2 Kronika 4:1-22

  • Afɔleshaa latɛ lɛ, Ŋshɔ lɛ, kɛ okpolui lɛ (1-6)

  • Kanetsei lɛ, okpɔlɔi lɛ, kɛ kpoi lɛ (7-11a)

  • Afee sɔlemɔ shĩa lɛ mli nibii lɛ agbe naa (11b-22)

4  Kɛkɛ ni efee akɔɔble afɔleshaa latɛ+ lɛ, ekɛlɛ ji ninetalɔi 20, ni elɛɛmɔ ji ninetalɔi 20, ni ekwɔlɛ ji ninetalɔi 10.  Ni ekɛ dade fee nu taŋki agbo ko ni atsɛɔ lɛ Ŋshɔ+ lɛ. Efee lɛ kokloo, ni kɛjɛ enaabu biɛ kɛyashi enaabu biɛ lɛ, efeɔ ninetalɔi 10,* ni ekwɔlɛ ji ninetalɔi 5, ni kɛ́ okɛ susumɔ kpãa bɔle he lɛ, efeɔ ninetalɔi 30.+  Ni aye tsene tɔi ahe samai+ yɛ enaabu lɛ shishi kɛbɔle he kɛkpe, tsene tɔi nyɔŋma yɛ ninetalɔ kome fɛɛ ninetalɔ kome mli yɛ Ŋshɔ lɛ he kɛkpe. Ni ato naa sɛrɛnɛɛ, nakai sɔŋŋ enyɔ kɛbɔle he, ni afee tsene tɔi lɛ kɛ Ŋshɔ lɛ fɛɛ shi kome.  Ema tsinahii 12 nɔ,+ 3 miikwɛ kooyi, 3 miikwɛ anai, 3 miikwɛ wuoyi, ni 3 hu miikwɛ bokã; ni Ŋshɔ lɛ ma amɛnɔ, ni amɛ fɛɛ amɛsɛɛ miikwɛ teŋgbɛ.  Ni etilɛ tamɔ dɛ̃ lɛɛmɔ;* ni afee enaabu tamɔ kɔɔpoo naabu, tamɔ lili fɔfɔi. Ebaanyɛ eye nu bat* susumɔnii 3,000.  Agbɛnɛ, efee okpolui nyɔŋma, ni ekɛ enumɔ mamɔ ninejurɔgbɛ ni ekɛ enumɔ hu mamɔ abɛkugbɛ.+ Amɛkɛ emli nu lɛ jaleɔ nibii ni akɛshãa shãa afɔle lɛ ahe.+ Shi osɔfoi lɛ pɛ ni kɛ Ŋshɔ lɛ mli nu lɛ fɔfɔlɔɔ amɛniji kɛ amɛnaji ahe.+  Kɛkɛ ni ekɛ shika tsuru fee kanetsei nyɔŋma,+ tamɔ bɔ ni atsɔɔ lɛ,+ ni ekɛmamɔ sɔlemɔ shĩa lɛ, ekɛ enumɔ mamɔ ninejurɔgbɛ ni ekɛ enumɔ hu mamɔ abɛkugbɛ.+  Agbɛnɛ hu, efee okpɔlɔi nyɔŋma ni ekɛmamɔ sɔlemɔ shĩa lɛ, ekɛ enumɔ mamɔ ninejurɔgbɛ ni ekɛ enumɔ hu mamɔ abɛkugbɛ;+ ni ekɛ shika tsuru fee tsɛnsii 100.  Kɛkɛ ni efee osɔfoi+ akpo+ lɛ kɛ kpo wulu+ lɛ kɛ kpo lɛ naa shinai lɛ, ni ekɛ akɔɔble ha amɛnaa shinai lɛ ahe. 10  Ni ekɛ Ŋshɔ lɛ ma shĩa lɛ ninejurɔgbɛ, kɛmiiya wuoyi-bokãgbɛ.+ 11  Hiram fee lamululoomɔnii lɛ, kɛ sofii lɛ, kɛ tsɛnsii lɛ hu.