2 Maŋtsɛmɛi 2:1-25

  • Awó Elia kɛtee ŋwɛi yɛ ahum mli (1-18)

    • Elia gbalɔ atade lɛ batsɔ Elisha nɔ (13, 14)

  • Elisha hã Yeriko nu lɛ tsɔ nu krɔŋŋ (19-22)

  • Oshishibrishii gbe gbekɛbii hii komɛi ni jɛ Betel (23-25)

2  Be ni Yehowa miiba ebawó Elia+ kɛya ŋwɛi* yɛ kɔɔyɔɔ ni naa wa mli lɛ,+ Elia kɛ Elisha+ shi Gilgal.*+  Elia kɛɛ Elisha akɛ: “Ofainɛ, hii biɛ ejaakɛ Yehowa etsu mi Betel.” Shi Elisha kɛɛ akɛ: “Gbii abɔ ni Yehowa hiɛ kã ni bo hu ohiɛ* kã nɛɛ, mishiŋ bo.” No hewɔ lɛ, amɛkpeleke shi kɛtee Betel.+  Ni gbalɔi abii* ni yɔɔ Betel lɛ je kpo kɛba Elisha ŋɔɔ ni amɛbabi lɛ akɛ: “Ani ole akɛ ŋmɛnɛ lɛ, Yehowa baawó onuŋtsɔ kɛya koni ekakwɛ onɔ dɔŋŋ?”+ Kɛkɛ ni Elisha kɛɛ akɛ: “Mile momo. Nyɛfea diŋŋ.”  Ni Elia kɛɛ Elisha akɛ: “Elisha, ofainɛ, hii biɛ, ejaakɛ Yehowa etsu mi Yeriko.”+ Shi Elisha kɛɛ akɛ: “Gbii abɔ ni Yehowa hiɛ kã ni bo hu ohiɛ* kã nɛɛ, mishiŋ bo.” No hewɔ lɛ, amɛtee Yeriko.  Ni gbalɔi abii* ni yɔɔ Yeriko lɛ ba Elisha ŋɔɔ ni amɛbabi lɛ akɛ: “Ani ole akɛ ŋmɛnɛ lɛ, Yehowa baawó onuŋtsɔ kɛya koni ekakwɛ onɔ dɔŋŋ?” Kɛkɛ ni Elisha kɛɛ akɛ: “Mile momo. Nyɛfea diŋŋ.”  Agbɛnɛ Elia kɛɛ Elisha akɛ: “Ofainɛ, hii biɛ, ejaakɛ Yehowa etsu mi Yordan.” Shi Elisha kɛɛ akɛ: “Gbii abɔ ni Yehowa hiɛ kã ni bo hu ohiɛ* kã nɛɛ, mishiŋ bo.” No hewɔ lɛ, amɛyi enyɔ lɛ fɛɛ amɛtee.  Ni gbalɔi abii* lɛ ateŋ mɛi 50 hu nyiɛ amɛsɛɛ ni amɛyadamɔ he ko amɛmiikwɛ amɛ be ni amɛyi enyɔ lɛ damɔ Yordan Faa lɛ naa lɛ.  Elia jie egbalɔ atade+ lɛ ni ekota ni ekɛtswa nu lɛ mli, ni nu lɛ mli gba enyɔ kɛtee biɛ kɛ biɛ, no hewɔ lɛ, amɛyi enyɔ lɛ fɛɛ amɛnyiɛ shikpɔŋ gbiŋ nɔ kɛfo.+  Be ni amɛfo nɔŋŋ lɛ, Elia kɛɛ Elisha akɛ: “Bi mi nɔ ni osumɔɔ ni mafee mahã bo dani awó mi kɛje oŋɔɔ kɛya.” No hewɔ lɛ, Elisha kɛɛ lɛ akɛ: “Ofainɛ, masumɔ ni maná omumɔ*+ lɛ mlijai toi enyɔ.”+ 10  Elia kɛɛ akɛ: “Obi nɔ ko ni wa. Kɛ́ ona mi be ni awóɔ mi kɛjeɔ oŋɔɔ kɛyaa lɛ, no lɛ, ebaaba mli nakai ehã bo; shi kɛ́ onaaa mi lɛ, ebaŋ mli nakai.” 11  Be ni amɛnyiɛ kɛyaa ni amɛgbaa sane lɛ, trukaa lɛ la shwiili kɛ la okpɔŋɔi+ bagbala amɛyi enyɔ lɛ mli, ni kɔɔyɔɔ ni naa wa lɛ wó Elia kɛtee ŋwɛi.