1 Samuel 2:1-36

  • Hana sɔlemɔ lɛ (1-11)

  • Eshai ni Eli bihii enyɔ lɛ fee lɛ (12-26)

  • Yehowa kojo Eli shĩa lɛ (27-36)

2  Kɛkɛ ni Hana sɔle ekɛɛ: “Mitsui mli efili lɛ yɛ Yehowa hewɔ;+Yehowa ewó mikolonto* lɛ nɔ. Miná naabu* yɛ mihenyɛlɔi lɛ anɔ,Ejaakɛ minyaa yɛ oyiwalaheremɔ nitsumɔi lɛ ahewɔ.   Mɔ krɔŋkrɔŋ ko bɛ ni tamɔ Yehowa,Mɔ ko mɔ ko kwraa bɛ, ja bo,+Ni tɛsaa ko bɛ ni tamɔ wɔ-Nyɔŋmɔ lɛ.+   Kaawie henɔwomɔ wiemɔi dɔŋŋ;Kaagbee odaaŋ,Ejaakɛ Yehowa lɛ, Nyɔŋmɔ nilelɔ kpanaa ji lɛ,+Ni lɛ eŋmɛɔ nifeemɔi fɛɛ pɛpɛɛpɛ.   Hewalɔi agãii lɛ ekumɔ,Shi mɛi ni najiaŋ ejɔ lɛ ená hewalɛ.+   Mɛi ni etɔrɔ lɛ miitsu nii miihã mɛi yɛ niyenii hewɔ,Shi mɛi ni hɔmɔ yeɔ amɛ lɛ, hɔmɔ yeee amɛ dɔŋŋ.+ Kene lɛ efɔ bihii kpawo,+Shi mɔ ni yɔɔ bihii babaoo lɛ efee shwɛm.*   Yehowa gbeɔ mɔ, ni ebaa wala yi;*Ehãa mɔ yaa Gbonyobu* mli, ni eteɔ mɔ shi.+   Yehowa hãa mɔ yeɔ ohia, ni ehãa mɔ náa nii;+Ebaa mɔ shi, ni ewóɔ mɔ nɔ.+   Ewóɔ mɔ ni abuuu lɛ lɛ nɔ kɛjeɔ mulu mli;Ewóɔ ohiafo nɔ kɛjeɔ lamulu mli,*+Koni amɛkɛ lumɛi atara shi,Koni ehã amɛtara anunyam sɛii anɔ. Yehowa nɔ ji shikpɔŋ lɛ akulashiŋi lɛ,+Ni ekɛ shikpɔŋ ni baa nii lɛ ema amɛnɔ.   Ebuɔ enɔkwafoi lɛ anajifaamɔi ahe,+Shi mɛi fɔji lɛ, abaahã amɛmu shi kɔ̃i yɛ duŋ mli,+Ejaakɛ gbɔmɔ ko gbɔmɔ ko yeee kunim yɛ ehewalɛ naa.+ 10  Yehowa baakumɔ mɛi ni wuɔ shiɔ lɛ lɛ;*+Ebaahã nugbɔ ashimɔ yɛ ŋwɛi awo amɛ.+ Yehowa baakojo kɛya shikpɔŋ lɛ naagbeehei lɛ,+Ebaahã emaŋtsɛ lɛ hewalɛ+Ni ebaawó mɔ ni efɔ lɛ mu lɛ akolonto* lɛ nɔ.”+ 11  Kɛkɛ ni Elkana yiŋ etee eshĩa yɛ Rama, shi gbekɛ nuu lɛ batsɔ Yehowa sɔɔlɔ*+ yɛ osɔfo Eli shishi. 12  Eli bihii lɛ ji gbɔmɛi fɔji;+ amɛbuuu Yehowa kwraa. 13  Nɔ ni amɛfeɔ yɛ osɔfoi lɛ agbɛnaa nii ni amɛnáa kɛjɛɔ mɛi lɛ adɛŋ+ lɛ he lɛ nɛ: Be fɛɛ be ni mɔ ko baaba akɛ ebaashã afɔle lɛ, be ni aahoo loo lɛ, osɔfo lɛ sɔɔlɔ lɛ kɛ faka kɛ enaa nyanyɔji etɛ baa, 14  ni ekɛbawoɔ tsɛnsi lɛ loo dadesɛŋ lɛ loo kukwɛi agbo lɛ loo tsɛnsi kɛ enine kome lɛ mli. Nɔ fɛɛ nɔ ni faka lɛ baatsu kɛje kpo lɛ, osɔfo lɛ ŋɔɔ ehãa ehe. Nakai ji bɔ ni amɛfeɔ Israelbii fɛɛ ni baa Shilo lɛ. 15  Agbɛnɛ hu, dani mɔ ni shãa afɔle lɛ baashã loo lɛ mli fɔ lɛ po lɛ,+ osɔfo lɛ sɔɔlɔ baa ni ebakɛɔ lɛ akɛ: “Hã osɔfo lɛ loo lɛ eko ni eshã. Esumɔɔɔ loo ni ahoo, eesumɔ loo ŋmɔŋ.” 16  Kɛ́ mɔ lɛ kɛɛ lɛ akɛ: “Mɛɛ koni ashã loo lɛ mli fɔ lɛ agbe naa,+ koni okɔ nɔ fɛɛ nɔ ni osumɔɔ”* lɛ, ekɛɔ akɛ: “Dabi, kɛhã mi bianɛ nɔŋŋ; kɛjeee nakai lɛ makɔ lɛ akrana naa!” 17  No hewɔ lɛ, sɔɔlɔi lɛ ahe esha lɛ da waa diɛŋtsɛ yɛ Yehowa hiɛ,+ ejaakɛ hii lɛ ebuuu Yehowa afɔle lɛ. 18  No mli lɛ, Samuel miisɔmɔ+ yɛ Yehowa hiɛ, ni eyɛ mli akɛ gbekɛ nuu fioo ji lɛ moŋ, shi ewoɔ* klala efɔd.+ 19  Agbɛnɛ hu, enyɛ kpɛɔ atade bibioo ni nine bɛ he, ni daa afi kɛ́ Hana kɛ ewu lɛ kwɔ kɛba koni amɛbashã daa afi afɔle lɛ, ekɛbahãa lɛ.