2 Samuel 22:1-51

  • David jie Nyɔŋmɔ yi yɛ eyiwalaheremɔ nitsumɔi lɛ ahewɔ (1-51)

    • “Yehowa ji mitɛsaa” (2)

    • Yehowa yeɔ mɛi ni yeɔ lɛ anɔkwa lɛ anɔkwa (26)

22  Ni David kɛ Yehowa wie wiemɔi ni yɔɔ lala nɛɛ mli lɛ,+ yɛ gbi nɔ ni Yehowa jie lɛ kɛje ehenyɛlɔi lɛ fɛɛ+ kɛ Saul hu dɛŋ lɛ.+ 2  Ekɛɛ akɛ: “Yehowa ji mitɛsaa ni mibaa lɛ abo kɛ miteemɔhe+ kɛ mikpɔ̃lɔ.+  3  Mi-Nyɔŋmɔ lɛ ji mitɛsaa,+ mɔ mli ni mibaa abo yɛ,Mitsɛŋ+ kɛ miyiwalaheremɔ akolonto,* mibobaahe ni yɔɔ shweshweeshwe*+Kɛ he ni mijoɔ foi kɛyaa,+ miyiwalaherelɔ;+ bo ohereɔ mi kɛjeɔ awuiyelɔi adɛŋ.  4  Mabo matsɛ Yehowa, mɔ ni sa yijiemɔ lɛ,Ni ebaahere mi kɛje mihenyɛlɔi lɛ adɛŋ.  5  Ŋshɔkei ni gbeɔ mɔ kuɔ kɛbɔleɔ mi kɛkpeɔ;+Yaka gbɔmɛi ba minɔ tamɔ nu afuai kɛfã mitsui.+  6  Gbonyobu* kpãi bɔle mi;+Mikɛ gbele tsɔnei kpe.+  7  Mibo mitsɛ Yehowa yɛ mihaomɔ lɛ mli,+Mitee nɔ mibo mitsɛ mi-Nyɔŋmɔ lɛ. Kɛkɛ ni enu migbee kɛjɛ esɔlemɔ shĩa lɛ,Ni mibolɔmɔ kɛhã yelikɛbuamɔ lɛ bote etoiiaŋ.+  8  Shikpɔŋ lɛ hoso kɛtee kɛba ni ekpokpo;+Ŋwɛii faneshii lɛ jijaa+Ni ehoso kɛtee kɛba ejaakɛ emli* efu.+  9  Lasu fã kɛje egugɔŋ kɛtee ŋwɛi,Ni la ni shãa nii fã kpo yɛ edaaŋ;+Ŋai ni miitso jɛ eŋɔɔ. 10  Be ni ekpelekeɔ shi lɛ, ŋwɛi nyɔ mli,+Ni duŋ kpii yɛ enajiashi.+ 11  Eta kerub+ nɔ efiliki kɛba. Ana lɛ yɛ mumɔŋ bɔɔ nɔ+ ko fiji* anɔ. 12  Ni ekɛ duŋ ha ehe tamɔ mama tsũ,+Yɛ nugbɔ ni ewo tuŋŋ atatui kpiikpii amli. 13  Ŋai tso kɛjɛ kpɛmɔ ni yɔɔ ehiɛ lɛ mli. 14  Kɛkɛ ni Yehowa shimɔ kɛjɛ ŋwɛi;+Mɔ Ni Nɔ Kwɔ Fe Fɛɛ lɛ hã anu egbee.+ 15  Etsɛ̃ egãimlibii+ lɛ ni egbɛ amɛ eshwã;Ehã sarawai gbála ni efutu amɛyiŋ.+ 16  Ana ŋshɔ lɛ shishi;+Ana shikpɔŋ lɛ faneshii lɛ yɛ Yehowa kãmɔ lɛ hewɔ,Yɛ egugɔŋ mumɔ+ lɛ hũumɔ lɛ hewɔ. 17  Ejɛ ŋwɛi ekpã enine mli;Emɔ mimli ni esha mi kɛje nui ni mli kwɔlɔ lɛ amli.+ 18  Ejie mi kɛje mihenyɛlɔ ni he wa lɛ dɛŋ,+Kɛje mɛi ni nyɛɔ mi, ni he wa fe mi lɛ adɛŋ. 19  Amɛbatutua mi yɛ mimanehulu gbi lɛ nɔ,+Shi Yehowa ji misɛɛtso.* 20  Ejie mi kɛtee he ko ni yɔɔ shweshweeshwe;*+Ejie mi ejaakɛ eyɛ mihe miishɛɛ.+ 21  Yehowa jwereɔ mi yɛ mijalɛ lɛ hewɔ;+Etoɔ mi najiaŋ yɛ miniji ni he tse lɛ hewɔ.+ 22  Ejaakɛ minyiɛɔ Yehowa gbɛi lɛ anɔ,Ni mijeko mi-Nyɔŋmɔ lɛ sɛɛ yɛ gbɛ fɔŋ ko nɔ. 23  Eyiŋkpɛi*+ lɛ fɛɛ yɛ mihiɛ;Migbaŋ afã kɛjeŋ emlai lɛ ahe.+ 24  Mihãŋ shwamɔ ko ahi mihe+ yɛ ehiɛ,Ni matsi mihe kɛje efɔŋ he.+ 25  Yehowa ato mi najiaŋ yɛ mijalɛ lɛ hewɔ;+Yɛ mihe ni tse yɛ ehiɛ lɛ hewɔ.