2 Mose 11:1-10

  • Ajaje akɛ haomɔ ni ji nyɔŋma nɔ lɛ baaba (1-10)

    • Israelbii lɛ bi ni ake amɛ nii (2)

11  Ni Yehowa kɛɛ Mose akɛ: “Eshwɛ haomɔ kome ni mikɛbaaba Farao kɛ Ejipt nɔ. No sɛɛ lɛ, ebaahã nyɛshi biɛ nyɛya.+ Ni kɛ́ eŋmɛɛ nyɛhe akɛ nyɛya lɛ, shwiemɔ po ebaashwie nyɛ kɛje biɛ kɛya.+  Agbɛnɛ, kɛɛmɔ Israelbii lɛ akɛ, nuu fɛɛ nuu kɛ yoo fɛɛ yoo abi ekutsoŋnyo koni ehã lɛ jwiɛtɛi kɛ shika tsuru nibii.”+  Ni Yehowa hã Israelbii lɛ ahiɛ ba nyam yɛ Ejiptbii lɛ ahiɛ. Agbɛnɛ hu, Mose batsɔ mɔ ko ni Farao tsuji lɛ kɛ maŋbii lɛ buɔ lɛ waa yɛ Ejipt shikpɔŋ lɛ nɔ.  Ni Mose kɛɛ: “Nɔ ni Yehowa kɛɛ nɛ, ‘Aaafee nyɔɔŋteŋ lɛ, maje kpo mayakpa Ejipt,+  ni kromɔbi fɛɛ kromɔbi ni yɔɔ Ejipt shikpɔŋ lɛ nɔ lɛ baagbo,+ kɛjɛ Farao ni ta maŋtsɛ sɛi lɛ nɔ lɛ kromɔbi nɔ kɛyashi nyɔŋ yoo ni wiɛɔ nii yɛ wiɛtɛ nɔ lɛ kromɔbi nɔ, ni kooloi hu akromɔbii fɛɛ baagboi.+  Abaawo yara waa yɛ Ejipt shikpɔŋ lɛ nɔ fɛɛ bɔ ni anako enɔ dã, ni anaŋ eko hu dɔŋŋ.+  Shi Israelbii lɛ agbɛfaŋ lɛ, gbɔmɛi lɛ jio, amɛkooloi lɛ jio, gbee po eboŋ* ewoŋ amɛ, koni nyɛná nyɛle akɛ Yehowa baanyɛ ahã ana srɔto ni yɔɔ Ejiptbii lɛ kɛ Israelbii lɛ ateŋ.’+  Ni bɔ fɛɛ bɔ ni fee lɛ, otsuji lɛ fɛɛ baakpeleke shi kɛba miŋɔɔ amɛbakoto mi amɛkɛɛ, ‘Yaa, bo kɛ omaŋbii lɛ fɛɛ.’+ Ni no sɛɛ lɛ, maya.” Kɛkɛ ni ekɛ mlifu ni naa wa je Farao hiɛ etee.  Ni Yehowa kɛɛ Mose akɛ: “Farao boŋ bo toi,+ bɔ ni afee ni minaakpɛɛ nii lɛ afa yɛ Ejipt shikpɔŋ lɛ nɔ.”+ 10  Mose kɛ Aaron fee naakpɛɛ nii nɛɛ fɛɛ yɛ Farao hiɛ,+ shi Yehowa ŋmɛ gbɛ ni Farao kpiliŋ etsui ni ehãaa Israelbii lɛ ashi eshikpɔŋ lɛ nɔ aya.+

Shishigbɛ Niŋmaa

Hebri sht. ŋm., “gbee po jɔŋ elilɛi naa.”