+ 20  Ni Eli jɔɔ Elkana kɛ eŋa lɛ ekɛɛ: “Yehowa ahã oŋa nɛɛ afɔ ahã bo yɛ mɔ ni akɛfa Yehowa lɛ najiaŋ.”+ Ni amɛku amɛsɛɛ kɛtee shĩa. 21  Yehowa na Hana mɔbɔ* ni ená musu;+ ni efɔ bihii etɛ krokomɛi hu kɛ biyei enyɔ hu. Ni gbekɛ nuu Samuel lɛ, etee nɔ eda yɛ Yehowa hiɛ.+ 22  No mli lɛ, Eli egbɔ waa, shi enuɔ nibii fɛɛ ni ebihii lɛ feɔ+ Israelbii lɛ kɛ bɔ ni amɛkɛ yei ni sɔmɔɔ yɛ kpee buu lɛ shinaa lɛ naa lɛ náa bɔlɛ lɛ.+ 23  Daa nɛɛ ekɛɔ amɛ akɛ: “Mɛni hewɔ nyɛyaa nɔ nyɛfeɔ nibii tamɔ nɛkɛ? Ejaakɛ nibii ni minuɔ ni mɛi fɛɛ wieɔ yɛ nyɛhe lɛ ehiii. 24  Nyɛkafea nakai, mibihii, ejaakɛ saji ni minuɔ ni awieɔ yɛ nyɛhe yɛ Yehowa maŋbii lɛ ateŋ lɛ ehiii. 25  Kɛji mɔ ko fee esha eshi enyɛmi gbɔmɔ lɛ, mɔ ko baanyɛ akpa Yehowa fai ahã lɛ;* shi kɛ́ mɔ ko fee esha eshi Yehowa lɛ,+ namɔ baanyɛ asɔle ahã lɛ?” Shi amɛbooo amɛtsɛ toi, ejaakɛ Yehowa ekpɛ mli akɛ ebaagbe amɛ.+ 26  Shi nakai beiaŋ fɛɛ lɛ, gbekɛ nuu Samuel lɛ tee nɔ eda, ni ehiɛ ba nyam yɛ Yehowa kɛ mɛi fɛɛ ahiɛ.+ 27  Ni Nyɔŋmɔ gbɔmɔ ko ba Eli ŋɔɔ ni ebakɛɛ lɛ akɛ: “Nɔ ni Yehowa kɛɛ nɛ: ‘Ani jeee mi mijie mihe kpo faŋŋ mitsɔɔ otsɛ shĩa lɛ be ni amɛyɔɔ Ejipt akɛ Farao shĩa lɛ nyɔji lɛ?+ 28  Ni mihala lɛ yɛ Israel wekui lɛ fɛɛ ateŋ+ koni esɔmɔ akɛ osɔfo ehã mi, ni ekwɔ ni eyashã afɔle yɛ mifɔleshãa latɛ+ lɛ nɔ, ni eyashã tsofa-kɛ-ŋma,* ni ewo efɔd yɛ mihiɛ; ni mikɛ Israelbii lɛ afɔlei fɛɛ ni akɛ la shãa lɛ hã otsɛ shĩa lɛ.+ 29  Mɛni hewɔ ni nyɛgbeɔ mifɔle kɛ minikeenii lɛ ni miwo he kitã yɛ mishihilɛhe lɛ he guɔ?*+ Mɛni hewɔ oyaa nɔ owoɔ obii lɛ ahiɛ nyam fe mi, ni nyɛkɛ mimaŋ Israel afɔle lɛ fɛɛ mli nii ni hi fe fɛɛ lɛ lɛɔ nyɛhe?+ 30  “‘No hewɔ lɛ, nɔ ni Yehowa, Israel Nyɔŋmɔ lɛ kɛɛ nɛ: “Eyɛ mli akɛ, mi miwie akɛ oshĩa lɛ kɛ otsɛ shĩa lɛ baanyiɛ yɛ mihiɛ daa nɛɛ moŋ.”+ Shi amrɔ nɛɛ Yehowa miikɛɛ akɛ: “Ebaŋ lɛ nakai kɔkɔɔkɔ, ejaakɛ mɛi ni woɔ mihiɛ nyam lɛ, mawo amɛhiɛ nyam,+ shi mɛi ni ebuuu mi lɛ, abuŋ amɛ ahãŋ nɔ ko.” 31  Naa! Gbii miiba ni mafo ohewalɛ* kɛ otsɛ shĩa lɛ hewalɛ lɛ hu, ni mɔ ko kwraa ehiŋ oshĩa lɛ kɛyashi egbɔlɛ beiaŋ.+ 32  Ni yɛ nibii kpakpai fɛɛ ni abaafee ahã Israelbii+ lɛ fɛɛ mli lɛ, bo lɛ, obaana henyɛlɔ ko yɛ mishihilɛhe lɛ, ni nuumo ko ehiŋ oshĩa lɛ dɔŋŋ. 33  Ni nuu ko yɛ oseshibii lɛ ateŋ ni mishwieŋ kɛjeŋ mifɔleshaa latɛ lɛ he, ni lɛ ebaahã ohiŋmɛii afite, ni obaaye awerɛho,* shi oshĩa lɛ mli bii lɛ ateŋ mɛi babaoo baagboi yɛ hii aklantei anaa.+ 34  Ni nɔ ni baaba obihii enyɔ, Hofni kɛ Finehas nɔ lɛ baafee okadi ahã bo: Amɛyi enyɔ lɛ fɛɛ amɛbaagboi yɛ gbi kome nɔ.+ 35  Ni mawó osɔfo anɔkwafo ko mahã mihe.+ Ebaafee mitsuinaa nii;* ni mama shĩa* ni baahi shi kɛya naanɔ mahã lɛ, ni ebaanyiɛ mɔ ni mifɔ lɛ mu lɛ hiɛ be fɛɛ be. 36  Mɔ fɛɛ mɔ ni baashwɛ yɛ oshĩa lɛ baaba ebakoto ehiɛ ni ekɛɛ akɛ: “Ofainɛ, hã matsu osɔfoi anitsumɔi lɛ eko koni maná niyenii fioo maye,” bɔ ni afee ni awo lɛ nyɔmɔ ni ahã lɛ niyenii.’”+