*+ 12  Be ni Elisha kwɛɔ nɔ ni yaa nɔ lɛ, ebolɔ akɛ: “Mitsɛ, mitsɛ! Naa! Israel shwiili lɛ kɛ ekpɔŋɔnɔtaralɔi lɛ!”+ Be ni enaaa Elia yisɛɛ dɔŋŋ lɛ, Elisha mɔ lɛ diɛŋtsɛ etadei lɛ amli ni egba mli enyɔ.+ 13  No sɛɛ lɛ, ekɔ Elia gbalɔ atade+ ni je Elia he egbee shi lɛ, ni eku esɛɛ eyadamɔ Yordan Faa lɛ naa. 14  Kɛkɛ ni ekɔ Elia gbalɔ atade ni je Elia he egbee shi lɛ, ni ekɛtswa nu lɛ mli ekɛɛ: “Nɛgbɛ Yehowa, Elia Nyɔŋmɔ lɛ yɔɔ?” Be ni ekɛtswa nu lɛ mli lɛ, nu lɛ mli gba enyɔ kɛtee biɛ kɛ biɛ, ni Elisha tsɔ teŋ.+ 15  Be ni gbalɔi abii* lɛ ni yɔɔ Yeriko lɛ na Elisha yɛ shɔŋŋ lɛ, amɛkɛɛ akɛ: “Elia mumɔ lɛ ebayi Elisha nɔ.”+ No hewɔ lɛ, amɛtee ni amɛkɛ lɛ yakpe ni amɛkula shi yɛ ehiɛ. 16  Kɛkɛ ni amɛkɛɛ lɛ akɛ: “Otsuji lɛ ateŋ hii kãkãlɔi 50 nɛ. Ofainɛ, hã amɛya ni amɛyatao onuŋtsɔ lɛ. Ekolɛ, benɛ Yehowa mumɔ* lɛ ewó lɛ ni eyashɛ lɛ efɔ̃ gɔji lɛ eko nɔ loo jɔi lɛ eko mli.”+ Shi ekɛɛ amɛ akɛ: “Nyɛkatsua amɛ.” 17  Shi amɛtee nɔ amɛye etsui aahu kɛyashi efee lɛ ahuntoo, no hewɔ lɛ, ekɛɛ akɛ: “Nyɛtsua amɛ.” Kɛkɛ ni amɛtsu hii 50 lɛ, ni amɛyatao lɛ aahu gbii etɛ, shi amɛnaaa lɛ. 18  Be ni amɛku amɛsɛɛ kɛba eŋɔɔ lɛ, no mli lɛ eyɛ Yeriko.+ Ni ekɛɛ amɛ akɛ: “Bɛ mikɛɛ nyɛ akɛ nyɛkayaa?” 19  Be ko sɛɛ lɛ, maŋbii lɛ kɛɛ Elisha akɛ: “Minuŋtsɔ ena akɛ maŋ lɛ kã he ko ni hi jogbaŋŋ;+ shi nu lɛ ehiii, ni shikpɔŋ lɛ hu wooo yibii.”* 20  Kɛkɛ ni ekɛɛ akɛ: “Nyɛkɛ ŋoo awoa tsɛnsi hee bibioo ko mli nyɛbahãa mi.” Ni amɛkɛbahã lɛ. 21  Kɛkɛ ni eje kpo kɛtee he ni nu lɛ jɛɔ kɛbaa lɛ ni etsɔ ŋoo lɛ ewo mli+ ni ekɛɛ: “Nɔ ni Yehowa kɛɛ nɛ, ‘Mifee nu nɛɛ krɔŋŋ.* Egbeŋ mɔ ko dɔŋŋ, ni ebaahã awo shwiei agbɛnɛ.’”* 22  Ni nu lɛ efee krɔŋŋ* kɛbashi ŋmɛnɛ, yɛ wiemɔ ni Elisha wie lɛ naa. 23  Ekwɔ kɛjɛ jɛmɛ kɛtee Betel. Be ni enyiɛ gbɛ lɛ nɔ kɛyaa lɛ, gbekɛbii hii komɛi ni jɛ maŋ lɛ mli je kpo kɛba ni amɛbaye ehe fɛo,+ ni amɛtee nɔ amɛkɛɛ akɛ: “Yiteŋkpataatsɛ, kwɔɔ kɛya! Yiteŋkpataatsɛ, kwɔɔ kɛya!” 24  Ni etsɔ ehe ni ekwɛ amɛ ni elomɔ amɛ yɛ Yehowa gbɛ́i mli. Kɛkɛ ni oshishibrishii+ yei enyɔ jɛ koo lɛ mli ba ni amɛbatserɛ gbekɛbii lɛ ateŋ mɛi 42 mli.+ 25  Etsa nɔ kɛjɛ jɛmɛ kɛtee Karmel Gɔŋ+ lɛ nɔ, ni eku esɛɛ kɛjɛ jɛmɛ kɛtee Samaria.