+ 26  Mɔ ni yeɔ anɔkwa lɛ, oyeɔ lɛ anɔkwa;+Mɔ ni bɔɔ mɔdɛŋ ni ehe akahi shwamɔ ko lɛ, ojieɔ ohe kpo otsɔɔ lɛ akɛ mɔ ni he bɛ shwamɔ ko;+ 27  Mɔ ni he tse lɛ, ojieɔ ohe kpo otsɔɔ lɛ akɛ mɔ ni he tse,+Shi mɔ ni ekɔ̃dɔ̃ egbɛ lɛ, ojieɔ ohe kpo otsɔɔ lɛ akɛ mɔ ni hiɛ tɛ̃.*+ 28  Ejaakɛ ohereɔ heshibalɔi,+Shi okɛ hiŋmɛi ko kwɛɔ henɔwolɔi, ni obaa amɛ shi.+ 29  Ejaakɛ Yehowa, bo ji mikane;+Yehowa ji mɔ ni hãa miduŋ lɛ mli tseɔ.+ 30  Oyeɔ obuaa mi ni minyɛɔ miwuɔ mishiɔ ojotswalɔi ata;Nyɔŋmɔ hewalɛ mikɛtuɔ gbogbo.+ 31  Anɔkwa Nyɔŋmɔ lɛ gbɛ lɛ ja kɛmɔ shi;+Yehowa wiemɔ lɛ he tse.+ Eji tsɛŋ kɛhã mɛi fɛɛ ni baa lɛ abo lɛ.+ 32  Ejaakɛ namɔ ji Nyɔŋmɔ yɛ Yehowa sɛɛ?+ Ni namɔ ji tɛsaa akɛ ja wɔ-Nyɔŋmɔ lɛ?+ 33  Anɔkwa Nyɔŋmɔ lɛ ji mimɔɔ ni wa,+Ni ebaahã migbɛ lɛ aja kɛmɔ shi.+ 34  Ehãa minaji feɔ tamɔ baayelɔ naji;Ehãa midamɔɔ hei ni kwɔlɔ.+ 35  Etsɔɔ miniji tawuu;Miniji nyɛɔ edɔɔ akɔɔble gãi mli. 36  Okɛ oyiwalaheremɔ tsɛŋ lɛ hãa mi,Ni oheshibaa lɛ hãa mitsɔɔ mɔ wulu.+ 37  Olɛɔ nanegbɛ ni minyiɛ nɔ lɛ mli;Minaji shaneŋ.*+ 38  Matiu mihenyɛlɔi lɛ, ni makpãtã amɛhiɛ;Mikuŋ misɛɛ kɛyashi mabule amɛshishi. 39  Ni mabule amɛshishi ni majwara amɛ, koni amɛkate shi dɔŋŋ;+Amɛbaagbeegbee shi yɛ minajiashi. 40  Obaawaje mi kɛhã ta lɛ;+Obaahã mihenyɛlɔi lɛ agbeegbee shi yɛ mihiɛ.+ 41  Obaahã mihenyɛlɔi lɛ ajo foi yɛ mihiɛ;*+ Makpãtã mɛi ni nyɛɔ mi lɛ ahiɛ.*+ 42  Amɛbolɔɔ koni aye abua amɛ, shi mɔ ko bɛ ni baahere amɛ;Amɛbolɔɔ amɛtsɛɔ Yehowa po, shi ehereee amɛ nɔ.+ 43  Mashimɔ amɛ munyɔmunyɔ tamɔ shikpɔŋ lɛ nɔ mulu;Mawiɛ amɛ ni manaanaa amɛnɔ tamɔ gbɛjegbɛi anɔ ŋmɔtɔ. 44  Obaajie mi kɛje mimaŋbii lɛ ateŋ mɛi ni taoɔ mihe sane fɔŋ lɛ adɛŋ.+ Obaabu mihe koni matsɔ jeŋmaji anɔ onukpa;+Mɛi ni mileee po baasɔmɔ mi.+ 45  Gbɔi baaba abakoto mihiɛ;+Nɔ ni amɛbaanu yɛ mihe lɛ baahã amɛbo mi toi.* 46  Gbɔi anijiaŋ baaje wui;*Amɛbaafã kpo kɛje amɛteemɔhei lɛ kɛ hekpokpomɔ. 47  Yehowa hiɛ kã! Ajie mi-Tɛsaa+ lɛ yi! Awó mi-Nyɔŋmɔ, ni ji miyiwalaheremɔ tɛsaa lɛ nɔ gojoo.+ 48  Anɔkwa Nyɔŋmɔ lɛ tɔɔ mihe owele;+Ebaa mɛi lɛ ashi ewoɔ mishishi;+ 49  Ejieɔ mi kɛjeɔ mihenyɛlɔi lɛ adɛŋ. Owóɔ minɔ gojoo+ yɛ mɛi ni tutuaa mi lɛ anɔ;Ohereɔ mi kɛjeɔ nuu awuiyelɔ lɛ dɛŋ.+ 50  Ao Yehowa, no hewɔ ni mada bo shi yɛ jeŋmaji lɛ ateŋ,+Ni malá majie* ogbɛ́i lɛ yi lɛ:+ 51  Ehãa emaŋtsɛ lɛ yeɔ kunim kpelei;*+Ejieɔ suɔmɔ ni tsakeee kpo etsɔɔ mɔ ni efɔ lɛ mu lɛ,Etsɔɔ David kɛ eseshi* lɛ kɛyaa naanɔ.”+

