɛ, 37  kɛ Zelek, Amonnyo lɛ, kɛ Naharai, Beerotnyo lɛ, ni ji mɔ ni hiɛɔ Zeruia binuu Yoab tawuu nii lɛ, 38  kɛ Ira, Itrinyo lɛ, kɛ Gareb, Itrinyo+ lɛ, 39  kɛ Uria,+ Hitnyo lɛ,—mɛi lɛ fɛɛ feɔ 37.

Shishigbɛ Niŋmaa

Loo “Mɔ ni asumɔɔ ni afo ehe lalai yɛ Israel.”
Loo “Yehowa tsu yiwalaheremɔ nitsumɔ kpele.”
Akwɛ̃i ni awieɔ he yɛ biɛ lɛ ji yɔɔ henɔ ko ni atsɛɔ lɛ yɛ Blɔfo mli akɛ lentil lɛ.
Loo “Yehowa tsu yiwalaheremɔ nitsumɔ kpele.”
Loo “Filistibii lɛ efee mama tsũi.”
Loo “amɛsusumai.”
Loo “Arbatnyo.”
Loo “Arbnyo.”