Shishigbɛ Niŋmaa

Loo “kɔɔyɔɔ lɛ mli.”
Jeee Gilgal ni bɛŋkɛ Yeriko lɛ ni, shi moŋ Gilgal ni yɔɔ gɔji ni bɛŋkɛ Betel lɛ nɔ lɛ.
Loo “osusuma hiɛ.”
Eeenyɛ efee akɛ, akɛ wiemɔ ni ji “gbalɔi abii lɛ” tsuɔ nii kɛhãa mɛi ni yaa skul ni akɛtsɔɔ gbalɔi anii, loo akɛtsuɔ nii kɛhãa gbalɔi akuu ko.
Loo “osusuma hiɛ.”
Eeenyɛ efee akɛ, akɛ wiemɔ ni ji “gbalɔi abii lɛ” tsuɔ nii kɛhãa mɛi ni yaa skul ni akɛtsɔɔ gbalɔi anii, loo akɛtsuɔ nii kɛhãa gbalɔi akuu ko.
Loo “osusuma hiɛ.”
Eeenyɛ efee akɛ, akɛ wiemɔ ni ji “gbalɔi abii lɛ” tsuɔ nii kɛhãa mɛi ni yaa skul ni akɛtsɔɔ gbalɔi anii, loo akɛtsuɔ nii kɛhãa gbalɔi akuu ko.
Mumɔ ni awie he yɛ biɛ lɛ baanyɛ afee Nyɔŋmɔ mumɔ krɔŋkrɔŋ lɛ, loo bɔ ni Elia feɔ enii ehãa.
Loo “kɔɔyɔɔ lɛ mli.”
Eeenyɛ efee akɛ, akɛ wiemɔ ni ji “gbalɔi abii lɛ” tsuɔ nii kɛhãa mɛi ni yaa skul ni akɛtsɔɔ gbalɔi anii, loo akɛtsuɔ nii kɛhãa gbalɔi akuu ko.
Loo “kɔɔyɔɔ.”
Loo “wooo shwiei.” Shishitsɔɔmɔi komɛi kɛɔ akɛ, “ni shikpɔŋ lɛ hãa musu fiteɔ.”
Loo “Mitsa nu nɛɛ.”
Shishitsɔɔmɔi komɛi kɛɔ akɛ, “ni ehãŋ musu afite dɔŋŋ.”
Loo “Ni atsa nu lɛ.”