+ No hewɔ lɛ, Hiram gbe nitsumɔi fɛɛ ni etsu ehã Maŋtsɛ Solomon kɛhã anɔkwa Nyɔŋmɔ lɛ shĩa lɛ naa:+ 12  akulashiŋi enyɔ+ lɛ kɛ akekerei ni tamɔ tsɛnsii ni mamɔ akulashiŋi enyɔ lɛ anɔ lɛ; yaa he samai+ enyɔ ni yɔɔ akekerei enyɔ ni tamɔ tsɛnsii ni mamɔ akulashiŋi lɛ anɔ lɛ ahe lɛ; 13  pomegranet aduawai+ 400 ni yɔɔ yaa he samai enyɔ lɛ ahe, ni ji pomegranet aduawai ni eko kã eko nɔ yɛ yai lɛ eko fɛɛ eko he, yɛ akekerei enyɔ ni tamɔ tsɛnsii ni mamɔ akulashiŋi lɛ anɔ lɛ ahe lɛ;+ 14  nu shwiilii nyɔŋma lɛ, kɛ okpolui nyɔŋma ni hɔlɔ nu shwiilii lɛ amli lɛ;+ 15  Ŋshɔ lɛ kɛ tsinahii 12 ni yɔɔ Ŋshɔ lɛ shishi lɛ;+ 16  kɛ lamululoomɔnii lɛ, kɛ sofii lɛ, kɛ fakai lɛ,+ kɛ amɛhe nibii krokomɛi fɛɛ ni Hiram-abiv+ kɛ akɔɔble ni atsuu he fee ehã Maŋtsɛ Solomon kɛhã Yehowa shĩa lɛ. 17  Maŋtsɛ lɛ shɔ̃ nibii nɛɛ yɛ nishɔ̃ɔ sũ ni yɔɔ Sukot+ kɛ Zereda teŋ lɛ mli, yɛ Yordan kpokpaa lɛ nɔ. 18  Solomon fee nibii nɛɛ babaoo diɛŋtsɛ; aleee akɔɔble lɛ tsiimɔ.+ 19  Solomon fee nibii lɛ fɛɛ+ kɛhã anɔkwa Nyɔŋmɔ lɛ shĩa lɛ: shika tsuru afɔleshaa latɛ lɛ;+ okpɔlɔi+ lɛ ni hiɛmaa blodo lɛ maa nɔ lɛ;+ 20  kanetsei lɛ kɛ amɛhe kanei ni akɛ shika tsuru krɔŋŋ fee lɛ,+ koni amɛtso yɛ sɛɛtsu lɛ hiɛ tamɔ bɔ ni mla lɛ tsɔɔ lɛ; 21  kɛ fɔfɔii lɛ, kɛ kanei lɛ, kɛ nibɛɛnii* lɛ, akɛ shika tsuru, shika tsuru krɔŋŋ fee fɛɛ; 22  lagbeenii lɛ, kɛ tsɛnsii lɛ, kɛ kɔɔpoi lɛ, kɛ lajeenii lɛ, akɛ shika tsuru krɔŋŋ fee fɛɛ; kɛ tsũ lɛ shinaa lɛ, He Krɔŋkrɔŋ Fe Fɛɛ lɛ mligbɛ shinai lɛ,+ kɛ shinai ni yɔɔ sɔlemɔ shĩa lɛ tsũ lɛ naa lɛ, akɛ shika tsuru fee fɛɛ.+

Shishigbɛ Niŋmaa

Loo “enaa lɛɛmɔ feɔ ninetalɔi 10.”
Aaafee sɛntimitai 7.4 (iŋtsii 2.9). Kwɛmɔ Saji Krokomɛi B14 lɛ.
Bat kome feɔ litai 22 (galɔn 5.81). Kwɛmɔ Saji Krokomɛi B14 lɛ.
Loo “abɛɛlei.”