1 Samuel 31:1-13

  • Saul kɛ ebihii etɛ lɛ agbele (1-13)

31  No mli lɛ, Filistibii lɛ kɛ Israel miiwu.+ Ni Israel hii lɛ jo foi yɛ Filistibii lɛ ahiɛ, ni mɛi babaoo gboi yɛ Gilboa Gɔŋ lɛ nɔ.+  Filistibii lɛ tiu Saul kɛ ebihii lɛ waa, ni Filistibii lɛ gbe Saul bihii Yonatan+ kɛ Abinadab kɛ Malki-shua.+  Ta lɛ mli wa wo Saul, gãitsɛ̃lɔi lɛ anine shɛ enɔ, ni gãitsɛ̃lɔi lɛ pila lɛ waa.+  Kɛkɛ ni Saul kɛɛ mɔ ni hiɛɔ etawuu nii lɛ akɛ: “Gbalamɔ oklante lɛ ni okɛtsu mi, koni hii ni afolɔko amɛ ketia*+ nɛɛ akaba ni amɛkɛ amɛklante lɛ batsu mi ni amɛfee mi niseniianii.” Shi mɔ ni hiɛɔ etawuu nii lɛ sumɔɔɔ ni efeɔ, ejaakɛ no mli lɛ, eeshe gbeyei waa. No hewɔ lɛ, Saul kɔ klante lɛ ni eho egbee nɔ.+  Be ni mɔ ni hiɛɔ Saul tawuu nii lɛ na akɛ Saul egbo lɛ,+ lɛ hu eho egbee lɛ diɛŋtsɛ eklante lɛ nɔ ni ekɛ lɛ gbo.  No hewɔ lɛ, Saul kɛ ebihii etɛ lɛ kɛ mɔ ni hiɛɔ etawuu nii lɛ kɛ ehii lɛ fɛɛ gboi nakai gbi lɛ.+  Be ni Israelbii ni yɔɔ jɔɔ lɛ mli kɛ Yordan kpokpaa lɛ nɔ lɛ na akɛ Israel asraafoi lɛ ejo foi, ni Saul kɛ ebihii lɛ egboi lɛ, amɛ hu amɛshi maji ni amɛyɔɔ mli lɛ amli ni amɛjo foi;+ ni Filistibii lɛ ba ni amɛbahi jɛmɛ.  Enɔ jetsɛremɔ be ni Filistibii lɛ ba koni amɛbakpɔlɔ mɛi ni egboi lɛ ahe nibii lɛ, amɛna Saul kɛ ebihii etɛ lɛ agbohii yɛ Gilboa Gɔŋ+ lɛ nɔ.  No hewɔ lɛ, amɛfo eyitso ni amɛkpɔlɔ etawuu nii lɛ yɛ ehe, ni amɛhã ashiɛ sane nɛɛ yɛ Filistibii lɛ ashikpɔŋ lɛ nɔ fɛɛ+ yɛ amɛmagai lɛ ashĩai* lɛ amli+ kɛ maŋbii lɛ ateŋ. 10  Kɛkɛ ni amɛkɛ etawuu nii lɛ yashwie Ashtoret amagai lɛ ashĩa lɛ mli, ni amɛkɛ egbonyo lɛ yakpɛtɛ Bet-shan+ gbogbo lɛ he. 11  Be ni mɛi ni yɔɔ Yabesh-gilead+ lɛ nu nɔ ni Filistibii lɛ efee Saul lɛ, 12  tawulɔi kãkãlɔi lɛ fɛɛ te shi ni amɛnyiɛ nyɔɔŋ muu fɛɛ kɛtee ni amɛyajie Saul kɛ ebihii lɛ agbohii lɛ kɛje Bet-shan gbogbo lɛ he, ni amɛku amɛsɛɛ kɛba Yabesh ni amɛbashã amɛ yɛ jɛmɛ. 13  Kɛkɛ ni amɛloo gbohii lɛ awui+ lɛ ni amɛfu yɛ tamariske tso ni yɔɔ Yabesh+ lɛ shishi, ni amɛhi ŋmaa gbii kpawo.

Shishigbɛ Niŋmaa

Loo “foolɔi.”
Loo “ajamɔhei; asɔlemɔwei.”