Shishigbɛ Niŋmaa

Loo “miyiwalaherelɔ ni he wa.” Kwɛmɔ Wiemɔi Titrii Amligbalamɔ lɛ.
Loo “migɔŋ nɔ mɔɔ ni yɔɔ shweshweeshwe.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Ni ji, Nyɔŋmɔ.
Loo “yɛ kɔɔyɔɔ fiji.”
Loo “Yehowa ye ebua mi.”
Loo “he ko ni da.”
Loo “Ekojomɔi.”
Shishitsɔɔmɔi komɛi kɛɔ akɛ, “ojieɔ ohe kpo otsɔɔ lɛ tamɔ mɔ ko ni bɛ yitsoŋ.”
Loo “Minanetalɔi lɔŋeŋ.”
Loo “Obaahã mihenyɛlɔi lɛ asɛɛ akwɛ mi.”
Loo “Mahã mɛi ni nyɛɔ mi lɛ afee dioo.”
Hebri sht. ŋm., “Kɛ́ toi nu lɛ, amɛbaabo mi toi.”
Loo “baalaaje.”
Loo “matswa lala kɛjie.”
Loo “Etsuɔ yiwalaheremɔ nitsumɔi kpelei ehãa emaŋtsɛ lɛ.”
Hebri sht. ŋm., “edumɔwu.”