1 Mose 9:1-29

  • Gbɛtsɔɔmɔi kɛhã adesai fɛɛ (1-7)

    • Lá he mla (4-6)

  • Kwaabuɛtɛ kpaŋmɔ (8-17)

  • Gbalɛi ni kɔɔ Noa seshibii lɛ ahe (18-29)

9  Kɛkɛ ni Nyɔŋmɔ jɔɔ Noa kɛ ebihii lɛ, ni ekɛɛ amɛ akɛ: “Nyɛfɔa ní nyɛyi afaa ní nyɛyia shikpɔŋ lɛ nɔ obɔ.+  Nyɛhe gbeyei kɛ nyɛhe ŋmiŋmi baaya nɔ amɔ bɔɔ nɔ fɛɛ bɔɔ nɔ ni hiɛ kã ni yɔɔ shikpɔŋ lɛ nɔ kɛ bɔɔ nɔ fɛɛ bɔɔ nɔ ni filikiɔ yɛ ŋwɛi, nɔ fɛɛ nɔ ni tsiɔ ehe yɛ shikpɔŋ lɛ nɔ kɛ loi fɛɛ ni yɔɔ ŋshɔ lɛ mli lɛ. Amrɔ nɛɛ, akɛ amɛ ewo nyɛdɛŋ.*+  Kooloo fɛɛ kooloo ni hiɛ kã ni tsiɔ ehe lɛ atsɔ nyɛniyenii.+ Mikɛ enɛɛmɛi fɛɛ miihã nyɛ, tamɔ bɔ ni mikɛ baa ŋmɔŋ hã nyɛ lɛ.+  Loo* kɛ ewala,* ni ji elá lɛ,+ kɛkɛ nyɛkayea.+  Agbɛnɛ hu, mabi nyɛlá, ni ji nyɛwala lɛ shi.* Mabi shi yɛ kooloo fɛɛ kooloo dɛŋ; ni gbɔmɔ fɛɛ gbɔmɔ lɛ, mabi enyɛmi wala shi yɛ edɛŋ.+  Mɔ fɛɛ mɔ ni shwieɔ gbɔmɔ lá shi lɛ, gbɔmɔ nɔŋŋ baashwie lɛ hu elá shi,+ ejaakɛ Nyɔŋmɔ bɔ gbɔmɔ yɛ ehenɔ.*+  Shi nyɛ lɛ, nyɛfɔa ní nyɛyi afaa, ní nyɛshwerea babaoo yɛ shikpɔŋ lɛ nɔ, ní nyɛyi afaa pii.”+  Ni Nyɔŋmɔ kɛɛ Noa kɛ ebihii ni kɛ lɛ yɔɔ lɛ akɛ:  “Amrɔ nɛɛ, mikɛ mikpaŋmɔ lɛ miima shi kɛmiihã nyɛ+ kɛ nyɛseshibii ni baaba yɛ nyɛsɛɛ lɛ, 10  kɛ bɔɔ nɔ fɛɛ bɔɔ nɔ* ni hiɛ kã ni kɛ nyɛ yɔɔ, loofɔji kɛ kooloi kɛ shikpɔŋ lɛ nɔ bɔɔ nii fɛɛ ni hiɛ kamɔ ní kɛ nyɛ yɔɔ lɛ, nɔ fɛɛ nɔ ni je kpo kɛje adeka lɛ mli lɛ—shikpɔŋ lɛ nɔ bɔɔ nɔ fɛɛ bɔɔ nɔ ni hiɛ kã.+ 11  Hɛɛ, mikɛ mikpaŋmɔ lɛ miima shi miihã nyɛ: Mikɛ nu afua kpãtãŋ heloo* fɛɛ hiɛ dɔŋŋ, ni mikɛ nu afua fiteŋ shikpɔŋ lɛ dɔŋŋ.”+ 12  Ni Nyɔŋmɔ kɛɛ kɛfata he akɛ: “Enɛ ji kpaŋmɔ ni mi kɛ nyɛ kɛ bɔɔ nɔ fɛɛ bɔɔ nɔ* ni hiɛ kã ni kɛ nyɛ yɔɔ lɛ kpaŋɔ kɛyaa yinɔi fɛɛ ni baaba lɛ he okadi. 13  Mikɛ mikwaabuɛtɛ miiwo atatu lɛ mli, ni ebaafee kpaŋmɔ ni yɔɔ mi kɛ shikpɔŋ lɛ teŋ lɛ he okadi. 