2 Mose 20:1-26

  • Kitãi Nyɔŋma lɛ (1-17)

  • Nibii ni Israelbii lɛ na lɛ hã amɛshe gbeyei (18-21)

  • Jamɔ he gbɛtsɔɔmɔi (22-26)

20  Ni Nyɔŋmɔ wie wiemɔi nɛɛ fɛɛ akɛ:+  “Miji Yehowa, o-Nyɔŋmɔ lɛ, mɔ ni jie bo kɛje Ejipt shikpɔŋ lɛ nɔ lɛ, mɔ ni jie bo kɛje nyɔŋyeli shĩa lɛ.+  Kaaná nyɔŋmɔi krokomɛi yɛ misɛɛ.*+  “Kaafee amaga* ko loo nɔ* ko ni tamɔ nii ni yɔɔ ŋwɛi loo nii ni yɔɔ shikpɔŋ lɛ nɔ loo nii ni yɔɔ nui amli* lɛ eko ohã ohe.+  Kaakoto amɛ, ni kaahã alaka bo ni osɔmɔ amɛ hu,+ ejaakɛ mi, Yehowa, o-Nyɔŋmɔ lɛ, miji Nyɔŋmɔ ni biɔ ni ajá mikome too pɛ,+ ni mikɛ tsɛmɛi ni nyɛɔ mi lɛ atɔmɔi lɛ ahe toigbalamɔ baa bii anɔ, kɛ yinɔ ni ji etɛ kɛ yinɔ ni ji ejwɛ lɛ nɔ,  shi mijieɔ suɔmɔ ni tsakeee kpo mitsɔɔ mɛi ni sumɔɔ mi ni amɛyeɔ mikitãi lɛ anɔ+ lɛ aseshibii aahu kɛyashiɔ amɛseshibii lɛ ayinɔ ni ji akpe lɛ nɔ.  “Okɛ Yehowa, o-Nyɔŋmɔ lɛ, gbɛ́i akatsu nii yɛ gbɛ ni esaaa nɔ,+ ejaakɛ Yehowa gbalaa mɔ ni kɛ egbɛ́i lɛ tsuɔ nii yɛ gbɛ ni esaaa nɔ lɛ toi.+  “Ohiɛ ahi Hejɔɔmɔ Gbi lɛ nɔ, ní obu lɛ krɔŋkrɔŋ.+  Gbii ekpaa okɛtsu nii ní okɛfee onibii fɛɛ,+ 10  shi gbi ni ji kpawo lɛ ji hejɔɔmɔ gbi hã Yehowa, o-Nyɔŋmɔ lɛ. Kaatsu nitsumɔ ko kwraa, bo jio, obinuu jio, obiyoo jio, onyɔŋ nuu jio, onyɔŋ yoo jio, oshĩa kooloo jio, ogbɔ ni yɔɔ he ni oyɔɔ* lɛ jio.+ 11  Ejaakɛ gbii ekpaa Yehowa kɛfee ŋwɛi kɛ shikpɔŋ lɛ, kɛ ŋshɔ lɛ, kɛ nibii fɛɛ ni yɔɔ amɛmli lɛ, ni ebɔi ehe jɔɔmɔ yɛ gbi ni ji kpawo lɛ nɔ.+ No hewɔ ni Yehowa jɔɔ Hejɔɔmɔ Gbi lɛ ni efee lɛ krɔŋkrɔŋ lɛ. 12  “Okɛ woo ahã opapa kɛ omami+ koni owala sɛɛ atsɛ yɛ shikpɔŋ ni Yehowa, o-Nyɔŋmɔ lɛ, kɛhãa bo lɛ nɔ.+ 13  “Kaagbe gbɔmɔ.+ 14  “Kaafite gbãla.*+ 15  “Kaaju.+ 16  “Kaaye amale odase oshi onyɛmi gbɔmɔ.+ 17  “Kaashwe akɛ oná onyɛmi gbɔmɔ shĩa. Kaashwe akɛ oná onyɛmi gbɔmɔ ŋa+ loo enyɔŋ nuu loo enyɔŋ yoo loo etsina loo eteji loo nɔ fɛɛ nɔ ni ji onyɛmi gbɔmɔ nɔ lɛ.”