Shishigbɛ Niŋmaa

Loo “mihewalɛ.”
Loo “Minaa egbele hatoo.”
Hebri sht. ŋm., “egbi.”
Loo “ekɛ mɔ baa wala mli.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Shishitsɔɔmɔi komɛi kɛɔ akɛ, “tumo nɔ.”
Shishitsɔɔmɔi komɛi kɛɔ akɛ, “Ŋmiŋmi baamɔmɔ mɛi ni wuɔ shiɔ Yehowa lɛ.”
Loo “hewalɛ.” Kwɛmɔ Wiemɔi Titrii Amligbalamɔ lɛ.
Loo “sɔmɔ Yehowa.”
Loo “nɔ fɛɛ nɔ ni osusuma shweɔ.”
Hebri sht. ŋm., “efĩɔ.”
Loo “Yehowa gbala ejwɛŋmɔ kɛba Hana nɔ.”
Shishitsɔɔmɔi komɛi kɛɔ akɛ, “Nyɔŋmɔ baadamɔ mli ahã lɛ.”
Shishitsɔɔmɔi komɛi kɛɔ akɛ, “ni eshã lasu afɔle.”
Loo “Mɛni hewɔ nyɛfamɔɔ ntia nyɛshiɔ mifɔle kɛ minikeenii lɛ ni miwo he kitã yɛ mishihilɛhe lɛ?”
Hebri sht. ŋm., “onine.”
Loo “lɛ ebaahã osusuma afee gbedee.”
Loo “Ebaafee nɔ ni yɔɔ mitsui mli kɛ misusuma mli.”
Ni ji, osɔfoi aweku.