14  Be fɛɛ be ni mahã atatu awo yɛ shikpɔŋ lɛ nɔ lɛ, kwaabuɛtɛ lɛ baapue yɛ atatu lɛ mli. 15  Ni bɔ fɛɛ bɔ ní fee lɛ, makai kpaŋmɔ ni mi kɛ nyɛ kɛ bɔɔ nii srɔtoi fɛɛ ni hiɛ kamɔ* lɛ kpaŋ lɛ; ni nui lɛ tsɔŋ nu afua ni baakpãtã heloo fɛɛ hiɛ dɔŋŋ.+ 16  Ni kwaabuɛtɛ lɛ baapue yɛ atatu lɛ mli, ni mana, ni makai naanɔ kpaŋmɔ ni yɔɔ Nyɔŋmɔ kɛ bɔɔ nii srɔtoi fɛɛ ni hiɛ kamɔ* ni yɔɔ shikpɔŋ lɛ nɔ lɛ ateŋ lɛ.” 17  Nyɔŋmɔ kɛɛ Noa ekoŋŋ akɛ: “Enɛ ji kpaŋmɔ ni mi kɛ heloo fɛɛ ni yɔɔ shikpɔŋ lɛ nɔ lɛ kpaŋɔ lɛ he okadi.”+ 18  Noa bihii lɛ ni je kpo kɛje adeka lɛ mli lɛ ji Shem kɛ Ham kɛ Yafet.+ Sɛɛ mli lɛ, Ham fɔ Kanaan.+ 19  Mɛi etɛ nɛɛ ji Noa bihii lɛ, ni amɛmli gbɔmɛi ni yɔɔ shikpɔŋ lɛ nɔ lɛ fɛɛ jɛ ni amɛgbɛ amɛshwã he fɛɛ he.+ 20  Agbɛnɛ, Noa bɔi okwaa yeli, ni efee wain ŋmɔ. 21  Gbi ko lɛ, enu wain lɛ eko, ni etɔ dãa, ni ejie ehe folo kɛkã emama tsũ lɛ mli. 22  Ham, Kanaan tsɛ lɛ, yana etsɛ yayaiaŋ, ni eyakɛɛ enyɛmimɛi hii enyɔ lɛ yɛ agbó lɛ naa. 23  No hewɔ lɛ, Shem kɛ Yafet kɔ mama ni amɛkɛfɔ̃ amɛkɔɔji anɔ, ni amɛnyiɛ sɛɛsɛɛ kɛtee mama tsũ lɛ mli. No hewɔ lɛ, amɛha amɛtsɛ yayaiaŋ be ni amɛtsɔ amɛhiɛ amɛto afã, ni amɛnaaa amɛtsɛ yayaiaŋ. 24  Be ni Noa hiɛ tserɛ lɛ kɛjɛ edãatɔɔ lɛ mli ní ená ele nɔ ni ebi gbekɛ lɛ efee lɛ lɛ, 25  ekɛɛ: “Alomɔ Kanaan.+ Ebaatsɔ nyɔŋ ní baa shi fe fɛɛ ehã enyɛmimɛi lɛ.”+ 26  Ni ekɛɛ kɛfata he akɛ: “Ajie Yehowa, Shem Nyɔŋmɔ lɛ yi,Ni Kanaan atsɔ Shem nyɔŋ.*+ 27  Nyɔŋmɔ ahã Yafet shikpɔŋ ni da waa,Ní ehi Shem mama tsũi lɛ amli. Ni Kanaan atsɔ nyɔŋ ahã lɛ hu.” 28  Noa tee nɔ ehi shi afii 350 yɛ Nu Afua lɛ sɛɛ.+ 29  No hewɔ lɛ, gbii fɛɛ ni Noa ye lɛ fee afii 950, ni egbo.

Shishigbɛ Niŋmaa

Loo “nyɛbaaye amɛnɔ.”
Loo “Heloo.”
Loo “esusuma.”
Loo “mabi nyɛsusumai alá shi.”
Ni ji, Nyɔŋmɔ henɔ.
Loo “susuma fɛɛ susuma.”
Loo “nibii ni hiɛ kamɔ.”
Loo “susuma fɛɛ susuma.”
Loo “heloo fɛɛ ni hiɛ kamɔ lɛ asusuma fɛɛ susuma.”
Loo “heloo fɛɛ ni hiɛ kamɔ lɛ asusuma fɛɛ susuma.”
Hebri sht. ŋm., “Kanaan atsɔ enyɔŋ.”