1 Samuel 27:1-12

  • Filistibii lɛ kɛ Ziklag hã David (1-12)

27  Agbɛnɛ, David wie yɛ etsuiŋ akɛ: “Kɛ́ mikwɛɛɛ ni ahi lɛ, gbi ko lɛ Saul nine baagbe mi. Nɔ ni hi fe fɛɛ ni manyɛ mafee ji ni majo foi+ kɛya Filistibii lɛ ashikpɔŋ lɛ nɔ; kɛkɛ lɛ Saul baakpa mi taomɔ yɛ Israel shikpɔji lɛ fɛɛ nɔ,+ ni maje edɛŋ.”  No hewɔ lɛ, David te shi ni ekɛ hii 600+ ni fata ehe lɛ yiŋ kɛtee Maok binuu Akish,+ ni ji Gat maŋtsɛ lɛ ŋɔɔ.  David yahi Akish ŋɔɔ yɛ Gat, lɛ kɛ ehii lɛ, nuu fɛɛ nuu kɛ eshĩabii. David hu kɛ eŋamɛi enyɔ lɛ, Ahinoam+ ni jɛ Yezreel lɛ kɛ Abigail,+ Karmel yoo lɛ ni ji Nabal ni egbo lɛ ŋa lɛ yahi jɛmɛ.  Be ni abakɛɛ Saul akɛ David ejo foi kɛtee Gat lɛ, ekpa lɛ taomɔ.+  Kɛkɛ ni David kɛɛ Akish akɛ: “Kɛji mihiɛ eba nyam yɛ ohiɛ lɛ, hã ni amɛhã mi he ko yɛ maji bibii lɛ eko mli koni mayahi jɛmɛ. Mɛni hewɔ esa akɛ otsulɔ kɛ bo ahi maŋtsɛ maŋ lɛŋ?”  No hewɔ lɛ, Akish kɛ Ziklag+ hã lɛ yɛ nakai gbi lɛ nɔ. Enɛ hewɔ ni Ziklag etsɔ Yuda maŋtsɛmɛi lɛ anɔ kɛbashi ŋmɛnɛ lɛ.  Bei* abɔ ni David ye yɛ Filistibii lɛ ashikpɔŋ lɛ nɔ lɛ ji afi kɛ nyɔji ejwɛ.+  David kɛ ehii lɛ kwɔɔ kɛyaa ni amɛyaloɔ Geshurbii lɛ,+ kɛ Girzibii lɛ, kɛ Amalekbii+ lɛ anii, ejaakɛ no mli lɛ, amɛ amɛyɔɔ shikpɔŋ ni kã shi kɛjɛ Telam aahu kɛyashi Shur+ kɛ agbɛnɛ hu kɛkpeleke shi kɛtee Ejipt shikpɔŋ lɛ nɔ lɛ nɔ.  Kɛ́ David yatutua shikpɔŋ lɛ, ekpãtãa hii kɛ yei fɛɛ ahiɛ,+ shi eloɔ tookui lɛ, kɛ tsinai lɛ, kɛ tejii lɛ, kɛ afukpɔŋɔi lɛ, kɛ atadei lɛ, kɛkɛ lɛ no sɛɛ lɛ, eku esɛɛ kɛtee Akish ŋɔɔ. 10  Kɛkɛ lɛ Akish baabi lɛ akɛ: “Ŋmɛnɛ lɛ, nɛgbɛ oyaloo ta mli nii yɛ?” David hãa hetoo akɛ: “Yuda wuoyi”*+ aloo “Yerameelbii+ lɛ awuoyi” aloo “Kenbii+ lɛ awuoyi.” 11  David ebaaa nuu ko loo yoo ko yi kɛbaaa Gat, ejaakɛ ekɛɛ akɛ: “Kɛjeee nakai lɛ, amɛbaawie wɔhe amɛtsɔɔ amɛ akɛ, ‘Nɛkɛ ji nɔ ni David fee.’” (Nakai ji bɔ ni efeɔ yɛ gbii fɛɛ ni ekɛhi Filistibii lɛ akoosɛɛ maŋ lɛ mli.) 12  No hewɔ lɛ, Akish he David eye ni ekɛɛ ehe akɛ: ‘Ehe eje fu yɛ emaŋbii ni ji Israelbii lɛ ateŋ, no hewɔ lɛ, ebaafee mitsulɔ daa.’

Shishigbɛ Niŋmaa

Loo “Gbii.”
Loo “Negeb lɛ.”