2 Mose 7:1-25

  • Yehowa wo Mose hewalɛ (1-7)

  • Aaron tso lɛ tsɔ onufu agbo (8-13)

  • Haomɔ 1: nu tsɔ lá (14-25)

7  Ni Yehowa kɛɛ Mose akɛ: “Naa, mihã otsɔ tamɔ Nyɔŋmɔ* ohã Farao, ni bo diɛŋtsɛ onyɛmi nuu Aaron baatsɔ ogbalɔ.+  Kɛɛmɔ onyɛmi nuu Aaron nɔ fɛɛ nɔ ni mafã bo akɛ owie lɛ, ni lɛ ekɛ Farao baawie, ni ebaahã Israelbii lɛ aje eshikpɔŋ lɛ nɔ aya.  Mi lɛ, maŋmɛ gbɛ ní Farao akpiliŋ etsui,+ ni mafee okadii kɛ naakpɛɛ nii babaoo yɛ Ejipt shikpɔŋ lɛ nɔ.+  Shi Farao boŋ nyɛ toi, ni mikɛ minine baaŋmɛ Ejipt nɔ, ni magbala Ejipt toi waa kɛjie* miwebii babaoo* lɛ, mimaŋ lɛ, ni ji Israelbii lɛ kɛje Ejipt shikpɔŋ lɛ nɔ.+  Ni kɛ́ mikpã minine mli mishi Ejipt ni mijie Israelbii lɛ kɛje amɛteŋ lɛ, Ejiptbii lɛ baaná ale akɛ miji Yehowa lɛ.”+  Mose kɛ Aaron fee bɔ ni Yehowa fã amɛ lɛ; nakai pɛpɛɛpɛ amɛfee.  Mose eye afii 80 ni Aaron hu eye afii 83 be ni amɛkɛ Farao wie lɛ.+  Agbɛnɛ, Yehowa kɛɛ Mose kɛ Aaron akɛ:  “Kɛ́ Farao kɛɛ nyɛ akɛ, ‘Nyɛfea naakpɛɛ nɔ ko lɛ,’ no lɛ, kɛɛmɔ Aaron akɛ, ‘Kɔ otso lɛ, ni oshɛ ofɔ̃ shi yɛ Farao hiɛ.’ Ebaatsɔ onufu agbo.”+ 10  No hewɔ lɛ, Mose kɛ Aaron tee Farao ŋɔɔ ni amɛyafee bɔ ni Yehowa fã amɛ lɛ pɛpɛɛpɛ. Aaron shɛ etso lɛ efɔ̃ shi yɛ Farao kɛ etsuji lɛ ahiɛ, ni tso lɛ tsɔ onufu agbo. 11  Shi Farao hã ayatsɛ hiɛshikalɔi lɛ kɛ ŋkunyaayelɔi lɛ kɛba, ni Ejipt majikfeelɔi+ lɛ hu kɛ amɛmajik ŋai* lɛ fee nakai nɔŋŋ.+ 12  Amɛteŋ mɔ fɛɛ mɔ shɛ etso efɔ̃ shi, ni tsei lɛ tsɔmɔ onufui agboi; shi Aaron tso lɛ mi amɛtsei lɛ. 13  Kɛ̃lɛ, Farao tsuiŋ wa lolo,+ ni ebooo amɛ toi, tamɔ bɔ ni Yehowa ekɛɛ lɛ. 14  Ni Yehowa kɛɛ Mose akɛ: “Farao tsuiŋ wa.+ Ehãaa maŋ lɛ aya. 15  Leebi lɛ, yaa Farao ŋɔɔ. Naa! Eeje kpo kɛmiiya Nilo Faa lɛ naa. Ni yaadamɔ Faa lɛ naa koni okɛ lɛ akpe yɛ jɛmɛ; ni kɛ́ ooya lɛ, kɔ tso ni tsɔ onufu lɛ ohiɛ odɛ̃ kɛya.+ 16  Ni okɛɛ lɛ akɛ, ‘Yehowa, Hebribii lɛ a-Nyɔŋmɔ lɛ, tsu mi oŋɔɔ,+ ni ekɛɛ: “Hã mimaŋ lɛ aya koni amɛyasɔmɔ mi yɛ ŋa lɛ nɔ,” shi kɛbashi amrɔ nɛɛ, oboko toi. 17  Nɔ ni Yehowa kɛɛ nɛ: “Enɛ okɛbaale akɛ miji Yehowa lɛ.+ Naa, mikɛ tso ni mihiɛ yɛ midɛ̃ lɛ baatswa Nilo Faa lɛ mli nu lɛ, ni ebaatsɔ lá. 18  Ni loi ni yɔɔ Nilo lɛ mli lɛ baagboi, ni Nilo lɛ baaje fu, ni Ejiptbii lɛ nyɛŋ anu Nilo lɛ mli nu.”’” 19  Ni Yehowa kɛɛ Mose akɛ: “Kɛɛmɔ Aaron akɛ, ‘Kɔ otso lɛ ni okpã onine mli yɛ Ejipt nui lɛ anɔ,+ yɛ efai lɛ anɔ, yɛ enujɔi ní aje gbɛ agbála lɛ anɔ, yɛ enui ní tara shi lɛ anɔ,+ kɛ enui ní abua naa ato lɛ fɛɛ anɔ, koni fɛɛ atsɔmɔ lá.’ Ejipt shikpɔŋ lɛ nɔ fɛɛ baayi kɛ lá, ni nui ni yɔɔ tso kɛ tɛ nibii ní akɛ nu woɔ mli lɛ amli lɛ po baatsɔ lá.” 20  Amrɔ lɛ, Mose kɛ Aaron fee bɔ ni Yehowa fã amɛ lɛ pɛpɛɛpɛ. Ewó tso lɛ nɔ, ni ekɛtswa Nilo Faa lɛ mli nu lɛ yɛ Farao kɛ etsuji lɛ ahiɛ, ni faa lɛ mli nu lɛ fɛɛ tsɔ lá.+ 21  Ni loi ni yɔɔ faa lɛ mli lɛ gboi,+ ni faa lɛ bɔi fujee, ni Ejiptbii lɛ nyɛɛɛ anu Nilo lɛ mli nu lɛ,+ ni Ejipt shikpɔŋ lɛ nɔ fɛɛ lɛ, lá sɔŋŋ. 22  Kɛ̃lɛ, Ejipt majikfeelɔi lɛ hu kɛ amɛmajikfeemɔ ŋai* lɛ fee nakai nɔŋŋ,+ ni no hewɔ lɛ, Farao tee nɔ ekpiliŋ etsui, ni ebooo amɛ toi, tamɔ bɔ ni Yehowa ekɛɛ lɛ.+ 23  Ni Farao ku esɛɛ kɛtee eshĩa, ni ehãaa enɛ hu agba enaa kwraa. 24  No hewɔ lɛ, Ejiptbii lɛ fɛɛ tsatsaa Nilo lɛ hewɔ fɛɛ koni amɛná nu amɛnu, ejaakɛ amɛnyɛɛɛ amɛnu Nilo lɛ mli nu lɛ eko kwraa. 25  Ni be ni Yehowa hã Nilo lɛ tsɔ lá* sɛɛ lɛ, gbii kpawo baho.

Shishigbɛ Niŋmaa

Hebri sht. ŋm., “mihã otsɔ Nyɔŋmɔ.”
Loo “ni mikɛ kojomɔi wuji baajie.”
Hebri sht. ŋm., “misraafoi.”
Loo “hesai.”
Loo “hesai.”
Loo “Yehowa tswa Nilo lɛ nɔ.”