+ 18  No mli lɛ, maŋbii lɛ fɛɛ miinu nugbɔshiimɔ lɛ kɛ tɛtɛrɛmantɛrɛ* gbɛɛmɔ lɛ, ni amɛmiina sarawagbalamɔi lɛ kɛ lasu ni fãa yɛ gɔŋ lɛ mli lɛ; ni enɛ ni amɛna lɛ hã amɛkpokpo, ni amɛdamɔ sɛɛ fɛlɛŋŋ.+ 19  No hewɔ lɛ, amɛkɛɛ Mose akɛ: “Bo okɛ wɔ awie, ni wɔbaabo toi, shi kaahã Nyɔŋmɔ kɛ wɔ wie, ejaakɛ wɔmiishe gbeyei akɛ wɔbaagboi.”+ 20  Enɛ hewɔ lɛ, Mose kɛɛ maŋbii lɛ akɛ: “Nyɛkashea gbeyei, ejaakɛ anɔkwa Nyɔŋmɔ lɛ eba koni ebaka nyɛ,+ bɔ ni afee ni nyɛya nɔ nyɛshe lɛ gbeyei koni nyɛkafee esha.”+ 21  No hewɔ lɛ, maŋbii lɛ tee nɔ amɛdamɔ sɛɛ fɛlɛŋŋ, shi Mose tsi ebɛŋkɛ atatu kpii lɛ, he ni anɔkwa Nyɔŋmɔ lɛ yɔɔ lɛ.+ 22  Kɛkɛ ni Yehowa kɛɛ Mose akɛ: “Nɔ ni okɛɛ Israelbii lɛ nɛ, ‘Nyɛ diɛŋtsɛ nyɛna akɛ ŋwɛi mijɛ mikɛ nyɛ wie lɛ.+ 23  Nyɛkɛ jwiɛtɛi akafea nyɔŋmɔi ni nyɛjáa amɛ nyɛfataa mihe, ni nyɛkɛ shika tsuru hu akafea nyɔŋmɔi nyɛhãa nyɛhe.+ 24  Okɛ sũ afee afɔleshaa latɛ ohã mi, ni oshã oshãa afɔlei lɛ, kɛ onaanyobɔɔ afɔlei* lɛ, kɛ otoi lɛ, kɛ otsinai lɛ yɛ nɔ. He fɛɛ he ni mahala akɛ ajá mi yɛ lɛ,*+ maba oŋɔɔ, ni majɔɔ bo. 25  Kɛ́ okɛ tɛi miifee afɔleshaa latɛ oohã mi lɛ, okɛ tɛi ni ako* akafee.+ Ejaakɛ kɛ́ okɛ tsisel tsu he nii lɛ, obule lɛ. 26  Ni kaakwɔ aŋtswele* kɛtee mifɔleshaa latɛ lɛ nɔ, koni oyayaiaŋ akaje kpo yɛ nɔ.’

Shishigbɛ Niŋmaa

Loo “Kaaná nyɔŋmɔi krokomɛi ní okɛte shi owo mi.”
Loo “amaga ni agbɔ; amaga ni akpɛ́.”
Loo “nɔ ko he mfoniri.”
Hebri sht. ŋm., “nui ni yɔɔ shikpɔŋ lɛ shishi lɛ amli.”
Hebri sht. ŋm., “ogbói lɛ amli.”
Kɛ́ mɔ ko ni ebote gbalashihilɛ mli yabɔ ajwamaŋ lɛ, no ji gbalafitemɔ.
Hebri sht. ŋm., “akolonto.”
Loo “otoiŋjɔlɛ afɔlei.”
Hebri sht. ŋm., “He fɛɛ he ni mahã akai migbɛ́i lɛ yɛ lɛ.”
Loo “okɛ tɛi ni akɛ nitsumɔ dadei ko.”
Loo “atswere; atrakpoi.”